მეცნიერები, რომლებიც იკვლევენ მთვარის ნიადაგს, თავს დეტექტივებად გრძნობენ: ისინი ამტკიცებენ, რომ აღმოაჩინეს მასიური გადაშენების მტკიცებულება. თუმცა საქმე ძალიან ძველი- 66 მილიონი წლის წინანდელია.
დინოზავრების მკვლელს უწოდებენ ასტეროიდს, რომელიც დაეჯახა დედამიწას მექსიკის ამჟამინდელი ყურის მიდამოში სწორედ იმ შორეულ დროში. მისი დარტყმისგან დარჩა გიგანტური კრატერი ჩიკშულუბი, რომლის დიამეტრი 150 კმ და სიღრმე 19 კმ-ია. შემდეგ იყო მრავალი განსხვავებული საშინელება, უზარმაზარი ცუნამიდან დაწყებული მტვრიანი ღრუბლებით დამთავრებული, რომლებიც მზეს რამდენიმე წლის განმავლობაში ფარავდნენ და ცვლიდნენ პლანეტის კლიმატს. ითვლება, რომ ამ კატასტროფამ გამოიწვია დედამიწაზე სახეობების ყველაზე მასიური გადაშენება – მათ შორის დინოზავრების სიკვდილი.
მეცნიერები ვარაუდობენ, რომ მკვლელი ასტეროიდი მარტო არ იყო. ამავდროულად, მოხდა უფრო მცირე მასშტაბის კოსმოსური ობიექტების შეჯახების მთელი სერია, როგორც დედამიწასთან, ასევე მთვარესთან.
ჩინეთის გეოლოგიურ მეცნიერებათა აკადემიის მკვლევარები პეკინში და ვუჰანის გეომეცნიერებათა უნივერსიტეტი ავსტრალიის კურტინის უნივერსიტეტის კოსმოსური კვლევის ცენტრის კოლეგებთან ერთად, სწავლობენ მთვარის ნიადაგის ნიმუშებს, რომლებიც დედამიწაზე ჩინეთის მთვარის მისია Chang’e-5-ით 2020 წელს ჩამოიტანეს.
ნიადაგში ნაპოვნია ყველაზე პატარა მინის მძივები, რომელთა ზომები 50-დან 200 მიკრომეტრამდე მერყეობს (ეს დაახლოებით ადამიანის თმის სისქეს შეადგენს).
„ჩვენ გამოვიყენეთ სხვადასხვა ანალიტიკური მეთოდი, მოდელირება და გეოლოგიური მონაცემები იმის გასაგებად, თუ როგორ და როდის წარმოიქმნა ეს მინის მძივები.“- ამბობს ალექსანდრე ნემჩინი, ნაშრომის ერთ-ერთი ავტორი.
სავარაუდოდ, ისინი წარმოიქმნა უკიდურესად მაღალი ტემპერატურის გავლენის ქვეშ მთვარის ზედაპირზე მეტეორიტების ზემოქმედების დროს. ჩვენი თანამგზავრი დედამიწასთან ერთად სინქრონულად დაექვემდებარა კოსმოსურ დაბომბვას.
აი, რა არის საინტერესო: ზოგიერთი მძივის ასაკი, მეცნიერთა აზრით, 66 მილიონი წელია. ანუ გამოჩნდნენ იმავე დროს, როცა დინოზავრების მკვლელი ჩვენთან მოფრინდა. კვლევის ავტორები ვარაუდობენ, რომ მთვარეზე მინის მძივები, სავარაუდოდ, მისი „თანამონაწილეების“, პატარა ასტეროიდების ფენებია.
შემდეგი ნაბიჯი ამ ვერსიის შესამოწმებლად არის ამ მთვარის ნიადაგის ნიმუშების შედარება დედამიწაზე ადრე ჩამოტანილ სხვა ნიმუშებთან.
intermedia.ge
მსგავსი სტატიები:
საქართველოს პატრიარქის ინტრონიზაციიდან 43 წელი გავიდა
ტიკარაძე: “გურია წითლისკენ მიდის, შეზღუდვებს არ გამოვრიცხავთ”
შაქარაშვილის საქმეზე ბრალდებულ სამ პირს ამნისტია შეეხო და გათავისუფლდნენ
კახაძე: ფული დავხარჯოთ ნიღბებში და არა ვირუსების გავრცელებაში
საქართველოში ემიგრანტებს უფრო მეტი ფული შემოაქვთ, ვიდრე უცხოელ ინვესტორებს
საქართველო ევროკავშირის ქვეყნებს ლოკოკინებით მოამარაგებს
“საქართველოს გადაეცა მიწა მდინარე იორდანესთან, მაცხოვრის ნათლობის ადგილის მიმდებარედ…იორდანიის მეფის, აბდულა მეორისა და პრინც ღაზის მიერ”-პრემიერი
”ნოდარა, ძამა გათავისუფლება თუ შეგიძლია, საქართველო გაათავისუფლე, შე კაცო!” – ნოდარი – მზისგულა მწერალი