“რესპუბლიკური პარტიის” ერთ-ერთი ლიდერი, დავით ბერძენიშვილი “ქართული ოცნების” დამფუძნებელ, ბიძინა ივანიშვილთან კიდევ ერთ საუბარს იხსენებს და ამბობს, რომ მან აფხაზეთის ნატოში გაცვლის შეთავაზებაც გააკეთა. მისივე თქმით, ივანიშვილის სურდა, აფხაზეთის დამოუკიდებლობაზე რეფერენდუმის ჩატარების დაპირება აფხაზებისთვის საჯაროდ გაეცა, რაც “რესპუბლიკელებმა” ასევე დაბლოკეს.
“აფხაზეთი გავცვალოთ ნატოშიო, ესეც შემოგვთავაზა ბიძინამ. არ იცვლება თქო, მკაფიოდ ვუპასუხეთ. აფხაზეთის დამოუკიდებლობაზე რეფერენდუმს დავპირდეთ საჯაროდ აფხაზებსო – ესეც დავუბლოკეთ რესპუბლიკელებმა. ამაზეც მილაპარაკია საჯაროდ. […]
მთავარი პრობლემა ის კი არაა, როდის რა გაჟღერდა და რა დოზით, არამედ ის, რომ ასეთი საფრთხეების თავიდან აცილება როდის და როგორ მოხერხდა (თუ ვერ მოხერხდა). […]
ისიც აღსანიშნავია, რომ 2015- 2016 წლებში თავდაცვის მინისტრ თინა ხიდაშელის და ევროინტეგრაციის კომიტეტის თავმჯდომარის ლევან ბერძენიშვილის როლი ევროპული და ევროატლანტიკური ინტეგრაციის გზაზე უმნიშვნელო ნამდვილად არ იყო. ბიძინა მისი ხედვების რეალიზებას ამ მიმართულებით ვერ ახერხებდა.
ბიძინას ხელისუფლება პრობლემური იყო თავიდანვე, მაგრამ ერთმნიშვნელოვნად ცუდი და საშიში გახდა მისი ერთმმართველობის დროს. 2016- 2020 წლები დასავლური სვლის შეფერხება/ შეჩერება იყო. 2020/2021 წწ- ში არჩევნების მიტაცება უკვე სახელმწიფოებრიობის კრიზისს ქმნიდა. 2022- ის 24 თებერვლიდან კი ეს ხელისუფლება დასავლური არჩევანის წართმევით რეალურად ემუქრება საქართველოს”, – წერს ბერძენიშვილი.
მსგავსი სტატიები:
ბერძენიშვილი მელაშვილის ბრალზე: სააკაშვილისგან მტრის ხატის შექმნის მცდელობაა
“გადასწორებული მეტრიკასავით” გამოიყურება, კენჭისყრის შედეგების შემაჯამებელი ოქმები”
“როგორ მინდა, ფულის ტომრის ბატონობა, რაც შეიძლება მალე დამთავრდეს საქართველოში”
შანტაჟისტ კობახიძესთან მოლაპარაკებები ტერორისტთან მოლაპარაკების ტოლფასია – გვარამია
“კობახიძესაც არაფერი ეშველება”- 2021 წელის პოლიტიკური პროგნოზი დავით ზურაბიშვილისგან
ეკა ხერხეულიძე: “თავზე დააცალო სანაგვე ადამიანს ყოვლად მიუღებელია”
“დავით გარეჯის 10 მონასტერი ცხოველების და ფრინველების თავშესაფრადაა ქცეული… რაც გაქვთ, იმას მიხედეთ ” – დეკანოზი
“სად მიდის..სად, ასე მარტო” – საქართველოდან წასული საქართველო