“ნაციონალური მოძრაობის” ერთ-ერთი, ლევან ხაბეიშვილი ქოლ-ცენტრების საქმეზე 5 პირის დაკავებასთან დაკავშირებით პროკურატურის განცხადებას ეხმაურება და საგამოძიებო უწყების ქმედებებს “ფაფხურს” უწოდებს.
მან საგანგებო ბრიფინგი სახელმწიფო უსაფრთხოების სამსახურთან გამართა და აღნიშნა, რომ მთავარი დანაშაულის ადგილი სწორედ სუს-ია, რომლის ხელმძღვანელიც საქართველოში ასობით ტრანსნაციონალურ ოფისს მფარველობს.
“ეს არის ფაფხური და მეტი არაფერი. ტრანსნაციონალურ დანაშაულზე ვსაუბრობ უკვე რამდენიმე თვეა და პირადად ვარ ჩართული ამ საქმის გამოძიებაში. დღეს შემთხვევით არ ვარ სახელმწიფო უსაფრთხოების სამსახურის ოფისთან. ეს არის მთავარი ქოლ-ცენტრი საქართველოში, ეს არის მთავარი დანაშაულის ადგილი. ეს არის ადგილი, საიდანაც სუს-ის ხელმძღვანელი, გრიგოლ ლილუაშვილი ასობით ტრანსნაციონალურ ოფისს მფარველობს საქართველოში, საიდანაც მილიარდობით დოლარის შემოსავალი აქვს ბიძინა ივანიშვილს, უჩა მამაცაშვილს, გრიგოლ ლილუაშვილს და ქართულ ოცნებას, რომლებიც შემდგომ ამ თანხებს იყენებენ პროვოკატორებისთვის, ზონდერებისთვის და არჩევნების გასაყალბებლად”, – აღნიშნა ხაბეიშვილმა.
მისივე ინფორმაციით, ქოლ-ცენტრებთან დაკავშირებით ევროპელი სამართალდამცველები ბიძინა ივანიშვილისა და გრიგოლ ლილუაშვილის წინააღმდეგ, სავარაუდოდ, საგამოძიებო მოქმედებებს ჩაატარებენ.
“გვაქვს ინფორმაცია, რომ ბიძინა ივანიშვილის წინააღმდეგ, სუს-ის ხელმძღვანელის, გრიგოლ ლილუაშვილის წინააღმდეგ, სავარაუდოდ, გატარდება საგამოძიებო მოქმედებები უკვე ევროპელი სამართალდამცავების მეშვეობით და სავარაუდოდ, ეს ადამიანები იქნებიან სანქცირებულები. სწორედ ამის გამო ეწვით, ამის გამო მიმართეს პროპაგანდას და ამის გამო ამოქოქეს ის სიცრუის მანქანა, რომელსაც კონკრეტული მედიასაშუალებები აშუქებენ”, – ამბობს ენმ-ის წევრი.
ლევან ხაბეიშვილმა დღეს კონკრეტული მისამართიც გააჟღერა, სადაც მისი ინფორმაციით, უჩა მამაცაშვილის ქოლ-ცენტრია განთავსებული.
“მე ამასობაში კონკრეტულ ოფისებთან დავდივარ, ვასაჯაროებ კონკრეტულ მისამართებს, ასევე მინდა ჟურნალისტებს გითხრათ, რომ მაგალითად ჭავჭავაძის 30 ნომერში მოწყობილი, ახლაც ფუნქციონირებს ე.წ. ქოლ-ცენტრი, რომელიც არის უჩა მამაცაშვილის. შეგიძლიათ მიბრძანდეთ, გადაამოწმოთ”, – თქვა ლევან ხაბეიშვილმა.
შეგახსენებთ, პროკურატურაში გამართულ ბრიფინგზე დღეს განაცხადეს, რომ ტრანსნაციონალური ორგანიზებული დანაშაულებრივი ჯგუფის ხუთი წევრი დააკავეს. საქმე ეხება ე.წ. ქოლ-ცენტრების საქმეს.
მსგავსი სტატიები:
“რაც ვთქვი, შევასრულე – გავრილოვის გირაოს გირაო არ გადავიხადე “
“ვინც ხელს მოაწერს “მელიას დაჭერას” ქართული სახელმწიფოს წინააღმდეგია”
გიორგი თარგამაძის OP-ED: ვინც მოსულა гаумарджос?!
“კუკარაჩა, შენ შეგიძლია მილიონი ცოცხი დამახვედრო გზაზე? – აი, ღარიბას კი შეუძლია” – გამზარდია
“ამდენი ხალხი მგონი ნაცების წასვლის მოთხოვნით არ გაერთიანებულა .. აი რა ჩაუტარა ქართულმა ოცნებამ თავისთავს”
პენიტენციურ დაწესებულებებში, სავარაუდოდ, არ არის სახანძრო-უსაფრთხოების წესები-ლომჯარია
“ბიჭო შენ ვინმეში არ შეგეშალოო…იარაღი ამოღო და გადამიტენა”-როგორ აშინებს ბათუმელებს ბესო ცეცხლაძე
აფხაზეთში,1992 წლის 14 დეკემბერს,სოფელ ლათასთან დატრიალებულ ტრაგედიას…87 ადამიანი ემსხვერპლა,მათ შორის…35 ბავშვი და 8 ფეხმძიმე ქალი იყო