თბილისში ბულგარეთის საფეხბურთო ნაკრების დელეგაცია ავტოავარიაში მოყვა. ინციდენტი 10 ივნისს, საღამოს აეროპორტიდან სასტუმროსკენ მიმავალ გზაზე მოხდა. საქართველოს ფეხბურთის ფედერაცია განცხადებას ავრცელებს.
“გუშინდელი შემთხვევის შედეგად ბულგარეთის ნაკრების ერთი ფეხბურთელი კლინიკაში გადაიყვანეს, სადაც მას ქირურგიული ჩარევა დასჭირდა. ფეხბურთელის მდგომარეობა ამ დროისთვის სტაბილურია. დელეგაციის სხვა წევრები არ დაშავებულან. საქართველოს ფეხბურთის ფედერაცია წუხს მომხდარი ფაქტის გამო და მალე გამოჯანმრთელებას უსურვებს ბულგარეთის ნაკრების ფეხბურთელს,” – ნათქვამია ფედერაციის განცხადებაში.
განცხადებაშივე სფფ-ის პრეზიდენტი ლევან კობიაშვილი მომხდარზე გამო წუხილს გამოთქვამს.
“ძალიან ვწუხვარ მომხდარი ინციდენტის გამო. სამწუხაროა, რომ ჩვენ კოლეგებს ბულგარეთის ფეხბურთის ფედერაციაში ასეთი ფაქტი შეემთხვათ მგზავრობისას. ბულგარელი ფეხბურთელი, ტოდორ ნედელევი, რომელსაც გუშინ ღამე სამედიცინო დახმარება დასჭირდა, ექიმების მეთვალყურეობის ქვეშ იმყოფება. დელეგაციის წევრები თავს კარგად გრძნობენ და ხვალინდელი მატჩისთვის ემზადებიან. საქართველოს ფეხბურთის ფედერაცია, ყველა საჭირო დახმარებას უწევს სტუმარი გუნდის წარმომადგენლებს. მინდა, ბულგარეთის ნაკრების თითოეულ ფეხბურთელსა და დელეგაციის წევრს კარგად ყოფნა ვუსურვო,”- აღნიშნა კობიაშვილმა.
მსგავსი სტატიები:
“ოცნებამ” ჭაობის სტაბილურობა შექმნა”- ფიქრია ჩიხრაძე
ბათუმში ნაციონალური მოძრაობის ოფისს თავს დაესხნენ
მილიონერი დეპუტატი ქმარს დაშორდა – ვინ იყო ნინო წილოსანის მეუღლე და რა ქონებას ფლობს ამჟამად პოლიტიკოსი? (+ფოტოები)
“მაშ ასე, მოშე გლუკჰარტის პრეზენტაცია ქართული ოცნებისთვის”-ნიკა გვარამია
კულტურა უკულტუროდ – წულუკიანი საბჭოთა მემკვიდრეობას ღირსეულად განაგრძობს
ბათუმის სარეკრეაციო სივრცეების კეთილმოწყობა ბიუჯეტს 1 მილიონი დაუჯდა – “ფლანგვის დეტექტორი”
უკრაინელების მორიგი გამარჯვება – ოკუპანტებისგან კიდევ 2 სოფელია გაწმენდილი
ნავთობის ფასები დაეცა