რადიკალი, მოკეკლუცო ჯგუფებისგან ადგილი აქვს დეპოლარიზაციის თაობაზე პუნქტის მიზანმიმართულ დარღვევას

რადიკალი, მოკეკლუცო ჯგუფების მხრიდან ადგილი აქვს ევრორეკომენდაციებიდან დეპოლარიზაციის თაობაზე პუნქტის მიზანმიმართულ დარღვევას, რაც გვაფიქრებინებს, რომ მათი მიზანი არ არის ქვეყნის ევროინტეგრაცია, – ამის შესახებ ჟურნალისტებთან საპარლამენტო უმრავლესობის წევრმა ალუდა ღუდუშაურმა განაცხადა.

მისი თქმით, სასამართლო სისტემაში არსებულ პრობლემებთან დაკავშირებით ძირითადად არაარგუმენტირებული ბრალდებები ისმის.

“დღემდე არავის, ჰაერიდან მოტანილი ჭორაობის გარდა, დასაბუთებული, არგუმენტირებული პოზიცია არ წარმოუდგენია, რაც მიუთითებს იმაზე, რომ ეს ადამიანები ცრუობენ და არიან აყოლილები იმ ორკესტრირებულ შტურმს, რომელიც მიზნად ისახავს სასამართლო ხელისუფლების დაზიანებას და ზოგადად, ქვეყნის იმიჯის შელახვას. საზოგადოებას ვპირდები, ღიად, გამჭვირვალედ დაინახავს, ვისი პოზიციაა მართალი. რაც შეეხება რადიკალი ოპოზიციის კეკლუცობას, რომელიც ალტერნატიულ კანონპროექტებს და მსგავს აბსურდულ სისულელეებს აანონსებს, ეს წინააღმდეგობაშია რეკომენდაციებიდან ყველაზე მთავართან – დეპოლარიზაციასთან, რომელიც მიზნად უნდა ისახავდეს კონსოლიდაციას და არა დაყოფას. ამ რადიკალი, მოკეკლუცო ჯგუფების მხრიდან ადგილი აქვს ამ პუნქტის მიზანმიმართულ დარღვევას, რაც გვაფიქრებინებს ლეგიტიმურად, რომ მათი მიზანი არ არის ჩვენი, როგორც ქვეყნის პერსპექტივა და ევროინტეგრაცია,”- განაცხადა ღუდუშაურმა.

გააზიარეთ და მოიწონეთ სტატია:

მსგავსი სტატიები:

ხელისუფლებას 15 სექტემბრისთვის აჭარა რომ ჩაეკეტა, ასეთი მძიმე სურათი არ გვექნებოდა – ხუხაშვილი “ჩვენ რატომ არა გვაქვს უფლება ანგარიშსწორება მოვუწყოთ ივანიშვილის ოჯახს და მის მონებს?” “ნუ შევეგუებით ისეთ საქართველოს, სადაც სოხუმის და ცხინვალის გარეშე ვიზეიმებთ 26 მაისს” შაჰინი: აგვისტოს ომით დაიწყო პუტინის ომი დემოკრატიასთან წინასაარჩევნო დაკავებები დაიწყო – პოლიციამ კიდევ ყოფილი ძალოვანი, ამირან ჯანაშია, დააკავა მაფიოზურმა დაჯგუფება „ოცნებამ” დამოუკიდებლობის უკანასკნელი შუქი ჩააქრო მართლმსაჯულების სისტემაში-ნათია მეზვრიშვილი ზელენსკი თბილისში ხვალ აქციის მონაწილეებს ჩაერთვება დროა საქართველოს პოლიტიკური ლიდერები გაერთიანდნენ – დეგნანი