რატომ იბრძვიან ქართველები უკრაინაში – ამ სათაურით აქვეყნებს სტატიას გამოცემა Emerging Europe.
სტატიის ავტორი, ნონა მამულაშვილი წერს, რომ რუსეთის წინააღმდეგ ბრძოლას უკრაინაში, მიუხედავად საქართველოს ხელისუფლების მიერ მათ გზაზე არსებული სირთულეებისა, ბევრი ქართველი მოხალისე შეუერთდა. მათ შორის კი არიან ყოფილი ქართველი ჯარისკაცები, პოეტები, ბლოგერები და თავდაცვის ორი ყოფილი მინისტრიც კი.
სტატიაში ნათქვამია, რომ როდესაც საბჭოთა კავშირი დაინგრა, ახლადშექმნილი დამოუკიდებელი რესპუბლიკენი ცდილობდნენ, მოეპოვებინათ სტაბილური და საიმედო მოკავშირეები ახალ, პოსტბიპოლარულ სამყაროში.
“იმ პერიოდში დაიწყო სტრატეგიული პარტნიორობა საქართველოსა და უკრაინას შორის: ორივემ დააკავშირა თავისი მომავალი ევროპული და ტრანსატლანტიკური თანამშრომლობის საერთო ხედვით, განსაკუთრებით პრეზიდენტების ვიქტორ იუშჩენკოს უკრაინაში (2005–10) და მიხეილ სააკაშვილის საქართველოში მანდატების დროს. (2004–13)” – წერია სტატიაში.
ასევე, სტატიის ავტორი წერს, რომ რუსეთს არასდროს სურდა ყოფილ საბჭოთა რესპუბლიკებთან, განსაკუთრებით უკრაინასა და საქართველოსთან კავშირის გაწყვეტა.
“მან თავიდანვე გაატარა რამდენიმე კონფლიქტი საქართველოში აფხაზეთის (1990-იანი წლების დასაწყისში) და ცხინვალის რეგიონებში (2008 წელს). შედეგად, რუსეთ-საქართველოს ურთიერთობები ძალიან დაზარალდა. როდესაც 2014 წლის გაზაფხულზე რუსეთის არმიამ დაიპყრო უკრაინის ყირიმის ნახევარკუნძული და ომი დაიწყო დონბასში, საქართველოს ლიდერების პასუხი მოჰყვა მათ გამოცხადებულ „არაიმედგაცრუების პოლიტიკას რუსეთის მიმართ“, ანუ დუმილს” – ნათქვამია სტატიაში.
სტატიის ავტორი წერს, რომ ქართველები უკრაინის ომში განსაკუთრებით არიან ჩართული და უმეტესი მათგანი ამას საკუთარი სიცოცხლისა და თავისუფლების ფასად აკეთებს.
“საქართველოსთვის ფსონები მაღალია. თუ უკრაინა დაეცემა, შესაძლოა, შემდეგი სამიზნე თბილისი იყოს” – წერია სტატიაში და განმარტებულია, რომ “ქართულმა ლეგიონმა”, რომელიც უკრაინაში 2014 წელს შეიქმნა, უკრაინელ ხალხთან ერთად კრემლის დამარცხებას უნდა მიაღწიოს.
“არ არის მოსალოდნელი, რომ დამარცხებულმა პუტინმა საქართველოს დაარტყას. მაგრამ თუ ეს უკანასკნელი ამას მაინც გადაწყვეტს, საქართველოს რუსეთის უკან დახევის უფრო რეალური შანსი ექნება, თუ ის მანამდე უკრაინაში დამარცხდება” – წერია სტატიაში.
მსგავსი სტატიები:
„მარხვა რომ დასრულდება, მწვადს შეუკვეთავ და ლობიოს მოგიტანენ“-გია ხუხაშვილი
არაფერი ისე არ უყვარს ბიძინას, როგორც კვანძების შექმნა და მერე გა-მხსნელის როლის მორგება”
იან კელი: NATO-ს სჭირდება საქართველო პრულარისტული პარლამენტით და დამოუკიდებელი სასამართლოთი
„რუსეთი არის ჩვენი ეკონომიკის ძირითადი შემოსავალი”-გიორგი ქობულია
გურიის გუბერნატორის მამა “ოცნების” სიაში – პარტიის პირველი ოცეული ოზურგეთში
”16 ნოემბერს ავტოკოლონებით მსვლელობა გვექნება, სამი ადგილიდან დავიძვრებით”-მელია
“7 ნოემბრის შემდეგ ივანიშვილი ძალიან გახარებული იყო და უკანასკნელი სიტყვებით აგინებდა პატარკაციშვილს”
“ჩვენი საქმე მაშინ გაფუჭდა, როცა დავიჯერეთ, რომ გამორჩეული ერი ვართ”…