“ყოჩაღ!”- რუსეთი მიესალმება საქართველოს პოზიციას, არ შეუერთდეს მისთვის დაწესებულ სანქციებს

საქართველოს პრემიერ-მინისტრ ირაკლი ღარიბაშვილის 25 თებერვალს გაკეთებულ განცხადებას იმის შესახებ, რომ საქართველო “ეროვნული ინტერესებიდან გამომდინარე” უარს ამბობს შეუერთდეს რუსეთისთვის დაკისრებულ საერთაშორისო სანქციებს, ეხმაურება რუსეთის ფედერალური საბჭოს საგარეო ურთიერთობათა კომიტეტის თავმჯდომარის მოადგილე ვლადიმირ ჯაბაროვი. ის დადებითად აფასებს ირაკლი ღარიბაშვილის განცხადებას.

“საბოლოოდ გონიერებამ გაიმარჯვა. საქართველო ინარჩუნებს კარგ სავაჭრო ურთიერთობას ღვინის, ხილის და ბოსტნეულის ბაზრებზე. ისინი მიხვდნენ, რომ რუსეთთან ურთიერთობის გაფუჭებით მიღებულ ზარალს დასავლეთი მათ არ აუნაზღაურებს. საერთოდ, რა მათი საქმეა ის სიტუაცია, რაც ახლა უკრაინაში ხდება. ყოჩაღ! მხოლოდ მივესალმებით ასეთ გადაწყვეტილებას!” – რუსი პოლიტიკოსის ამ განცხადებას გაზეთი “იზვესტია” ავრცელებს.

ირაკლი ღარიბაშვილმა დღეს იუნკრების მემორიალთან თქვა, რომ საქართველო, “ეროვნული ინტერესების გათვალისწინებით”, არ შეუერთდება უკრაინაში ომის დაწყების გამო რუსეთისთვის დაკისრებულ სანქციებს, რომ უკრაინაში მისი “ჩასვლა ჩასვლისთვის არაფრის მომცემია” და საჰაერო სივრცის ჩაკეტვის გამო, არათუ იგი, “მსოფლიოს ყველაზე ძლიერი სახელმწიფოს ლიდერებიც ვერ ჩადიან უკრაინაში”. მან ასევე უარი თქვა საქართველოს პარლამენტში მისვლაზე უკრაინის თემაზე სასაუბროდ.

რადიო თავისუფლება

გააზიარეთ და მოიწონეთ სტატია:

მსგავსი სტატიები:

“საქართველოში ვაქცინაციის პროცესში პირველი სერიოზული გვერდითი რეაქცია დაფიქსირდა” – გამყრელიძე ილია II: ისეთი დრო მოდის, უნდა გვქონდეს სახლიც, ნაკვეთიც, ჩვენი მოსავალი “1 -ლი ოქტომბერი არის ჩვენი მთავარი მიღწევა” “ნუ შფოთავთ, ნუ შფოთავთ” – ნარმანია გაზის ტარიფის გაძვირებაზე ვიდეო: “ოცნების” ვნებანი – გზა, რომელიც მხოლოდ გამგებლის მოადგილესთან მიდის “მანამ იქნებიან დევნილები, სანამ აფხაზეთი არ დაგვიბრუნდება, სულ რომ რამოდენიმე თაობა დაჭირდეს, გასაგებია?” – გიორგი ფოფხაძე “უკიდურესად რთული მდგომარეობაა ჩოხატაურის ყველა სოფელში” – რას წერენ ადგილობრივები “ოზურგეთში რაფერ ჩევედი? კისრის ტეხით და კინჩხის მიყოლებით… ჰოდა საკრებულოს თავმჯდომარე 53%-ით იმატებს ხელფასს”