ბრიტანეთისა და ჩრდილოეთ ირლანდიის ეპარქიაში მყოფი დეკანოზ ილია ჭიღლაძე საპატრიარქოს გადაწყვეტილებას ეხმაურება, რომლის მიხედვითაც მას მღვდელმოქმედება აეკრძალა და აღნიშნავს, რომ “საპატრიარქოს კლანისგან” არაფერი უკვირს.
როგორც ჭიღლაძემ აღნიშნა, “სახეზეა ტოტალიტარიზმი და რეპრესიული რეჟიმი საქართველოს საბჭოთა ფორმირების ეკლესიაში”.
“30 ივლისის გადაწყვეტილებას 10 დეკემბერს რომ გამოაქვეყნებ, არათუ დროს ხარ აცდენილი, არამედ ადეკვატურობასაც. მეც დღეს გავიგე თქვენთან ერთად ეს გადაწყვეტილება, რომ შემიჩერეს მღვდელმოქმედების უფლება, მეგობრებო. რა თქმა უნდა, არ მიკვირს საპატრიარქოს კლანისგან არაფერი, ისინი ელემენტარულ კანონიკას და წესიერებას აცდენილნი არიან. მოყვანილი სამი კანონიდან მესამე, მოციქულთა 74-ე კანონი მე კი არ მეხება, ეხება ეპისკოპოსებს (ერთი ეპისკოპოსის მიერ მეორე ეპისკოპოსის ბრალდებას) და ამჟამად პირდაპირ ესადაგება მცხეთა-თბილისის ეპისკოპოს ილია მეორეს, რომელიც ბრალდებულია მიტროპოლიტ პეტრეს მიერ და მან თავი არ იმართლა საეკლესიო საკრებო სასამართლოზე. აი, საეკლესიო კანონიკის ასეთი უმეცრები არიან მოკალათებულნი საპატრიარქოში. ეს იმიტომ, რომ დიდი სჯულისკანონი ტოტალურად უარყოფილი და დარღვეულია მათ მიერ და მხოლოდ კრიტიკული პოზიციის ჩასახშობად ახსენდებათ და სჭირდებათ ის. სახეზეა ტოტალიტარიზმი და რეპრესიული რეჟიმი საქართველოს საბჭოთა ფორმირების ეკლესიაში, რომელიც სახელად მართლმადიდებლურია, შინაარსით საბჭოურ-სტალინისტურ-კრემლისტური.
საპატრიარქოს დღევანდელ განცხადებაში არის ასევე სიცრუე, რომ თითქოს 25 ივნისის ჩვენს წერილზე (მოსაყდრე შიოს და დეკ. ბოტკოველის ხელმოწერილი და სამარცხვინო კორექტული შეცდომით გამოგზავნილი ივლისის ნაცვლად, რომ ივნისი ჩაწერეს) არ გვიპასუხაო, ვუპასუხე საჯაროდ და მასმედიაშიც გავრცელდა, გეხსომებათ. რაც შეეხება სინანულს, სინანული ყოველ ადამიანს სჭირდება, მაგრამ უპირველეს ყოვლისა საქართველოს მართლმადიდებელი ეკლესიის უკანონო მმართველებს მათი ანტიქრისტიანული, ანტისახარებისეული და ანტიკანონიკური საქმიანობისათვის, რამაც სრულად გახრწნა ჩვენი საპატრიარქო და იერარქია, მრევლის ცნობიერება და სულიერი მდგომარეობა”, – წერს დეკანოზი ილია ჭიღლაძე.
მართლმადიდებელი ეკლესიის საპატრიარქოს სინოდურმა კომისიამ დიდი ბრიტანეთისა და ჩრდილოეთ ირლანდიის ეპარქიაში მყოფ დეკანოზ ილია ჭიღლაძეს მღვდელმოქმედება აუკრძალა და “მიეცა დრო სინანულისთვის”. საბოლოო გადაწყვეტილებისთვის საკითხი წარედგინება წმინდა სინოდის სხდომას.
საქართველოს საპატრიარქოს წმინდა სინოდმა სხდომის 11 თებერვალს გამოქვეყნებულ ოქმში მიუთითა, რომ დეკანოზ ილია ჭიღლაძის შესახებ სინოდალური კომისია იმსჯელებს. საპატრიარქო მიიჩნევს, რომ “დიდი ბრიტანეთისა და ჩრდილოეთ ირლანდიის ქართული სამრევლოს მღვდელმსახური, დეკანოზი ილია ჭიღლაძე საქართველოს ეკლესიის იერარქთა მისამართით დიდი ხანია, უკიდურესად შეურაცხმყოფელ და ცილისმწამებლურ განცხადებებს აკეთებს მასმედიის საშუალებით”.
თავად ილია ჭიღლაძემ საპატრიარქოს “წითელი” და “ერის მაზობმირებელი” უწოდა, რომელიც ქრისტეს და ეკლესიას შეურაცხყოფს.
მსგავსი სტატიები:
როგორ ხვდებიან ახალ წელს მსოფლიოს სხვადასხვა ქვეყნებში?!
რატომ გახდა სიმღერა Jingle Bells შობა-ახალი წლის დღესასწაულების მთავარი ჰიმნი
დღეს 21:00 საათიდან 05:00 საათამდე გადაადგილებაზე შეზღუდვა იხსნება
თუ ვაქცინას არ გაიკეთებთ, არასდროს დასრულდება პანდემია- ამერიკაში მოღვაწე ლანჩხუთელი მღვდელი
ტიკარაძე: “კვირის ბოლოს ვაქცინის პარტიას ჩინეთიდან ველოდებით”
რა შედეგებამდე მიჰყავს TikTok-ზე განთავსებულ ვიდეოებს მოზარდები
რა შეზღუდვები მოიხსნება ორჯერ აცრილებისთვის – სად შეძლებთ, ივლისში, საყოველთაო ვაქცინაცინაციაში ჯავშნის გარეშე ჩართვას
ვიდეო: ამ წუთებში მზიანის ცენტრში დაძაბულობაა