MKD Law განცხადებას ავრცელებს და წერს, რომ საერთაშორისო მედია ისევ უარს ეუბნება მათ “კრედიტ სუისს”-ის მენეჯმენტის “მამხილებელი” სტატიების გამოქვეყნებაზე.
განცხადებაში აღნიშნულია, რომ კიდევ ერთი მცდელობა ივანიშვილის პიარ გუნდს მიმდინარე კვირაში ჰქონდა.
“ჩვენ ისევ იმ ბარიერს შევეჯახეთ, რომელსაც ბანკის მენეჯმენტის მამხილებელი სტატიების ცენზურა ჰქვია. შეგახსენებთ, რომ როდესაც საქმე ეხება ბანკის კრიტიკას, წამყვანი საერთაშორისო მედია, მათ შორის, Financial Times, Wall Street Journal, Bloomberg, Reuters და მსგავსი კალიბრის სხვა გამოცემები სიამოვნებით აქვეყნებენ მათ. სიტუაცია კარდინალურად განსხვავდება, როდესაც ფაქტებსა და მტკიცებულებებზე დაყრდნობით ჟღერდება ლოგიკური და ობიექტური ანალიზი, რასაც მოსდევს ასეთივე, საღ მსჯელობაზე დაფუძნებული ლეგიტიმური შეკითხვები”, – წერია განცხადებაში.
ფირმა განცხადებას თან ურთავს სტატიას, რომლის გამოქვეყნებაზეც უარი 14 თებერვალს მიიღეს. სტატიაში ნათქვამია, რომ 2022 წლის დეკემბრის მეორე ნახევარში, სააპელაციო პროცესის დასრულების შემდეგ, ბანკის მენეჯმენტმა განაცხადა, რომ თანხის გადმორიცხვას მხოლოდ იმ შემთხვევაში შეძლებდა, თუ ივანიშვილის ადვოკატები დაწერდნენ, რომ თანხის გადმორიცხვით თეორიული რისკიც არ შეექმნებოდა ივანიშვილისვე სატრასტო კომპანიების მოთხოვნებს:
“2023 წლის 3 იანვარს ბატონმა ივანიშვილმა დაადასტურა წერილობითი ფორმით, რომ ბანკს შეეძლო თანხა გადმოერიცხა და რომ ის თავად იღებდა ყველანაირ თეორიულ და ჰიპოთეტურ რისკს თავის თავზე, ხოლო მოცემული საკითხი იურისტების გადასაწყვეტი არ იყო. ცხადი იყო, რომ არცერთი იურისტი არ დაწერდა, რომ თეორიული რისკი არ არსებობდა და ეს ბანკის მენეჯმენტმა ძალიან კარგად იცოდა; შესაბამისად, ბანკის მენეჯმენტმა, თითქოსდა ბატონი ივანიშვილის კომპანიების ინტერესების დაცვის უზრუნველყოფის მიზნით, ფაქტობრივად უარი თქვა გადმორიცხვაზე მიუხედავად იმისა, რომ მოჩვენებითად აცხადებს, თითქოს იგი მზად არის გადმორიცხვისთვის. 2022 წლის მარტიდან უკვე თითქმის ერთი წელი გავიდა, ხოლო ბანკის მენეჯმენტი ზემოთ აღწერილი პინგ-პონგით არის დაკავებული”.
იურისტები ამბობენ, რომ “ეს ყველაფერი ბატონი ივანიშვილის მიმართ დაუფარავი შანტაჟია”.
მსგავსი სტატიები:
სამშობლო თუ სტუმარ-მასპინძლობა-რას ფიქრობს ელისო ბოლქვაძე პოზნერის ვიზიტზე
“ჩემზე ამბობენ, მახინჯია ლილიპუტია”
“ხალხის გონებაში ოპოზიციის სახელი, ზოგადად, არის „ნაციონალური მოძრაობა!”
ჯანმრთელი ადამიანები გადასატანი ყუთით მოსარგებლეთა სიაში – სკანდალური ვიდეო
ვერც ერთ ქვეყანაში ვერ ვნახე უვადო კოვიდპასპორტის გაცემის პრეცედენტი – კულუმბეგოვი
აშშ-ს მთავრობა სწორი იქნება, ეჭვქვეშ დააყენოს მათი ფინანსური მხარდაჭერა – იან კელი საქართველოს ხელისუფლებაზე
“დაიცალა ქვეყანა… რას სთავაზობთ იმ ადამიანებს, ვისაც ჯერ კიდევ არ გადაუწყვეტია ამ ქვეყნის დატოვება?”-ოპოზიციის მწვავე კითხვები ფინანსთა მინისტრს
ოკუპირებული დონეცკიდან ევაკუირებული მოსახლეობის პირველი ნაწილი როსტოვში გადაიყვანეს-რუსული მედია