მინიმუმ 2 არჩევნებში დამარცხებული ხელსუფლება არალეგიტიმურად რჩება კაბინეტებში და ხელი უნდა გავანძრიოთ – ამის შესახებ საქართველოს მესამე პრეზიდენტის ახალ გზავნილშია საუბარი, რომელიც სულ ცოტა ხნის წინმიხეილ სააკაშვილის ფეისბუქგვერდზე გამოქვეყნდა.
მიხეილ სააკაშვილი ყაზახეთში არსებულ ვითარებას განიხილავს და საქართველოსთან პარალელს ავლებს. მისი განმარტებით, საქართველოში არსებობს მძლავრი ოპოზიციური მუხტი და საჭიროა, ეს მუხტი სამართლიანობის დასამკვიდრებლად გამოიყენონ.
აი რა ხდება, როცა თავს აცხადებ რუსული გავლენის სფეროს ნაწილად და დასავლეთიდან დისტანცირდები. დღეს დაიწყო ფართომასშტაბიანი შეჭრა ОДКБ-ს საფარქვეშ მოქმედი რუსული ჯარების ყაზახეთში, სადაც მთელი ხალხი აჯანყებულია სოციალური უსამართლობის, კორუფციის და არჩევნების გაყალბების წინააღმდეგ. ეს ნიშნავს, რომ ყაზახეთის ხელმძღვანელობა საკუთარ ხალხს დაახოცინებს რუს, სომეხ და სხვა მეზობლების ჯარისკაცებს.
გვინდა ჩვენ ასეთი სცენარი ჩვენი ქვეყნისთვის? რა თქმა უნდა, არა და თუ არა – უნდა ვისწავლოთ ყველანაირი წყენის და პირადი ამბიციების გვერდზე გადაწევა და ერთობლივი, მასობრივი და უწყვეტი ქმედებებით, ყველა ლეგიტიმური ბერკეტის გამოყენებით მიზნის მიღწევა. სხვანაირად ჩვენი ხალხი, რომლის 80% უკვე სიღატაკეში ცხოვრობს, ან შიმშილით დაიღუპება, ან მოუხდება ჩვენი ქვეყნის დატოვება. შეუძლებელია ამ კომუნალური ტარიფებით, ამ ფასებით წამლებზე და პროდუქტებზე, იმ პირობებში, როცა შრომას ფასი არა აქვს, უბრალოდ პატიოსანი მუშაობით, ოჯახის გამოკვება, არსებობის გაგრძელება.
ხოლო იმ პირობებში, რომ მინიმუმ ბოლო ორ არჩევნებში დამარცხებული ჯგუფი არალეგიტიმურად რჩება კაბინეტებში და დასავლეთის წინააღმდეგ ღიად აკეთებს განცხადებებს, ჩვენი დამცველი და მომკითხავიც აღარავინ დარჩება, თუ ხელი არ გავანძრიეთ.
საქართველოში 90-იანი წლებიდან არ ყოფილა ისეთი მძლავრი ოპოზიციური მუხტი, როგორც ახლა. ამჯერად პოლიტიკოსების, აქტივისტების, უბრალოდ აქტიური მოქალაქეების ვალია ეს მრავალრიცხოვანი საპროტესტო ნაკადული ერთ მძლავრ, ფართო საპროტესტო მდინარედ ვაქციოთ და წყალს გავატანოთ ყველაფერი, რაც ხელს გვიშლის საკუთარ ქვეყანაში ღირსეულად ცხოვრებაში და პარავს ჩვენ შვილებს მომავალს – წერს მიხეილ სააკაშვილი
მსგავსი სტატიები:
“ცხრა წელი ერთ პარტიას კი არა, ცოლი ქმარს არ უერთგულებს”- ენმ-ის წევრი
“მოსახლეობა ეხვეწება ოპოზიციას და ხელისუფლებას წადითო, მაგრამ ორივე უარზეა”
რიონის ხეობის მცველებისა და ხელისუფლების წარმომადგენლების შეხვედრა დასრულდა
3 დღით, გომისმთის მიმართულებით მოძრაობა შეიზღუდება- ოზურგეთის მერია
“ეს თუ შეგრჩეთ აგერ თქვენ და აგერ მე!!!”
“თუ ქართველმა ხალხმა არ გაანძრია ხელი,საქართველო ჰგავს კლასში ჩარჩენილს…”-მიხეილ სააკაშვილი
“და აი მიადგნენ ენმ-ის წევრს ნუგზარ ფუტკარაძეს, ერთი დანამდვილებით ვიცი, კობახიძის განცხადებასა და ამ აუდიოჩანაწერში მოსმენილ დიალოგს შორის პირდაპირი კავშირია”
ახალი ბიუჯეტით, ბათუმის ა(ა)იპები 40 მილიონით მეტს მიიღებენ, დაფინანსება უმცირდებათ უფასო სასადილოებს