რა წერია სტატიაში, რომლის გამოქვეყნებაზეც ევროპულმა მედიამ ივანიშვილს უარი უთხრა

იურიდიული ფირმა MKD Law, რომელიც შვეიცარიულ ბანკთან დავაში ბიძინა ივანიშვილის ინტერესებს იცავს, ახალ განცხადებას ავრცელებს.

ფირმის თქმით, ევროპული მედია ისევ უარს ამბობს ივანიშვილის დაცვის მხარის “კრედიტ სუისს”-ის მენეჯმენტის “მამხილებელი” სტატიების გამოქვეყნებაზე.

MKD Law – ის ახალ სტატიაში აღნიშნულია, რომ სტატიაში ნათქვამია, რომ სინგაპურსა და გერნსიზე არსებული „კრედიტ სუისს“-ის ტრასტები კლიენტს აქტივებს უკავებდნენ და რომ 2022 წლის სექტემბერში, სინგაპურში, მოსამართლის რეაქციიდან გამომდინარე, ბანკის მენეჯმენტმა გადაწყვიტა სახე შეენარჩუნებინა და სინგაპურის ტრასტიდან გადარიცხა თანხები კლიენტის ინსტრუქციის შესაბამისად.

“რაც შეეხება გერნსის, სადაც აქტივების უდიდესი ნაწილია ტრასტის ქვეშ მოქცეული, იქ უკვე ვერ მოქმედებდა სინგაპურის მოსამართლის იურისდიქცია, ამიტომ გერნსის შემთხვევაში, ბანკის მენეჯმენტმა კვლავ მანამდე არსებულ რეჟიმში დაგვტოვა: მრავალჯერ გადადებული სასამართლო განხილვების მოლოდინში. აქ კიდევ ერთხელ შეგახსენებთ, ის თანხა, რომლის გადმორიცხვაზეც „კრედიტ სუისს“-ი უარს გვეუბნება, „კრედიტ სუისს“-შიც კი არ არის. თანხა სხვა ბანკშია. ამიტომ აქ ვერ გვექნება ილუზია, რომ ბანკს რაიმე ფინანსური და კომერციული ინტერესი აქვს. არა, ბანკის მენეჯმენტის ინტერესი სულ სხვაგან არის და, ვფიქრობთ, ეს ხელისგულზე დევს”, – წერია სტატიაში.
სტატიაში წერია, რომ როდესაც ივანიშვილი ითხოვს თანხის საქველმოქმედო ფონდში გადარიცხვას, პასუხი მისდის, რომ ის ძალიან დიდ თანხას ხარჯავს ქველმოქმედებაში და შვილებზე შეიძლება არ იზრუნო, მათ რაიმე დააკლო და ამიტომ თანხის გადარიცხვაზე უარს იღებს. იურისტები ამბობენ, რომ აღნიშნულს ივანიშვილმა უპასუხა, რომ თავად გაანაწილებდა თანხას, რაზეც პასუხი აღარ მიუღია […]

ბანკმა რომ ვეღარ ნახა ვერანაირი საბაბი თანხის გადმორიცხვაზე უარისთვის: ვეღარც გადმორიცხვის დანიშნულება, ვეღარც ევროპარლამენტის რეზოლუცია, ვეღარც სასამართლოსთვის მიმართვის აუცილებელი წინაპირობის საკითხი, ვეღარც ის, რომ თანხის გადმორიცხვა ტრასტის დახურვას გამოიწვევდა და სხვა, ყველა საკითხი რომ ამოწურა, შემდეგ მიადგა ბოლო მიზეზს: დაუბადებელი შთამომავლები რომ არიან, მათ ზრუნვაზე არ არის კარგად გათვლილი თქვენი მხრიდან თანხის გადმორიცხვის მოთხოვნაო – უპოვარი არ დარჩნენ ბავშვები, რომლებიც მომავალში დაიბადებიანო”, – აღნიშნულია განცხადებაში.

გააზიარეთ და მოიწონეთ სტატია:

მსგავსი სტატიები:

პარლამენტში 7 ოპოზიციონერი შედის, მათ შორის გიორგი ვაშაძე- ნიკა გვარამია “ირაკლი კობახიძემ პრაქტიკულად, ცივი წყალი გადაასხა მოლაპარაკების პროცესს”- ზაქარეიშვილი “მოლაპარაკებების ჩაშლა იყო ოპოზიციის თვითმიზანი, რომელიც იმართება სააკაშვილისგან” სააკაშვილი: თბილისიდან უშიშროება ცდილობს ჩემი მობილის გატეხვას ირაკლი კობახიძე: თვითმმართველობის არჩევნები პირველივე ტურში უნდა მოვიგოთ თავისუფლება მიშას – ბანერი აჭარის უმაღლესი საბჭოს ეზოში “ბიუჯეტის გეგმა გადაჭარბებით შესრულდა”-ფინანსთა მინისტრი „გამარჯობა, მიხაილ ნიკოლაევიჩ, ეს ვალოდია ზელენსკია“ – მიხეილ სააკაშვილი ზელენსკის გაპრეზიდენტების შემდეგ, პირველ კომუნიკაციას იხსენებს