„სამართლიან და სასიკეთო“ – თეა წულუკიანი პუტინის გადწყვეტილებაზე

“ეს იქნა აღქმული გადაწყვეტილებად, რომელიც ქართველ ხალხს ეკუთვნოდა და არავითარი საფუძველი, რომ ჩვენი მოქალაქეები ყოფილიყვნენ დასჯილები და ვალდებულები, რომ მრავალდღიანი, მრავალკვირიანი პროცედურები გაევლოთ ხოლმე, რათა საკუთარი ოჯახის წევრი ენახათ, საკუთარი შვილიშვილის დაბადება აღენიშნათ ან ტრაგიკულ შემთხვევებში სამგლოვიარო ცერემონიას დასწრებოდნენ, ეს აღარ იქნება საჭირო. შესაბამისად, ჩვენი მოქალაქეების დიდი რაოდენობიდან გამომდინარე, რომლებიც რუსეთის ფედერაციაში კვლავ ცხოვრობენ, ეს შეიძლება მხოლოდ და მხოლოდ ჩვენი მოქალაქეებისთვის სამართლიან და სასიკეთო გადაწყვეტილებად შეფასდეს.

მთავარი არის ასევე ის, რომ ამ გადაწყვეტილების აღსრულების პროცესში ჩვენ დავიცვათ სანქციები, რომლებიც მოქმედებს და მივესალმებით იმ ერთადერთ, სწორ გადაწყვეტილებას, რომელიც სამოქალაქო ავიაციის სააგენტომ მიიღო, სხვაგვარად ვერც იქნებოდა, და ამ გადაწყვეტილების თანახმად, თითოეული ბორტი, თითოეული ხომალდი, ასე ვთქვათ, და თითოეული ავიაკომპანია გაივლის მკაცრ კონტროლს, მხოლოდ მათ შეეძლებათ ჩვენს საჰაერო სივრცეში მოძრაობა, ვინც არ არის სანქციას დაქვემდებარებული.

ეს გადაწყვეტილება არის სწორი გადაწყვეტილება და რაც მთავარია, იქნება განუხრელად დაცული. შესაბამისად, ჩვენ მივიღებთ ვითარებას, როდესაც, ერთი მხრივ, ჩვენი მოქალაქეები ისარგებლებენ უვიზო მიმოსვლის რეჟიმით და, მეორე მხრივ, ჩვენ დავიცავთ ყველა იმ სანქციას, რომელიც დასავლურ სამყაროს აქვს დაწესებული, როგორც ამას ვაკეთებდით აქამდე”. – განაცხადა  “საზოგადოებრივი მაუწყებლის” ცნობით, თეა წულუკიანმა რუსეთთან პირდაპირი ფრენების აღდგენაზე.

გააზიარეთ და მოიწონეთ სტატია:

მსგავსი სტატიები:

გურიაში 5 ვეტ-აფთიაქი დააჯარიმეს “არასდროს სცადო ჭკვიანი ქალის დაჭერა, რადგან აუცილებლად ეცოდინება როგორ გაიქცეს” ექსკლუზივი-ვინ იქნებიან ენმ-ის სიის პირველ ხუთეულში ლანჩხუთში “მიიღო ფაფები და ნატურალური წვენები და ღებულობს ახლაც” | იუსტიციის მინისტრი მიხეილ სააკაშვილზე “თქვენ ისეთი სასამართლო ხართ, როგროც მე ვარ ასტრონავტი”-მიხეილ სააკაშვილი “დაუცველის მიზანში ამოღებაზე ამაზრზენი ცოტა რამაა… პუტინს პასუხს ვაგებინებთ” – ჯონსონი „რა ზრდილობა და კულტურა? რა მამაკაცის ქალთან დამოკიდებულების ქართული ლეგენდა?… დიდი პრობლემა გვაქვს კარგა ხანია“ გურული გვარები – ჯაში, ტუღუში, ღლონტი, ჟღენტი და ჯიბუტი