ოზურგეთში უახლოეს მომავალში შსს საპატრულო სამსახურისათვის ახალი ოფისი აშენდება და მასთან ერთად შენობაში მანდატურის სამსახური და გურიის გარემოს დაცვის დეპარტამენტი განთავსდება.
ამ მიზნით ოზურგეთის მუნიციპალურმა საკრებულომ მიწის ნაკვეთი ქალაქ ოზურგეთში, წერეთლის ქუჩაზე უკვე გამოყო.
ამის შესახებ გადაწყვეტილება საკრებულოში დღეს მიიღეს.
საკრებულოს გადაწყვეტილებით, აღნიშნული ნახევარი ჰექტარი მიწა (5,500 კვ.მ -დანიშნულება არასასოფლო სამეურნეო), მუნიციპალური საკუთრებიდან სახელმწიფო საკუთრებაში გადასცეს.
“ოზურგეთის მუნიციპალურ საკუთრებაში არსებული, ქალაქ ოზურგეთში, წერეთლის ქუცაზე მდებარე უძრავი ქონება, 5,500 კვ.მ -დანიშნულება არასასოფლო სამეურნეო მიწის ნაკვეთი, გადაეხეს უსასყიდლოდ, საკუთრებაში, სახელმწიფოს შემდგომში შინაგან საქმეტა სამინისტროსათვის გადასაცემად.”
ნათქვამია დღეს მიღებულ ოზურგეთის საკრებულოს გადაწყვეტილებაში.
დაზუსტებისათვის-აღნიშნული ტერიტორია მდებარეობს სასწრაფო სამედიცინო სამსახურის ახალი ოფისის გვერდით, ჩასასვლელში.
სავარაუდოდ მშენებლობა მომავალი წლიდან დაიწყება და 2025 წლისათვის დასრულდება.
დღეისათვის საპატრულო პოლიცია ოზურგეთის იუსტიციის სახლის მარცხენა ფლიგელშია განთავსებული.
თუ რა საჭიროებებმა განაპირობა მისთვის ახალი ოფისის მშენებლობა უცნობია.
ადგილი, რომელიც გამოიყო საპატრულო პოლიციის ახალი ოფისის მშენებლობისათვის იდეალურია პარკის ანაც სპორტული ინფრასტრუქტურისათვის.
მსგავსი სტატიები:
ხუთი შვილის მამის დაღუპვის მიზეზი საპატრულო ეკიპაჟის დევნა გახდა -გია მეგრელიშვილის დაღუპვის ახალი დეტალები
როგორ ემზადება გურიის რეგიონი 2021 წლის შესახვედრად და რაში დაიხარჯება საახალწლოდ გამოყოფილი შეზღუდული ბიუჯეტი
საქართველოს რკინიგზამ მუშაობა აღადგინა – განრიგი
დეპუტატი ჩიგოგიძე კოტე შარაშენიძესთან ერთად შეხვედრებზე დადის-“მადლიერების გრძნობით ამავსეთ”
სასიამოვნო მოულოდნელობა ოზურგეთის სინამდვილეში
დამამცირებელი მოპყრობა – გურიის პოლიციის დეპარტამენტის ოცმეთაური მძინარე ჯარისკაცს ფეხს ურტყამს და დასცინის
ოზურგეთში მომხდარ უბედურ შემთხვევას 40 წლამდე მამაკაცი ემსხვერპლა
მდინარე სუფსის სანაპიროს გამაგრებითი სამუშაოები კერძო მცხოვრებთა მიწებზე მიმდინარეობს