იუსტიციის მინისტრი, რატი ბრეგაძე საქართველოს მესამე პრეზიდენტთან დაკავშირებით ამბობს, რომ ჯანმრთელობის მდგომარეობით სპეკულაცია ხდება. მისი თქმით, “ემპათიის” დასკვნა ჯერ არავის უნახავს და ამ საკითხზე წინასწარ შეფასებებს ვერ გააკეთებს.
ბრეგაძე ამტკიცებს, რომ მიხეილ სააკაშვილს ყველა პირობა აქვს შექმნილი, რომ მისი ჯანმრთელობა დაცული იყოს.
“ჯანმრთელობის მდგომარეობით ნებისმიერი სახის სპეკულაცია, ძალიან რბილად რომ ვთქვათ, არის არაეთიკური. შესაბამისად, მე ამ საკითხზე მეტს ვერაფერს გიპასუხებთ, მე ვერ დავიწყებ წინასწარ შეფასებებს. როგორც მოგეხსენებათ, ცენტრი “ემპათიის” დასკვნა ჯერჯერობით არავის უნახავს, ეს დასკვნა უბრალოდ ბუნებაში არ არსებობს. მას შემდეგ როდესაც იარსებებს ეს დასკვნა, მრავალჯერ ვთქვი, ახლაც გავიმეორებ კიდევ ერთხელ, მხარეებს შეუძლიათ მიმართონ სასამართლოს იმ ფაქტის დასადასტურებლად, რომ არის თუ არა ამა ადამიანის ჯანმრთელობის მდგომარეობა ისეთი მძიმე, რომ არ შეესაბამებოდეს სასჯელის მოხდის მიზნებს.
მე ერთი რამ შემიძლია ამ საკითხზე ვთქვა, რომ ამ ადამიანს აქვს ყველა პირობა შექმნილი სახელმწიფოსგან იმისთვის, რომ მისი ჯანმრთელობა იყოს დაცული, და მისი ეს შესაბამისი უფლებაც იყოს უზრუნველყოფილი და ის იმყოფება შესაბამის კლინიკაში”, – თქვა რატი ბრეგაძემ.
ცნობისთვის, დღეს მიხეილ სააკაშვილი ბრიტანელმა ფსიქიატრმა უნდა მოინახულოს. “ემპათიას” ხელმძღვანელის, მარიამ ჯიშკარიანის თქმით, მიხეილ სააკაშვილის ჯანმრთელობის მდგომარეობასთან დაკავშირებით უახლოეს დღეებში, ყველა ექსპერტის მოსაზრება შეჯამდება და საბოლოო დასკვნაში აისახება.
მსგავსი სტატიები:
აქტივისტებმა გიორგი რურუას გათავისუფლების მოთხოვნით 20 ათასი ხელმოწერა პრეზიდენტს გადასცეს
“გაჭრა ჩემმა შეგონებამ: ტვ ნაძეჟდას პოლიტიკური თოქშოუს სტუდიაში ოპოზიცია გამოჩნდა”
გეგმავდა თუ არა სააკაშვილი თებერვალში გადატრიალებას გახარიას დახმარებით-კობახიძის ეჭვები
სავარაუდოდ ორშაბათიდან კოვიდ პასპორტები ამოქმედდება-იმნაძე
აქციაზე ადამიანი ცუდად გახდა, სასწრაფო იმდენი ხანი არ მოვიდა მოქალაქეებმა წაიყვანეს, გზაში სასწრაფოც დაეწიათ და ვეღარ მოხერხდა გადარჩენა – ჟორჟოლიანი
“გადაკვალიფიცირება მოიგონეს, რომ გამართლება არ ეხსენებინათ” – ხაზარაძის განაჩენის დეტალები
ზურაბიშვილმა სახელმწიფო ინსპექტორის სამსახურის გაუქმებას ვეტო არ დაადო
ყველაფერს აკეთებენ, რომ საქართველოში 2008 წლის მოვლენები განმეორდეს – კობახიძე ოპოზიციაზე