რუსეთსა და უკრაინას შორის მიმდინარე ომმა გამოიწვია ბაზარზე ხორბლის ფასების ზრდა და მიწოდების ჯაჭვების მოშლა, – აცხადებს საქართველოს ხორბლისა და ფქვილის მწარმოებელთა ასოციაციის აღმასრულებელი დირექტორი ლევან სილაგავა.
ლევან სილაგავამ მედია-ცენტრ „მთავარში“ განაცხადა, რომ მიუხედავად იმისა, რომ საქართველოს ჯერ კიდევ იღებს წარსულში დადებული კონტრაქტების საფუძველზე რუსულ ხორბალს, მომავალში საჭირო იქნება ახალი ბაზრების მოძიება, მათ შორის ეს შეიძლება იყოს ევროპული და ყაზახური ბაზრები.
მისივე განცხადებით, საქართველოს აქვს დაახლოებით ერთი თვე, თვე-ნახევრის სამყოფი ხორბლისა და ფქვილის რეზერვები, რაც მარაგების შევსების ახალი ბაზრების მოძიებისას ერთგვარ სასურსათო უსაფრთხოების გარანტიას წარმოადგენს, თუმცა თუ ხორბალზე და ფქვილზე ფასები გაიზრდება, სახელმწიფო სუბსიდირების მექანიზმს გამოიყენებს.
„თუ ფასებმა დაიწყო მერყეობა, გამომდინარე ხორბლის ფასისა და ეროვნული ვალუტის მერყეობიდან, სახელმწიფომ განაცხადა, რომ გარკვეული სუბსიდირების მექანიზმებით ჩაერევა“, – განაცხადა ლევან სილაგავა.
ცნობისთვის, რუსეთსა და უკრაინაზე მსოფლიო ხორბლის წარმოების დაახლოებით 30 პროცენტი მოდის.
საქართველოსთვის ხორბლის მთავარი მომწოდებელი ომამდე რუსეთის ფედერაცია იყო, რომელზეც წლების მიხედვით, ქართული იმპორტის დაახლოებით 80-90 პროცენტი მოდიოდა.
მსგავსი სტატიები:
რა მისია შეასრულა ივანიშვილმა-სააკაშვილი
“უსაფრთხო ვაქცინა არ არსებობს, ისევე როგორც არ არსებობს უსაფრთხო თვითმფრინავი”
“ასტრაზენეკას“ ვაქცინა კოვიდ 19-ის ინდური ვარიანტების წინააღმდეგ ეფექტურია
გალაკტიონი, უცნაური ბავშვი-რას წერდა დედა მის შესახებ წერილებში?
შემოსავლების სამსახური: 1952 კგ პომიდორსა და 82 500 კგ ქათამში მავნე ორგანიზმები აღმოჩნდა
სავარაუდოდ, ეპილეფსიური გულყრა ჰქონდა – სამინისტრო ბათუმში, კოვიდსასტუმროში გარდაცვლილზე
გურიის სოფლებში კოვიდ-19-ის საწინააღმდეგო ვაქცინაციის კამპანია დაიწყო
ვინ მოკლა ჩოხატაურელი ბიჭი სტამბოლში – ეჭვმიტანილი დაკავებულია