საქართველოს ყოფილი პრემიერ-მინისტრი გიორგი გახარია სოციალურ ქსელში მოქმედი პრემიერის, ირაკლი ღარიბაშვილის გაკეთებულ განცხადებას ეხმაურება. ის უკრაინელ ხალხს მიმართავს და ამბობს, რომ მთავრობის მეთაურის პოზიცია არ შეესაბამება იმ განწყობებს, რაც ქართველ ხალხშია.
დღეს საქართველოს პრემიერ-მინისტრმა განაცხადა, რომ ხელისუფლება რუსეთის წინააღმდეგ დაანონსებულ ეკონომიკურ სანქციებს არ შეუერთდება და არც კიევში წასვლის საჭიროებას ხედავს.
“მივმართავ უკრაინელ ხალხს – საქართველოს პრემიერ-მინისტრის განცხადება არ შეესაბამება იმ განწყობას, რომელიც ქართველ ხალხშია. ქართველი ხალხი დგას უკრაინელების გვერდით. ის ადამიანები კი, რომლებიც ამ ერთობას უთხრიან ძირს, აგრესორის წისქვილზე ასხამენ წყალს და აუცილებლად აგებენ პასუხს”, – წერს გიორგი გახარია საბჭოთა ოკუპაციის დღისადმი მიძღვნილ პოსტში.
“დღეს საბჭოთა ოკუპაციის დღეა! სამწუხაროდ, ოკუპაცია მხოლოდ ისტორიის კუთვნილება არ არის და დღესაც გვიწევს ბრძოლა საქართველოს სუვერენიტეტის დასაცავად, საქართველოს დეოკუპაციისა და ტერიტორიული მთლიანობის აღდგენისთვის.
25 თებერვალი არის დღე, რომელმაც საუკუნის წინ უთანასწორო ბრძოლაში საქართველო დააშორა ევროპულ არჩევანს!
საუკუნის შემდეგაც, დღეს არის რეალობა, როცა ჩვენს მეგობარ უკრაინაში რუსეთის აგრესიის ფონზე, კვლავ სრული სიმძაფრით აღვიქვამთ ამ თარიღის ტრაგიკულობას.
საქართველოს დამოუკიდებლობისა და სუვერენიტეტის დასაცავად დაღუპული გმირების პატივისცემა ჩვენ ახალ მისიას გვაკისრებს! ჩვენ უნდა შევძლოთ გაერთიანება იმ დიდი ეროვნული იდეის გარშემო, რასაც წარმოადგენს დამოუკიდებელი, ძლიერი, სამართლიანი და დემოკრატიული ქართული სახელმწიფო. როგორიც არ უნდა იყოს საქართველოს მოქმედი მთავრობის პოზიცია, ქართველი ხალხის ეროვნული თავმოყვარეობა არსად გამქრალა, ღირსება არ დაგვიკარგავს და კვლავ ჩვენი ღირებულებების ერთგული ერი ვართ”, – ამბობს გიორგი გახარია.
bm.ge
მსგავსი სტატიები:
ტყე ივანიშვილის მეგობრისთვის- “ოცნების” მხრიდან ძალადობის მსხვერპლი ბუნებაც აღმოჩნდა
“ჩვენ დღეს არ ვართ მზად, რადგან შეუმდგარი ერი გავხდით, მხოლოდ წინაპრებით ვიწონებთ თავს”-გამზარდია
ოზურგეთში სასულიერო პირის ავტომობილი დაიწვა
“თუ გვინდა რომ გადავრჩეთ, ადამიანთა ჯგუფებმა კი არა, უმრავლესობამ უნდა იაზროვნოს”
ბათუმში ნაციონალური მოძრაობის ოფისს თავს დაესხნენ
“ვარდების რევოლუცია” რომ არ მომხდარიყო, არ ვიცი სად ვიქნებოდით” – დავით ზურაბიშვილი
”სააკაშვილს წარმოუდგენია, რომ ხალხი აჯანყდება და მას გამოიყვანს, ის მოწყვეტილია რეალობას”
ეს მრავალფეროვანი ქვეყანაა, მაგრამ ყველას ხმა ყოველთვის არ ისმის – კელი დეგნანი საქართველოზე