აბასთუმნის ობსერვატორიის დირექტორმა მეცნიერებს ოჯახების მიღება აუკრძალა

აბასთუმნის ობსერვატორიის დირექტორმა თანამშრომლებს, რომლებიც სამეცნიერო დაწესებულების ტერიტორიაზე ცხოვრობენ, ოჯახის წევრების მიღება აუკრძალა. აკრძალვა ზოგადად უცხო პირთა ტერიტორიაზე შესვლას ეხება, თუმცა რეგულაციებში მეცნიერების ოჯახის წევრებიც მოყვნენ.

როგორც ყვებიან, ობსერვატორიის დირექტორი გამონაკლისს მხოლოდ საკუთარი სურვილის მიხედვით უშვებს.

40-50 წელია რაც აბასთუმნის ობსერვატორია მათი ერთადერთი სამუშაო და საცხოვრებელი მისამართია – მეცნიერები ობსერვატორიის ტერიტორიაზე მდებარე სახელმწიფოს საცხოვრებელში ცხოვრობენ, რომლის მშენებლებიც და პირველი ბინადრებიც, ოჯახებთან ერთად, თავადვე იყვნენ.

ედუარდ ჯანიაშვილი 43 წელია ობსერვატორიის ასტრონომია და ამბობს, რომ ოჯახის წევრებთან ერთად ცხოვრება აქამდე მათთვის არავის შეუზღუდავს.

დირექტორის ბრძანების მიხედვით, აკრძალვების მიზეზი ტერიტორიაზე მიმდინარე ერთ-ერთი ობიექტის რეაბილიტაცია და უსაფრთხოების ზომებია. რემონტშია ერთ-ერთი ტელესკოპის შენობა, თუმცა ამ მიზეზის თანამშრომლებს და მათ ოჯახის წევრებს არ სჯერათ. ისინი განათლების სამინისტროსგან ახსნა-განმარტებას და რეაგირებას მოითხოვენ.

მეცნიერები ამბობენ, რომ ამ უსამართლო ბრძანების გარდა, სხვა დარღვევებზეც ბევრი აქვთ მოსაყოლი.

რა არის წესების გამკაცრების რეალური მიზეზი – თანამშრომლები დანამდვილებით ჯერ ვერაფერს ამბობენ, მაგრამ დაინტერესებული ჯგუფის ან პირის ბიზნეს ინტერესს არ გამორიცხავენ.

ბრალდებების მთავარი ადრესატი, აბასთუმნის ობსერვატორიის დირექტორი რევაზ ჭანიშვილი ყველა ვერსიას და ეჭვს უარყოფს და მისი ბრძანების ერთადერთ მიზეზად უსაფრთხოებას ასახელებს. თუმცა არც იმას მალავს, რომ პენსიაში გასული ან გარდაცვლილი თანამშრომლების შთამომავლების იქ სტუმრობა არ მოსწონს. დირექტორის განცხადებით, მის მიერ დაწესებული შეზღუდვები დროებითია. თუმცა მედიით მოსმენილი განცხადებების მის ყოფილ და მოქმედ თანამშრომლებს და მათ ოჯახის წევრებს არ სჯერათ; ამიტომ ისინი სასამართლოში ჩივილს აპირებენ.

ფორმულა

გააზიარეთ და მოიწონეთ სტატია:

მსგავსი სტატიები:

“თუ რაიმე შენიშვნა მაქვს ხელისუფლების მიმართ, ხალხის ყოფიდან გამომდინარეა” ანა ჯაბაური ცოტნე გამსახურდიას ჯანმრთელობის მდგომარეობის შესახებ ბოლო ცნობებს ავრცელებს “ამდენი ახსნა არ უნდა იმას, რომ საჭიროა აცრის გაკეთება…მარტო საკუთარ თავზე ხომ არ უნდა იფიქრო?”-ნანი ბრეგვაძე “პირობას ვდებ, რომ პოლიტიკური პოლიცია – კგბ, სუკი, კუდი, სუსი გაუქმდება” ”ხვალ დაელოდეთ კიდევ უფრო მაგარ ინფორმაციას..ავანსად გეტყვი პრემიერო,მაგრად გ….ვა” დავით რატიანი და გია ბერიაშვილი – გმირების უკანასკნელი გზა სამშობლომდე სოსო გოგაშვილის მორიგი წერილი ბიძინა ივანიშვილზე – “არამოდელირებული კრიმინალური ქრონიკა” “ოცნების” მორიგი “გაუგებრობა” ოზურგეთელებისათვის – “კუბოქოთანა”