სახელმწიფო აუდიტის სამსახურმა “ალტინფო” 217,483 ლარით დააჯარიმა – ამის შესახებ აუდიტის სამსახურის ხელმძღვანელის, ირაკლი მექვაბიშვილის პასუხიდან ირკვევა, რომელიც მან დეპუტატ პაატა მანჯგალაძეს სადეპუტატო კითხვაზე გაუგზავნა.
მანჯგალაძემ აუდიტს პრორუსული ორგანიზაციის შემოწირულობის შესახებ კითხვით მიმართა.
“სახელმწიფო აუდიტის სამსახურისათვის მოქალაქეთა პოლიტიკური გაერთიანება „კონსერვატიული მოძრაობა/ალტ ინფოს“ მიერ მოწოდებული დოკუმენტაციის თანახმად, პარტიის დაფინანსების წყაროს წარმოადგენს სხვადასხვა ფიზიკური და იურიდიული პირის მიერ განხორციელებული შემოწირულებები.
გიგზავნით ინფორმაციას პარტიის შემომწირველი პირების, შემოწირულებების სახისა და ოდენობის შესახებ (იხ. დანართი 1), რომელიც საჯაროა და გამოქვეყნებულია სახელმწიფო აუდიტის სამსახურის პოლიტიკური ფინანსების მონიტორინგის ვებგვერდზე www.monitoring.sao.ge .
ამასთანავე გაცნობებთ, რომ პარტიის ფინანსური საქმიანობის მონიტორინგის პროცესში სახელმწიფო აუდიტის სამსახურმა გამოავლინა პარტიის სასარგებლოდ განხორციელებული არაფულადი შემოწირულებები (ოფისების რემონტისა და ბრენდირების ხარჯების დაფინანსება სხვა პირების მიერ, საოფისე ფართის განკარგვა საიჯარო ვალდებულებების გარეშე), რაც პარტიამ არ დაადეკლარირა სახელმწიფო აუდიტის სამსახურში დადგენილი წესით. აღნიშნულ ფაქტზე ადმინისტრაციული სამართალდარღვევის საქმე წარიმართა თბილისის საქალაქო სასამართლოში. პარტია ცნობილ იქნა სამართალდამრღვევად „მოქალაქეთა პოლიტიკური გაერთიანებების შესახებ“ საქართველოს ორგანული კანონის 342 მუხლის პირველი და მეოთხე ქვეპუნქტებით და ადმინისტრაციული სახდელის სახით დაეკისრა შემოწირულების, ჯამში, 72 494 ლარის სახელმწიფო ბიუჯეტში გადარიცხვა და − ჯარიმა შემოწირულების ორმაგი ოდენობით − 144 988 ლარი;
რაც შეეხება ტელევიზია „ალტ-ინფოს“ დაფინანსების საკითხს, გაცნობებთ, რომ აღნიშნული სცდება სახელმწიფო აუდიტის სამსახურის კომპეტენციას. შესაბამისად, მოკლებულნი ვართ შესაძლებლობას მოგაწოდოთ ტელევიზიის დაფინანსების შესახებ თქვენ მიერ მოთხოვნილი ინფორმაცია.,” – ნათქვამია პასუხში
მსგავსი სტატიები:
რა მოხდება ოპოზიციის ბოიკოტის შემთხვევაში
არჩევნების შედეგებისადმი ნდობის განსამტკიცებლად, საჭიროა დარღვევების სათანადოდ გადაწყვეტა- რასმუსენი
“ღარიბაშვილის ერთადერთი დღის წესრიგი არის ის, რომ შური იძიოს „ერთიან ნაციონალურ მოძრაობაზე”
“ყველა მზადაა, რომ ახლავე გამოვიდეს პარლამენტიდან და დადოს მანდატი…ეს პატრიოტული მიდგომა ძალიან მახარებს”-მიხეილ სააკაშვილის მიმართვა
“ყაზახებსა და ქართველებს შორის განსხვავება ისაა, რომ ქართველებს არ აინტერესებთ მატერიალისტური საკითხები“ – ფადი ასლი
ახალი რკინის „ფარდა ევროპაში“ – რომელ მხარეს აღმოჩნდება საქართველო
რუსმა ოკუპანტებმა ხარკოვში აზერბაიჯანის საკონსულოს ცეცხლი გაუხსნეს
უკრაინელმა სამხედროებმა რუსეთის სატანკო ბიატლონის გამარჯვებული მოკლეს