“გაძვირდება მარცვლეული, გაძვირდება პირუტყვის გამოსაკვებად საჭირო საკვებიც”

საქართველოში დიზელის ფასი რეკორდულ ნიშნულზეა. ბოლო ერთი თვის განმავლობაში დიზელის ტიპის საწვავის ფასმა 25-30%-მდე ზრდა აჩვენა. საერთაშორისო ბაზარზე ფასების რეკორდული მატების გამო ნავთოიმპორტიორები საწვავის შესყიდვებისგან თავს იკავებენ. რამაც, ბაზარზე დიზელის ერთგვარი დეფიციტიც კი შექმნა.

დიზელის საწვავის ზრდას რომ თავისი ეფექტი ექნება ფერმერებზე, რომლებიც მოსავლის აღებას ელოდებიან, ამას ადასტურებს კერძო სექტორიც.

როგორც ფერმერი ნიკოლოზ ბენიაიძე აცხადებს, საწვავის ხარჯს მთლიან ხარჯებში 30-40%-მდე წილი აქვს. მისი განმარტებით, დიზელის ფასთან ერთად გაზრდილია სასუქებისა და პესტიციდების ღირებულებაც, რაც დამატებით წნეხია ბიზნესისთვის, შესაბამისად, ბენიაიძის თქმით, პროდუქტებზე ფასების ზრდა გარდაუვალია.

“მაგალითად დიზელი თუ ორი წლის წინ 1,40 ღირდა, დღეს 1 ლიტრის ღირერბულება 4,5 ლარია, რაც ძალიან დიდი ზრდაა. მოსავლის აღებასთან ერთად ეგრევე იწყება მოხვნითი სამუშაოები, მიწის დამუშავების სამუშაოები, რაშიც ძალიან დიდი წილი უჭირავს დიზელის ფასს. ეს აისახება თვითონ მარცვლეულის ღირებულებაზე, ეს არის ჯაჭვური რეაქცია.

გაძვირდება მარცვლეული, გაძვირდება პირუტყვის გამოსაკვებად საჭირო საკვებიც, რაც საბოლოოდ რძის თვითღირებულებაზეც აისახება, ეს კი სავარაუდოდ საბოლოო პროდუქტზეც იქონიებს გავლენას”, – ამბობს ფერმერი ნიკოლოზ ბენიაიძე.

გააზიარეთ და მოიწონეთ სტატია:

მსგავსი სტატიები:

რატომ იზრდება საწვავის ფასი პოეტი ზურაბ რთველიაშვილი გარდაიცვალა დაფინანსება იზრდება, განათლება უარესდება-რა სჭირს საქართველოში განათლების სფეროს? განწირულები არიან… სვლა აღარ დარჩება – ვახო სანაია “2024 წელს ამოქმედდება სრულად პროპორციული საარჩევნო სისტემა 5%-იანი ბარიერით” ევროკავშირის მიერ მხარდაჭერილი საგრანტო პროგრამა სტარტაპებისთვის გურიაში, აჭარასა და სამეგრელოში გათავისუფლებულ ბუჩაში 300-ზე მეტი მშვიდობიანი მოქალაქე დაღუპული იპოვეს ესმა კუნჭულიას „ლობიოს გმირები პოლიტიკაში“ – “თუ ლობიო გაევროპელდა, მე რატომ უნდა დავრჩე მხოლოდ ლობიოსთან ერთად ევროპის გარეშე?”