“იმ პირობებში, რომელშიც იმყოფება მიხეილ სააკაშვილი… მის ჯანმრთელობას გაუმჯობესება არ ექნება”-ექიმი

მიხეილ სააკაშვილის ჯანმრთელობის მდგომარეობის შესახებ ომბუდსმენის ინიციატივით შექმნილი სამედიცინო კონსილიუმის დასკვნა, სავარაუდოდ, ხვალ გასაჯაროვდება.

სწორედ ამის შემდეგ გახდება ცნობილი, გაითვალისწინა თუ არა პენიტენციურმა სამსახურმა გაცემული რეკომენდაციები მესამე პრეზიდენტთან დაკავშირებით.

კომისიის წევრი ექიმები მიხეილ სააკაშვილის ნევროლოგიურ პრობლემებზე და სათანადო მკურნალობის აუცილებლობაზე საუბრობენ. ექიმი გიორგი გრიგოლია ამბობს, რომ იმ პირობებში, რაც რუსთავის ციხეშია, მესამე პრეზიდენტის მდგომარეობა ვერ გაუმჯობესდება.

“ჯანმრთელობის ბარათი ისევ იქნება ცალკე, რომელიც საჯარო არ იქნება. ძირითადად იქნება ყურადღება გამახვილებული იმ რეკომენდაციებზე, რომელიც სამწუხაროდ, არ შესრულდა. მას აქვს ისევ ნევროლოგიური დარღვევები, რომელიც ჰქონდა ბოლოს გორში რომ ვნახეთ, დიდი ცვლილებები არ არის. ოდნავ გაუმჯობესებულია მისი მდგომარეობა, მაგრამ ფსიქო-ნევროლოგიური რეაბილიტაცია არ მომხდარა. მე მგონია, რომ იმ პირობებში, რომელშიც ის იმყოფება, მეტი გაუმჯობესება მის ჯანმრთელობას არ ექნება”, – ამბობს გიორგი გრიგოლია.

შეგახსენებთ, რომ საქართველოს მესამე პრეზიდენტი, მიხეილ სააკაშვილი სახალხო დამცველის მიერ შექმნილმა კონსილიუმმა 11 იანვარს მოინახულა. მესამე პრეზიდენტს კონსილიუმის 8 წევრიდან 5 შეხვდა და მის ჯანმრთელობის მდგომარეობას გაეცნენ.

გააზიარეთ და მოიწონეთ სტატია:

მსგავსი სტატიები:

ბათუმში შესასვლელ ცენტრალურ გვირაბში მოძრაობა პარალიზებულია “რუსეთი საქართველოს მტერია…გილოცავთ!- მამა პეტრე სტრასბურგის გადაწყვეტილებაზე კომენდანტის საათი 1-ელ მარტამდე იმოქმედებს ზურაბ ადეიშვილი საქართველოს მოქალაქეობაზე უარს ამბობს მელია უნდა გათავისუფლდეს- ადვოკატი მზად ვართ საქართველოსთან საზღვრების გადახედვისთვის – რუსეთის საგარეო უწყება “ჯანდაცვის მინისტრის პოსტზე ლევან რატიანის კანდიდატურა განიხილება”- ელისო კილაძე შერიგების სამხრეთ აფრიკული მოდელის განხორციელებას ნელსონ მანდელა სჭირდება ხელისუფლებაში და არა ივანიშვილი