რუსეთის საგარეო საქმეთა სამინისტროს წარმომადგენლობა ყირიმში თბილისის აქციებს ეხმაურება. უწყებაში აცხადებენ, რომ ქართველები უკრაინის “ანალოგიური სიტუაცია” უნდა გაიხსენონ.
“უცხოური აგენტების შესახებ კანონპროექტისა წინააღმდეგ თბილისში დაწყებული პროტესტი, მთავრობის გადადგომის მოთხოვნაში გადაიზარდა. ვურჩევთ ქართველ ხალხს გაიხსენონ უკრაინის ანალოგიური სიტუაცია 2014 წელს და რა მოჰყვა ამ ყველაფერს! #ორჯერდაფიქრდით” – წერენ ტვიტერზე.
მასშტაბური გამოსვლებისა და პროტესტის შედეგად, ქართულმა ოცნებამ რუსული კანონპროექტი მეორე მოსმენით ჩააგდო.
დეპუტატებმა კანონპროექტი არც კი განიხილეს, პირდაპირ კენჭისყრაზე დააყენეს.
ოცნებამ “უცხოური გავლენის გამჭვირვალობის შესახებ” რუსული კანონპროექტის გაწვევის შესახებ 9 მარტს, დილას განაცხადა. თავდაპირველად, ოცნება ამ კანონპროექტს მხარს უჭერდა და პარლამენტმა პირველი მოსმენით მიიღო.
კანონპროექტის საწინააღმდეგო პროტესტი 7-8 მარტს პარლამენტის მიმდებარე ტერიტორიაზე მიმდინარეობდა. აქციები იყო ქუთაისში, ბათუმში და სხვა ქალაქებშიც.
თბილისში პოლიციელებმა მშვიდობიანი აქცია წყლის ჭავლით, წიწაკის სპრეითა და ცრემლმდენი გაზით დაარბიეს.
რამდენიმესაათიანი მცდელობების მიუხედავად ხალხი არ იშლებოდა, რის შემდეგაც პოლიციამ აქციის მონაწილეების დაკავება ძალისმიერი მეთოდებით დაიწყო. პოლიციელები მუშაობაში ხელს უშლიდნენ მედიის წარმომადგენლებს და ჟურნალისტებზე ძალადობის ფაქტებიც დაფიქსირდა.
შსს-მ 2 დღეში აქციებზე ჯამში 133 ადამიანი დააკავეს, დღეს საღამოს კი შინაგან საქმეთა სამინისტრომ განაცხადა, რომ ადმინისტრაციული წესით დაკავებული ყველა პირი, 133 ადამიანი გაათავისუფლეს.
მსგავსი სტატიები:
ოცნება წარმატებული გუნდია, აწი თუ შემოგვემატება წევრები, თორემ არავინ წავა
კვარიათში, ზღვაში მაშველებმა ახალგაზრდა კაცის ცხედარი იპოვეს
ლანჩხუთის მერი აკეთიდან დაიფრინეს (ვიდეო)
ნედ პრაისი: საქართველოს მთავრობამ უზრუნველყოს სააკაშვილის საჭიროებების დაკმაყოფილება
ქობულეთში, ბოლო 1 კვირაში, ერთ ბინაში 3 გარდაცვლილი იპოვეს
მარიუპოლში საკვებისა და წყლის ბოლო მარაგი იწურება
ოზურგეთის მერია ვანო ჩხარტიშვილის უკანა ეზოს მოაწესრიგებს
ზოგი ადრე მიხვდა, რომ ივანიშვილმა მთელი ქვეყანა მოატყუა, ზოგმა თანდათან დაიჯერა, ზოგიც გვიან მიუხვდა”