“იყო გულაგების პრეზიდენტი“ – შალვა პაპუაშვილი მიხეილ სააკაშვილზე

რაც ჩვენ ვიცით ჩვენი უახლესი ისტორიიდან, შეიძლება ასე შეფასდეს – მიხეილ სააკაშვილი იყო გულაგების პრეზიდენტი. მან აქ შექმნა სისტემა, რომელიც ეფუძნებოდა ადამიანის ჩაგვრას, დამცირებას, წამებას, მისთვის ყველანაირი უფლებების ჩამორთმევას, დაწყებული სიცხოცხლის უფლებიდან დამთავრებული საკუთრების უფლებით, – ამის შესახებ პარლამენტის თავმჯდომარე, შალვა პაპუაშვილმა გადაცემაში „იმედი LIVE“ განაცხადა.

„ეს იყო სისტემა, სადაც ჩართულები იყვნენ მათ შორის მაღალი თანამდებობის პირები ციხის ადმინისტრაციიდან. ამ და სხვა საქმეებთან დაკავშირებით იყო ერთობლივი გამოძიება და მინდა მადლობა გადავუხადო საქართველოს პროკურატურას, ასევე, იუსტიციის სამინისტროს, რომელიც შემდეგ ამ საქმესთან დაკავშირებით სტასბურგში წარმოადგენდა საქართველოს. პროკურატურისა და იუსტიციის სამინისტროს დამსახურებაა ამ წლებში ამ სისტემის გამოვლენა, მისი აღწერა, დამნაშავეების დასჯა რომ მოხდა. ამ დანაშაულებთან დაკავშირებით 1 პირი დღემდე ძებნილია. საუბარია მუხაძეზე და ვიცით, რომ ის იმყოფება უკრაინაში. სამწუხაროდ, დღემდე არ არის გადმოცემული საქართველოსთვის. მეორე, ამ სისტემის შემოქმედი ადეიშვილი უკრაინაში სასამართლო და მართლმსაჯულების რეფორმას კურირებს. მესამე, ამ სისტემის შემოქმედი დაგვიბრუნდა პოლიტიკაში ვანო მერაბიშვილის სახით და მეოთხე, ამ სისტემის თავი და თავი, დღეს რომელიც იხდის სასჯელს კლინიკაში. ამ ადამიანზე გეუბნებიან, რომ ეს ყველაფერი დანაშაული კი არ იყო, ეს არის ვენდეტა, ქართველო ხალხო, ეს ყველაფერი თქვენ მოგეჩვენათ და სინამდვილეში ეს იყო დემოკრატია“, – განაცხადა პაპუაშვილმა.

გააზიარეთ და მოიწონეთ სტატია:

მსგავსი სტატიები:

შეთანხმება ისევ ვერ შედგა – პარტიებმა დანიელსონის დოკუმენტი დაიწუნეს “სტამბაში იკრიბებიან ოკუპანტი ღორები!” – აქცია თბილისში “პაციენტების მკურნალობაზე უარს ვაცხადებ, თუ მიხეილ სააკაშვილს კლინიკაში არ გადაიყვანენ”- ექიმი ლევან გოგუაძე “მშიშარა ხელისუფალზე საშიში არაფერია..კარგია რომ ღარიბაშვილს “წითელ ღილაკთან” წვდომა არ აქვს” ოზურგეთი-ქობულეთის დამაკავშირებელი გზა პარალიზებულია-მოქალაქები დაწყებულ და შეჩერებულ მშენებლობას აპროტესტებენ ვის შეუძლია მათი სერიოზულად აღქმა? ძალიან სამწუხაროა ამის ყურება – კრამონი კობახიძეზე “ბიძინამ ისეთი ქვეყანა ააშენა, რომ სუს-ის თანამშრომლებიც გამორბიან ამერიკაში” – სუბელიანი ზურაბიშვილი მიადგეს ხვალ პრემიერს და ჰკითხოს: „ირაკლი, სახელმწიფოში ვცხოვრობთ თუ ბავშვებს ეთამაშები კუკუდამალობანას?“ – უსუფაშვილი