2020 წლის 3 დეკემბერს, ევროპარლამენტის საგარეო ურთიერთობათა კომიტეტმა კენჭი უყარა და მიიღო ევროპარლამენტარის, სვენ მიკსერის მიერ წარდგენილი წლიური ანგარიში ევროკავშირის თავდაცვისა და უსაფრთხოების პოლიტიკის იმპლემენტაციის შესახებ. ინფორმაციას ამის შესახებ საქართველოს საგარეო საქმეთა სამინისტროს ავრცელებს.
„ანგარიში შემაშფოთებლად მიიჩნევს იმ ფაქტს, რომ რუსეთის ფედერაციის სამხედრო ძალები ჯერ კიდევ აგრძელებენ უკრაინის დიდი ნაწილისა და საქართველოს ტერიტორიების ოკუპაციას და არღვევენ საერთაშორისო სამართლის ნორმებს. აღნიშნულია,რომ რუსეთის ფედერაციის სამხედრო ძალები ასევე წარმოდგენილნი არიან მოლდოვას რესპუბლიკის ტერიტორიაზე და რუსეთი განაგრძობს რეგიონში მშვიდობისა და უსაფრთხოების დესტაბილიზაციას. ასევე, დოკუმენტში საუბარია აღმოსავლეთ სამეზობლოს სახელმწიფოებში დაფინანსებული დეზინფორმაციის კამპანიების უპრეცედენტო რაოდენობაზეც. დოკუმენტი გმობს რუსეთის მხრიდან განხორციელებულ სამხედრო ინტერვენციას და ყირიმის ნახევარკუნძულის უკანონო ანექსიას, ისევე როგორც მოლდოვაში გაყინული კონფლიქტების შენარჩუნებას. ამასთან, დოკუმენტი ხაზგასმით აღნიშნავს ევროკავშირის პოლიტიკის ფარგლებში, მოცემულ კონტექსტში ერთხმად საუბრის საჭიროებას. აღსანიშნავია, რომ ანგარიში საბოლოოდ მიღებულ იქნება პლენარულ სხდომაზე, სავარაუდოდ 2021 წლის იანვარში“,-აღნიშნულია საქართველოს საგარეო საქმეთა სამინისტროს მიერ გავრცელებულ ინფორმაციაში.
მსგავსი სტატიები:
მადლობა მეგობრებო! – სააკაშვილი მოქალაქეებს, რომელთაც მისი სახელით ბანერები ეჭირათ
ნიკა მელიას ოფისის დაწვა საგანგაშო სიგნალია- ბურჯანაძე
საქართველოში შრომისუნარიანი ასაკის მამაკაცის საარსებო მინიმუმი 187 ლარია – საქსტატი
მიხეილ სააკაშვილის როლი სხვა პარტიების ბულინგია – მდინარაძე
რისი გაკეთება სურთ სოფელში, ძიმითის და ნაგომარის მოასახლეობას
გურიის რეგიონში დევნილებისა და ეკომიგრანტებისთვის, სასათბურე მეურნეობების მხარდაჭერის პროგრამა დაიწყო
“ნაციონალური მოძრაობა” პარლამენტში შემოვა თუ არა, ერთი ფასი ექნება”
ჩემი პოზიცია არის, რომ რაც შეიძლება ბევრი ჰიდროელექტროსადგური უნდა აშენდეს ქვეყანაში — კალაძე