არლამენტის თავმჯდომარე, შალვა პაპუაშვილი “ლელოსა” და “ნაციონალური მოძრაობის” განცხადებებს პასუხობს და ამბობს, რომ უმრავლესობა საკანონმდებლო ორგანოში უკრაინის პრეზიდენტის მიმართვაზე ინიციატივას არ განიხილავს.
ის ისევ ამტკიცებს, რომ ოპოზიციის ამ ნაწილს სურს ქვეყანაში სიტუაცია არიონ და ის ომში ჩაითრიონ.
“რაც შეეხება ოპოზიციის ამ ნაწილის ინიციატივებს, იცით, რომ იყო რიგგარეშე სხდომის მოთხოვნა და ა.შ. ჩვენ არც კი შევდივართ ამ ინიციატივების განხილვაში, იქიდან გამომდინარე, რომ ჩვენ ვხედავთ რა არის ამის მიზანი და ეს მიზანი არაერთხელ აღვნიშნეთ, ეს არის ქვეყანაში არეულობა და ჩათრევა ჩვენი ქვეყნის ომში, შეიარაღებულ კონფლიქტში. […]
ქართული ოპოზიციის ნაწილი უკრაინის ხელისუფლების სახელით გამოდის, ვის რა უნდა, ჩართვა უნდა, არ უნდა არც კი ჰკითხეს საერთოდ უკრაინის ხელისუფლებას, ესეც გვაჩვენებს რა არის რეალური მიზანი ამის უკან, ეს არის კიდევ ერთხელ რაღაც ისტერიის აწევა და ა.შ.”- თქვა შალვა პაპუაშვილმა.
მისი მტკიცებით, ცოტა ხნის წინ პარლამენტმა უკრაინაში პირველი ჰუმანიტარული დახმარება გააგზავნა, რაშიც ოპოზიციის ამ ნაწილმა მონაწილეობა არ მიიღო.
“არცერთი თეთრი, არცერთი თეთრი ამ ოპოზიციის წარმომადგენლებისგან არ შემოსულა პარლამენტის სახელით ამ ჰუმანიტარული დახმარების გასაგზავნად. აქედან ჩანს სინამდვილეში რა არის რეალური განზრახვა ოპოზიციის ამ ნაწილის, ეს არის მხოლოდ პიარი უხეშად რომ ვთქვათ”, – თქვა მან.
პაპუაშვილმა თქვა, რომ სისხლის დონაციის კამპანიაც ჰქონდათ, რომელშიც ოპოზიციის დიდმა ნაწილმა მონაწილეობა არ მიიღო.
მსგავსი სტატიები:
“თითოუელმა ჩვენთაგანმა თავის თავს უნდა მოკიდოს ქეჩოში ხელი და გამოიყვანოს გარეთ”
“დაიმთავრა თავი, როგორც პოლიტიკოსმა, წარმავალია ამქვეყნიური დიდება”-პაპუაშვილი
პარლამენტის თავმჯდომარის ადგილის, ტრიბუნის ბლოკირება, ბუნებრივად აღიქმება ძალადობრივ აქტად – წილოსანი
“რუსეთზე გადაბარებას ამზადებს ოლიგარქი!!!!!!!!! ქვეყანას არ დაგითმობთ ! დაელოდეთ “ხელისუფლებავ” და გამიხსენებთ!”
მოსამართლეების მოსმენა პარლამენტში – “ოცნება” პოზიციებს არ თმობს და კლანს აძლიერებს
სალომე ზურაბიშვილმა წალენჯიხის მერს, გია ხარჩილავას, მისალოცი წერილი გაუგზავნა
შიშველი ჩამომიყვანეს მეხუთე სართულიდან, ფიზიკურად მისწორდებოდნენ იმის გამო, რომ ივანიშვილს ვაგინე – პოლიტიკური მოტივით დაკავებული ყოფილი პოლიციელის სკანდალური ჩვენება
ამ ხელისუფლებას შეცვლის კოალიცია – რომან გოცირიძე