“ოპოზიციის ტერორიზება და სტიგმატიზაცია არასწორია, თუ ვინმე სუსტია, უნდა ვაღიაროთ, ეს არის საზოგადოებაა”- ნიკა გვარამია

“მთავარი არხის” გენერალური დირექტორი ნიკა გვარამია ამბობს, რომ ოპოზიციის ტერორიზება და სტიგმატიზაცია არის არასწორია. მისი თქმით, თუ ვინმე სუსტია, ეს საზოგადოებაა და მან ეს სხვას, მათ შორის ოპოზიციას არ უნდა გადააბრალოს.

ამ თემაზე მან სააპელაციო სასამართლოში, მისივე პროცესზე ისაუბრა. ნიკა გვარამია ამბობს, რომ პოლიტიკოსებისგან ქართული საზოგადოება ითხოვს არა მათზე ლაპარაკს, ან ამ პრობლემების გადაწყვეტის გზებზე ლაპარაკს, არამედ შედეგის დადგომას – მათ გადაწყვეტას.

“მე ზოგადად მგონია, რომ ოპოზიციის ტერორიზება და სტიგმატიზაცია არის არასწორი, ღრმად არასწორი საქციელი და საერთოდ გაუგებარია რას ისახავს მიზნად. ძირითადად, ეს ხდება კეთილი განზრახვებით, მაგრამ მე არ მესმის ამგვარი კეთილი განზრახვების, რომ არ დაგიმალოთ. ამას არანაირი შედეგი არ მოაქვს, გარდა ივანიშვილის რეჟიმის გაძლიერების, არანაირი. თუ ჩვენ იმის იმედად ვაკეთებთ ამას, რომ ოპოზიცია გამოფხიზლდება, უკეთესად დაიწყებს მუშობას, ასეთი ტიპის შეძახილებს, შედეგი არ მოაქვს. მე ამას ძალიან დიდი წუხილით ვამბობ და მგონია, რომ დღეს ქართულმა საზოგადოებამ განტევების ვაცად დანიშნა ოპოზიცია. თუ ვინმე სუსტია, მეგობრებო, უნდა ვაღიაროთ, რომ ეს არის საზოგადოება, რომლის ნაწილია ოპოზიციაც და ყველაფერი დანარჩენიც. საზოგადოება დღეს სამწუხაროდ ასხივებს უღონობას, ფუსტრაციას და გადაწყვიტა, რომ ეს პრობლემა საკუთარი თავიდან მოიშოროს და იპოვოს ის, ვისაც ამას დააბრალებს, ეს არასწორია და თუ პრობლემები აქვს ოპოზიციას, ესეც საზოგადოების ბრალია. ამიტომ მე მგონია უნდა შევეშვათ ოპოზიციას და სწორად წავიკითხოთ კვლევა”, – თქვა ნიკა გვარამიამ.

მისი თქმით, ყველაზ მეტად საგანგაშო NDI-ის კვლევაში იყო ევროკავშირის მხარდაჭერის ინდექი, რომელიც შემცირდა. ნიკა გვარამია საზოგადოებას სთხოვა ამ მიმართულებით იფიქროს.

“მთავარი არხის” გენერალური დირექტორის თქმით, მედია ყოველთვის მიყვება რეიტინგებს და ხალხის მთავარი ინტერესი არის ორი “მაგიური სიტყვა” – “ეს არის სამშობლო და ამაში იგულისხმება ევროინტეგრაციაც და ყველაფერი დანარჩენი და ეს არის დემოკრატია, არასდროს საქართველოში სოციალური საკითხების გამო ხელისუფლება არ შეცვლილა”.

გააზიარეთ და მოიწონეთ სტატია:

მსგავსი სტატიები:

დღეს საქართველოს სახელმწიფო დროშის დღეა მუსლიმი და ქრისტიანი თემის შეხვედრის წინ ბუკნარში ზუგდიდის სპეცრაზმი შეყავთ ნიკა მელია რომ პოლიტპატიმარია, ეს დადასტურებულია მთელი საერთაშორისო საზოგადოების მიერ “სხვა კომენტარს არ გავაკეთებ” – დავით ბერძენიშვილი პარტიაში განვითარებულ მოვლენებს ეხმაურება მელექედურში მერის წარმომადგენლად ისევ გაგა  ცხომელიძე დაინიშნა თალაკვაძის თანაშემწეს წინასაპატიმრო გირაო შეუფარდეს რა ხდება პუტინის თავში – კრემლის ბელადის ფსიქოლოგიურ მდგომარეობას აშშ-ის დაზვერვა სწავლობს დავით არახამია: ბიჭებო, პირდაპირ გეუბნებით, ცოტა აკურატულები იყავით თქვენს გამონათქვამებში – მარტო ივანიშვილი არ იქნება სანქციების სამიზნე