მიხეილ სააკაშვილი არ გახლავთ პოლიტპატიმარი, სასამართლოს მიერ მისჯილ სასჯელს იხდის ძალიან კონკრეტული დანაშაულებისთვის, რადგან კრიმინალია. სხვა ქვეყნის დეპუტატი თუ სხვაგვარად თვლის, ალბათ, იმას უნდა დავაბრალოთ, რომ არ იცის, ვისთან აქვს საქმე, ანდა, იცის და მაინც იმას ამბობს, რაც უსაფუძვლოა, – ამის შესახებ კულტურის მინისტრმა, თეა წულუკიანმა განაცხადა.
წულუკიანს კითხვა დაუსვეს ევროპარლამენტში მიხეილ სააკაშვილის საკითხის განხილვასთან დაკავშირებით, რომელიც დღეს იგეგმება.
„მორიგჯერ ისე შევაფასებ, როგორც აქამდე ვაფასებდი, რომ სააკაშვილი არ გახლავთ პოლიტპატიმარი, ის სასამართლოს მიერ მისჯილ სასჯელებს იხდის ძალიან კონკრეტული დანაშაულებისთვის, რადგან არის კრიმინალი და ჩემი აზრით, უნდა მოიხადოს ბოლომდე. სხვა ქვეყნის მოქალაქე, სხვა ქვეყნის დეპუტატი თუ თვლის სხვაგვარად, ეს, ალბათ, იმას უნდა დავაბრალოთ, რომ მან არ იცის, ვისთან აქვს საქმე, ანდა იცის და მაინც იმას ამბობს, რაც უსაფუძვლოა.
ჩვენ ვიცნობთ საკუთარ ხალხს, ჩვენ გვიცნობს ჩვენი ხალხი, ჩვენმა ხალხმა იცის, თუ რა ბუნების ხელისუფლება ჰყავს დღეს ქვეყნის სათავეში, ხელისუფლებები მიდიან და მოდიან ამ ქვეყანაში, ქართველი ხალხი რჩება და ქართველი ხალხი რომ იყოს იქ, სადაც არის და ჰქონდეს დამოუკიდებელი სახელმწიფო, ჩვენ ხანდახან ამისთვის გვჭირდება არცთუ ისე პოპულარული და რთულად მისაღები კანონები. დასანანია, რომ ამ შემთხვევაში ასეთი კანონი არ მიგვაღებინეს, მაინც უნდა შევეცადოთ, რომ ვიბრძოლოთ, რათა დავრჩეთ სუვერენული, დამოუკიდებელი და რაც მთავარია, თავაწეული, წელგამართული, ღირსეულად შევიდეთ იმ ევროკავშირში, სადაც არის ჩვენი ბუნებრივი ადგილი და არა ცალ ფეხზე, როგორც ამისკენ მოგვიწოდა ზოგიერთმა უღირსმა ადამიანმა. ეს არის ჩემი პასუხი“, – განაცხადა თეა წულუკიანმა. [საზოგადოებრივი მაუწყებელი]
დღეს, 14 მარტს ევროპარლამენტში მიხეილ სააკაშვილთან დაკავშირებით დებატები გაიმართება. “პოლიტპატიმრები, რომელთა სიკვდილის ბრძანება გასცეს: კარა-მურზა, გორინოვი და სააკაშვილი” – ასე ჰქვია დებატებს, რომლის მოდერატორები ევროპარლამენტარი ანა ფოტიგა და პეტრას აუსტრევიჩუსი არიან.
მსგავსი სტატიები:
“მათ სამშობლოს სიყვარული დაავიწყდათ” – პაპუაშვილი “ნაციონალებზე”
“არის თუ არა ეს პირადად ჩემი და ჩემი მედიის ღია პოლიტიკური დევნა” – ნიკა გვარამია ღარიბაშვილის განცხადებაზე
“ბედნიერი ვარ, სანდროსთან ტყუილების თქმა არ დამჭირდება იმიტომ, რომ ხან რას ვეუბნებოდი ხან რას და დღეს ჩაეხუტებიან ერთმანეთს”
პენიტენციურ დაწესებულებებში, სავარაუდოდ, არ არის სახანძრო-უსაფრთხოების წესები-ლომჯარია
აფხაზეთში,1992 წლის 14 დეკემბერს,სოფელ ლათასთან დატრიალებულ ტრაგედიას…87 ადამიანი ემსხვერპლა,მათ შორის…35 ბავშვი და 8 ფეხმძიმე ქალი იყო
“მესამე პრეზიდენტის ჯანმრთელობის მდგომარეობა საგანგაშოა” – ირინა სარიშვილი
ოზურგეთის მერიაში თანამშრომელთა მასიური დათხოვნა იგეგმება
რუსეთის კომუნისტური პარტია სახელმწიფო დროშად საბჭოთა კავშირის დროშის გამოცხადებას ითხოვს