”მე აბსოლუტურ მხარდაჭერას ვუცხადებ ჩვენს პრემიერმინისტრს, რომელმაც ევროპის ტრიბუნიდან უშიშრად თქვა, რომ საქართველოში კაცი არის კაცი და ქალი არის ქალი. კაცს ჰქვია მამა და ქალს ჰქვია დედა და შვილს ჰქვია შვილი. და საქართველოში ყველა ადამიანი გაიზრდება ამ სულისკვეთებით და ვინც ამ სულისკვეთებით არ გაიზრდება, მან არ უნდა თქვას, რომ “ვარ ქრისტიანი” და არ უნდა თქვას, რომ “ვარ ქართველი”. ეს უნდა იცოდეს ყველამ და ამის თქმის არ უნდა გვეშინოდეს არც სამღვდელოებას, არც ერს არც მრევლს, არც ხელისუფლებას, არავის უნდა ეშინოდეს…
თვალი გაახილეთ ყველამ და დაინახეთ რა ხდება მსოფლიოში, სად მივდივართ და რას გვიპირებენ. ჩვენ არაფრის წინააღმდეგი არ ვართ – არც ევროკავშირის, არც NATO-სი, თუ სახელმწიფოს სჭირდება და ეს არის სახელმწიფოს ატრიბუტი, დაე, იყოს ასე, მაგრამ ჩვენ არასდროს არ შევურიგდებით ისეთ გამოფენებს, ისეთ მოწოდებებს, ისეთ ცხოვრების წესს, რომელიც ქრისტეს წარმოაჩენს, როგორც სექსუალურ პიროვნებას, როგორც გეი პიროვნებას. ან ვინც შეურაცხყოფს დედა ღვთისმშობელს, ან თამარ მეფეს, ან რომელიმე წმინდანს, ან შეურაცხყოფს ჩვენს წესებს, ტრადიციებს. გინდათ? ასეთი მიგვიღეთ. არ გინდათ? კარგად იყავით.
თუ თქვენ გაქვთ, თქვენი წესები და ტრადიციები, რაშიც ეჭვი მეპარება, ჩვენ უფრო მეტი გვაქვს. არავინ არ უნდა უთხრას ქართველებს, არავინ არ უნდა დაემუქროს ჩვენ ქვეყანას, რომ თქვენ ისეთი წესებით მიგიღებთ, როგორიც ჩვენ გვინდა. აბა, შეეცადეთ საქართველოში წესების და ტრადიციების განადგურებას. და ვინც შეეცადა, დღეს ისტორიაშიც კი არ იხსენიება. ამიტომ, ცოტა ფრთხილად იყავით, როდესაც ამ ქვეყანას ისე ექცევით და ისე ესაუბრებით, როგორც თქვენ გინდათ და არა ისე, როგორც ის იმსახურებს. არც მე მეშინია, არც მრევლს და არც ეკლესიას ამ სიტყვების, რასაც ვამბობ. ეს არის სრული ჭეშმარიტება და ჩვენ ამას დავიცავთ.”
საქართველოს პრემიერმა ირაკლი ღარიბაშვილმა უნგრეთში კონსერვატიულ-პოლიტიკურ სამოქმედო კონფერენციაზე სიტყვით გამოსვლისას, ისაუბრა “ტრადიციულ ღირებულებებზე”, “ოჯახის სიწმინდეზე”. მისი გამოსვლა შეიცავდა ჰომოფობიურ და პროპაგანდისტულ გზავნილებს.
მსგავსი სტატიები:
“სინათლეში იბადებიან გმირები”
უბედური შემთხვევა ლანჩხუთში–60 წლამდე ქალს მატარებელი დაეჯახა
ცხრა აპრილის ქვეყანა
“წყალი მარგებელი” კომპანიაში მიმდინარე მოვლენებზე ოფიციალურ განცხადებას ავრცელებს
“ეს ის ქვეყანაა სადაც ფეხბურთელები, რომ ბურთს კენწლავენ გვიკვირს, ხოლო პოლიტიკოსები რომ ფულს იპარავენ არ გვიკვირს”- თაკო ჩარკვიანი
“ვოლსკი ხმის ამოღებას გაბედავდა სააკაშვილის თანდასწრებით? შეიძლება გული წასვლოდა შიშით”
გადადგეს ეს მთავრობა! – გიორგი მარგველაშვილი
“ჩვენ გვშია დღეს… ვითხოვთ ღირსეულ ხელფასს” – სასწრაფო დახმარების თანამშრომლების აქცია