უკრაინის ყოფილმა პრეზიდენტმა, ვიქტორ იუშჩენკომ უკრაინელ ჟურნალისტ დიმიტრი გორდონთან ინტერვიუში განაცხადა, რომ ქართველი ერისა და საქართველოს ექსპრეზიდენტის, მიხეილ სააკაშვილის მდგომარეობის გამო დამწუხრებულია.
“დღეს ისე მნიშვნელოვანია, რომ ევროპის აღმოსავლეთში ისეთი მეგობარი გვყავდეს, როგორც საქართველო – არა მხოლოდ ბალტიის ქვეყნები, არა მხოლოდ პოლონელები, ან ჩეხები, ან ბრიტანელები. რადგან ჩვენ აღმოსავლეთ ევროპის ხმა ვართ… ეს მათთვისაც მნიშვნელოვანია და ჩვენთვისაც. მესმის, რომ ეს ეპიზოდია, მესმის, რომ ამას გადავიტანთ და იქნება ისეთი საქართველო, რომელზეც ვოცნებობთ და ხელისუფლებაც იქ ისეთი იქნება, რომ ჩვენ ტაშს დავუკრავთ, მაგრამ დღეისთვის სამწუხაროდ, ძალიან სამწუხაროდ… მე არ შემიძლია ბევრ ასეთ თუნდაც ადამიანურ მომენტზე კომენტარის გაკეთება. მე არ მესმის”, – თქვა იუშჩენკომ.
უკრაინის ყოფილმა პრეზიდენტმა ასევე აღნიშნა, რომ 2007 წელს იმჟამინდელი საქართველოს პრეზიდენტის, მიხეილ სააკაშვილის იარაღის გადაცემის თხოვნას გამოეხმაურა და საქართველოს გადასცა “ყველა შეიარაღება, რისი გადაცემაც შესაძლებელი იყო მოთხოვნილიდან”.
“არა და კარგად გვესმოდა რა რეაქცია ექნებოდა პუტინს, რუსეთს… თუმცა ყველაზე დიდი ღირებულების… იმ ისტორიული ურთიერთობების ღალატი არ შეიძლება, რომლებიც უკრაინელებსა და ქართველებს შორის არსებობს, ისინი მხოლოდ უნდა ძლიერდებოდეს”, – თქვა იუშჩენკომ.
მსგავსი სტატიები:
ლანჩხუთში ბუნებრივი აირის აფეთქების შედეგად ორი ადამიანი დაშავდა
გორში ნაციონალური მოძრაობის ოფისის დაზიანების ბრალდებით მესამე პირი დააკავეს
Top-10 პროდუქტი საქართველოში, რომელსაც უცხოეთში ყველაზე დიდი რაოდენობით ვყიდით
ქართულ ენასა და ლიტერატურაში ეროვნული გამოცდების შედეგები გამოქვეყნდა
მე თქვენ დაგანახებთ, როგორი მოხუცი ვარ, ბევრ ახალგაზრდას ვჯობივარ – ანზორ მელია
ლანჩხუთისა და ავტობანის დამაკავშირებელ ქუჩაზე ტრანსპორტის მოძრაობა სატვირთო ავტომობილის დაზიანების გამო შეფერხებულია
“როცა ჩვენი გმირები იღუპებოდნენ ბრძოლის ველზე, სააკაშვილი ხუმრობის ხასიათზე იყო”
“ზუსტად ვიცი” – ნიკა მელიამ დაასახელა პიროვნება, რომელმაც მას სკანდალური ფარული ჩანაწერი გაუვრცელა