მაშინ როდესაც პრორუსული ევროპელი ლიდერები, მათ შორის ჩეხეთის პრეზიდენტი ზემანი და ფრანგი პოლიტიკოსი ლე პენი, აცხადებენ რომ ეს ომი საშინელებაა, საქართველოს პრემიერი უკრაინას ღალატობს – აცხადებს რადას დეპუტატი ალექსეი გონჩარენკო “მთავართან” საუბარში.
მწვავე ფეისბუქ-სტატუსის შემდეგ, პრემიერ ღარიბაშვილის დღევანდელ განცხადებებს, ის სატელევიზიო კომენტარით აფასებს და იხსენებს 2008 წლის რუსულ აგრესიას, როდესაც ყველაზე ცხელ და სახიფათო დროს, უკრაინის მაშინდელი პრეზიდენტი საქართველოს მხარდასაჭერად თბილისში ჩამოვიდა.
გონჩარენკო კიდევ ერთხელ ამბობს, რომ რუსეთი უკრაინით არ გაჩერდება და მისი სამიზნე საქართველოცაა:
“ეს არამხოლოდ უკრაინის, არამედ საქართველოს ღალატიც არის, რადგან უკრაინის შემდეგ საქართველოს ჯერი დადგება. ძალიან მტკივა, იმას რასაც ვხედავ.
ძვირფასო მეგობრებო, განა დაგავიწყდათ, 2008 წელს, როდესაც რუსული ტანკები, გორიდან თბილისის მიმართულებით მოძრაობდნენ, რომელი ქვეყნის პრეზიდენტი ჩამოფრინდა თბილისში და დადგა თქვენს გვერდით. ეს უკრაინის პრეზიდენტი იყო.
როგორ აფასებთ ამ სამარცხვინო ქმედებას ?! წადით რუსთაველზე, ჩემს საყვარელ გამზირზე, წადით და მთავრობას აუხსენით, როგორი პოზიცია უნდა ჰქონდეთ, მაშინ როდესაც პუტინი, მოძმე უკრაინას ანადგურებს. მე მჯერა საქართველოსი. საქართველოს გაუმარჯოს
მაშინ როდესაც პრორუსული ევროპელი ლიდერები, მათ შორის ჩეხეთის პრეზიდენტი ზემანი და ფრანგი პოლიტიკოსი ლე პენი, აცხადებენ რომ ეს ომი საშინელებაა, საქართველოს პრემიერი უკრაინას ღალატობს. ჩვენს შემდეგ საქართველოში ჩამოვლენ. ეს ძალიან სამწუხაროა, არ გაშინებთ, თუმცა პუტინი უკრაინაზე არ გაჩერდება.
მთავრობის სახელით ვერ ვისაუბრებ, თუმცა უკრაინელი ერისთვის ღარიბაშვილი დღეიდან, პერსონა ნონ გრატა გახდა, მანამ სანამ აზრს არ შეიცვლის.” ამბობს გონჩარენკო “მთავართან” საუბარში.
მსგავსი სტატიები:
“რა გააკეთეთ ბოლო წლების განმავლობაში, რომ ქვეყნის PR-ზე გემუშავათ?”
“ჰოი, საოცრებავ, “დაოუკიდებელი სასამართლოს” გადაწყვეტილება პროკურატურის შუამდგომლობას დაემთხვა”
15 მაისის აქციასთან დაკავშირებით მოცემულობა შეიცვალა – დეკანოიძე
როგორია ავთანდილ თალაკვაძისა და კონსტანტინე შარაშენიძის თანაფარდობა მეორე ტურის წინ?
“მინდა ეკატერინე ტიკარაძეს წარმატებები ვუსურვო…დარწმუნებული ვარ, თავის წვლილს მომავალშიც შეიტანს…ჯანდაცვის ახალ მინისტრზე მსჯელობა გუნდში მიმდინარეობს”-თალაკვაძე
“რომ არა ამერიკა, ახლა იქნებოდი ერთი ჩვეულებრივი რუსული პოლიგონი”
24 საათი მოქმედებს ცხელი ხაზი – საგარეო უკრაინაში მყოფ საქართველოს მოქალაქეებს მიმართავს
უკრაინამ დაიბრუნა კონტროლი კახოვკის ჰიდროელექტროსადგურზე