მართლმადიდებელი ეკლესია 7 აპრილს ყოვლადწმიდა ღვთისმშობლის ხარების დღესასწაულს აღნიშნავს.
ხარება ერთ-ერთი უდიდესი საუფლო დღესასწაულია და იგი 12 საუფლო (უძრავი) დღესასწაულთაგანია.
ამ დღეს ყოვლადწმიდა მარიამთან ერთად მთელ კაცობრიობას ეუწყა, რომ ღმერთმა ადამიანი სიკვდილისა და ცოდვის სამუდამო ტყვეობისგან იხსნა.
ლუკას სახარების თანახმად, უფალმა მთავარანგელოზი გაბრიელი მიავლინა გალილეის ქალაქ ნაზარეთში, ქალწულ მარიამთან, რომელიც იოსებზე იყო დანიშნული. შევიდა ანგელოზი მარიამთან და უთხრა:
“გიხაროდენ, მიმადლებულო, უფალი შენ თანა, კურთხეულ ხარ შენ დედათა შორის”.
უფლის ანგელოზის გამოცხადებამ შეაძრწუნა და ჩააფიქრა გამოუცდელი ქალწული – ნეტა, რას უნდა ნიშნავდეს ეს მოკითხვაო? ანგელოზმა დაამშვიდა იგი
“ნუ გეშინინ მარიამ, რამეთუ ჰპოვე მადლი წინაშე ღმრთისა. და აჰა ესერა შენ მუცლადიღო და ჰშვა ძე და უწოდი სახელი მისი იესო. ესე იყოს დიდ და ძე მადლის ეწოდოს, და მისცეს მას უფალმან ღმერთმან საყდარი დავითისი, მამისა თვისისაი და მეუფებდეს სახლსა ზედა იაკობისსა საუკუნოდ, და სუფევისა მისისაი არა იყოს დასასრულ”.
გაოცებული მარიამი ეკითხება ანგელოზს, თუ როგორ მოხდება ეს, როცა მან მამაკაცი არ იცის?! ღმერთისთვის შეუძლებელი არაფერია, – “სული წმიდაი მოვიდეს შენ ზედა და ძალი მაღლისაი გფარავდეს შენ”, – იყო პასუხი. გახარებული ქალწული თავის მორჩილებას ასე გამოხატავს: “აჰა მხევალი უფლისაი, მეყავნ მე სიტყვისაებრ შენისა!”
ღმერთმა ყოვლადწმიდა ღვთისმშობელი მარიამი დედად ღვთისად მისი სიმდაბლისა და სიმშვიდის გამო გამოარჩია.
საეკლესიო სწავლების თანახმად, რა იარაღითაც იღვაწა ეშმაკმა ადამიანთა დაცემისათვის, იმავე იარაღით იხსნა კაცობრიობა ქრისტემ – თუ ევას საქციელმა ადამის მოდგმას ცრემლი მოუტანა, ქალწულმა მარიამმა უდიდესი სიხარული მოუვლინა.
დღესასწაულთან დაკავშირებით, დიდმარხვის ეს დღე მორწმუნეებისთვის თევზით ხსნილია.
ეს კი ხარების დღესასწაულზე სათქმელი ტროპარ-კონდაკია:
ტროპარი:
დღეს ცხოვრებისა ჩუენისა თავი არს და საუკუნითგან დაფარულისა მის საიდუმლოსა გამოცხადება, რამეთუ ძე ღმრთისა ძედ ქალწულის იწოდების და გაბრიელ ახარებს მადლსა მას, რომელსა ჩვენცა ხმამაღლად უღაღადებთ: გიხაროდენ მიმადლებულო, უფალი შენთანა.
კონდაკი:
ზესთა მბრძოლისა ჩემისათვის და მოღვაწისა უძლეველისა, ვითარცა შენ მიერ ხსნილნი განსაცდელთაგან, სამადლობელსა შევსწირავთ ღმრთისმშობელო ქალწულო შენდა მომართ მონანი შენნი, არამედ ვითარცა გაქუს ძლიერება უბრძოლველი, ყოველთაგან ვნებათა განმათავისუფლენ ჩუენ, რაჲთა გიგალობდეთ შენ კურთხეულო, გიხაროდენ სძალოო უსძლოო.
მსგავსი სტატიები:
2 საათის შემდეგ, პირბადე შეიძლება დასნებოვნების წყარო გახდეს – მარინა ენდელაძე
“მაშინ 7 თუ 8 წლის ვიყავი და ქარები დასჩემდა გურიას”
ინდოეთში მდინარე განგის სანაპიროებზე ათობით ცხედარი გამოირიყა, დაღუპულები, სავარაუდოდ, კოვიდ 19-ით გარდაცვლილები არიან
„სიკვდილი როგორ ვერ შეაჩერე, ჩემო ლამაზო” _ ხაჯალიის საჯარო სკოლის მეათე კლასის მოსწავლე გარდაიცვალა
„ჯერ იყო და ერს ამუნათებდა 3 მტარვალი, რატომ არ იცრებითო? კუბოები გვიჩხრიალეს…” – რამ გააბრაზა ლალი მოროშკინა
ჯანდაცვის მინისტრი ქუჩებში საველე ჰოსპიტლების მოწყობას არ გამორიცხავს
მონები შვილებს ან თავის მსგავს მონებად ზრდიან ან შეუცნობელი თავისუფლების სახელით, თავხედ უწესოებად-დავით მიროტაძე
“კორონავირუსის პანდემია „ენდემური“ გახდება”- როდის პროგნოზირებს ჯანმოს ექსპერტი პანდემიის დასრულებას?