საქართველოდან ელექტროენერგიის ექსპორტი რეკორდულად გაიზარდა. საქსტატის წინასწარი მონაცემებით, 2022 წლის იანვარ-აგვისტოში ქვეყანამ 73,9 მლნ დოლარის ღირებულების ელექტროენერგია გაყიდა, რაც წინა წლის ანალოგიურ პერიოდთან შედარებით 398,5%-ით მეტია. შარშან, საანგარიშო პერიოდში დენის ექსპორტიდან შემოსავალმა 14,8 მლნ დოლარი შეადგინა. შესაბამისად, წელს, უკვე მეორე თვეა ელექტროენერგია ადგილობრივი პროდუქციის ექსპორტის ათეულში ხვდება. იანვარ-აგვისტოში მთლიან ადგილობრივ ექსპორტში დენის წილი 3%-ს შეადგენდა.
აღსანიშნავია, რომ ელექტროენერგიის ასეთი დიდი მოცულობით ექსპორტი არ განხორციელებულა. ინფორმაციისთვის, სტატისტიკის ეროვნული სამსახურის მონაცემები, თუ რა მოცულობის ელექტროენერგია გაყიდა საქართველომ, სტატისტიკის ეროვნული სამსახურის საგარეო ვაჭრობის პორტალზე 2014 წლიდან არის ხელმისაწვდომი.
რაც შეეხება საექსპორტო ქვეყნებს, 2022 წლის 8 თვეში საქართველომ ყველაზე დიდი მოცულობით ელექტროენერგია თურქეთში გაყიდა – 69,303 მლნ დოლარის ღირებულების, მეორე ადგილზეა სომხეთი – 3,980 მლნ დოლარი, მესამეზე კი აზერბაიჯანი – 569,7 ათასი დოლარი. რაც შეეხება რუსეთს, იქ წელს 0,97 მლნ დოლარის ღირებულების დენი გავყიდეთ.
ამასთან, საქსტატის ცნობით, წელს საქართველომ მხოლოდ 34,745 მლნ დოლარის ღირებულების ელექტროენერგია იყიდა და ისიც ძირითადად ზამთრის და გაზაფხულის პერიოდში.
მსგავსი სტატიები:
კორონავირუსის ვაქცინაცია საქართველოს მოქალაქეებისთვის უფასო იქნება – ტიკარაძე
ლევან რატიანი კახი კავსაძის მდგომარეობაზე – ამ ეტაპზე დადებითი დინამიკა გვაქვს
„გულისტანის“ შესასვლელთან სიტუაცია უკიდურესად დაიძაბა
2020-2021 სასწავლო წელს პირველკლასელების გარეშე დარჩენილი საჯარო სკოლები
ოჰაიოს მცხოვრებმა ვაქცინის გაკეთების შემდეგ $1 მილიონი მოიგო
ხვალიდან ღია სივრცეში, სადაც 5-ზე მეტი ადამიანი იქნება, პირბადის ტარება სავალდებულო ხდება
რისგან გადაგვარჩენს ცაცხვის ჩაი?
G&T: თუ ომი გაჭიანურდა საქართველოს ეკონომიკა შემცირდება