რეგულირების სააგენტომ, ბოლო 3 წელში, კორონავირუსის დიაგნოზით გარდაცვლილი 79 პაციენტის საქმის შესწავლა დაიწყო- 5 პაციენტის საქმეზე, 18 ექიმ-სპეციალისტს პროფესიული პასუხისმგებლობა განესაზღვრა – ამის შესახებ ინფორმაციას გამოცემა “ინტერპრესნიუსი” ავრცელებს.
როგორც გამოცემას სამედიცინო და ფარმაცევტული საქმიანობის რეგულირების სააგენტოდან გამოთხოვილი საჯარო ინფორმაციის საპასუხოდ აცნობეს, 2 ექიმ-სპეციალისტს შეუჩერდა სახელმწიფო სერტიფიკატის მოქმედება 1 თვის ვადით; 16 ექიმ-სპეციალისტს კი “წერილობითი გაფრთხილება“ მიეცა.
ოფიციალური მონაცემებით:
- 2020 წელს დაწყებულ იქნა 13 სამედიცინო შემთხვევის შესწავლა;
- 2021 წელს – 36 სამედიცინო შემთხვევის შესწავლა;
- 2022 წელს – 30 სამედიცინო შემთხვევის შესწავლა.
დასრულებულია 10 შემთხვევის შესწავლა, საიდანაც 5 შემთხვევაში, გამოვლინდა ექიმის პროფესიული პასუხისმგებლობა და აღნიშნული საკითხები განხილულ იქნა საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს პროფესიული განვითარების საბჭოს მიერ.
საბჭოს გადაწყვეტილებით, 18 ექიმ-სპეციალისტს (დამოუკიდებელი საექიმო საქმიანობის სუბიექტებს) განესაზღვრა სხვადასხვა ზომის პროფესიული პასუხისმგებლობა. მათ შორის, 2020 წლის 1 სამედიცინო შემთხვევაში, 2021 წლის 3 სამედიცინო შემთხვევაში, 2 ექიმ- სპეციალისტს შეუჩერდა სახელმწიფო სერტიფიკატის მოქმედება 1 თვის ვადით; 16 ექიმ- სპეციალისტს მიეცა „წერილობითი გაფრთხილება; 1 სამედიცინო შემთხვევის განხილვა გადაიდო (დამატებითი შესწავლის მიზნით)“,- აღნიშნულია ინფორმაციაში.
მსგავსი სტატიები:
საქართველოში კორონავირუსის 5 068 ახალი შემთხვევა დაფიქსირდა, გარდაიცვალა 38
საქართველოში კორონავირუსის 5 450 ახალი შემთხვევა დაფიქსირდა, გარდაიცვალა 37
11 დეკემბერს საქართველოში კორონავირუსის 4 146 ახალი შემთხვევა დაფიქსირდა, გარდაიცვალა 37
გურიის პირველ პოლიციელს კორონავირუსი დაუდასტურდა (ექსკლუზივი)
“მოჩქარეს მოუგვიანდესო” – რას ამბობს გამყრელიძე კომენდატის საათის გადაწევაზე
გათავისუფლდებიან თუ არა პირბადის ტარებისგან ისინი, ვინც ვაქცინა უკვე გაიკეთა
მასწავლებლები და ბაღის აღმზრდელები, სავარაუდოდ, ჩინური ვაქცინით აიცრებიან
PBS-მა ზურაბ გურული და ნანა გეგეჭკორი COVID 19-ის გმირებად მოიხსენია