დროა, ყველამ გაიგოს, რომ ეს ქვეყანა ჩვენ გვეკუთვნის – მიხეილ ყაველაშვილი

„მიუხედავად იმისა, რომ ქალბატონმა დეგნანმა ერთიანობისკენ მოგვიწოდა, ფაქტია, რომ აშშ-ის საელჩო იმ ორგანიზაციებს, მათ შორის მდიდარ არასამთავრობო ორგანიზაციებს აფინანსებს, რომლებიც მარტის აქციებში იღებდნენ მონაწილეობას.“, – ამის შესახებ „ხალხის ძალის“ ერთ-ერთმა ლიდერმა მიხეილ ყაველაშვილმა გადაცემა „პოლიტიკურ პოსტში“ განაცხადა.

მისი თქმით, პატივისცემა უნდა გამოვხატოთ უცხოელების მიმართ, მაგრამ საკუთარი ქვეყნის ინტერესებიდან გამომდინარე ვიმოქმედოთ.

„ამ ქალბატონთან, კელი დეგნანთან, „ხალხის ძალის“ დამოკიდებულება საზოგადოებისთვის ცნობილია. გუშინდელი მისი განცხადება იმ ადამიანის იყო, რომელიც ქვეყანას ტოვებს და თითქოს შემრიგებლური პოზიცია დაიკავა. ისე დაასრულა განცხადება, რომ ცნობილი გამოთქმა რომ გამოვიყენოთ, უნდა ვუპასუხოთ – „კაი, ჩემო დაო“, გავითვალისწინებთ თქვენს ამ „ძალა ერთობაშიას“ და მოწოდებას დეპოლარიზაციაზე.

დრო არის, რომ ჩვენი ძალისხმევით, მთავრობის პრინციპული პოზიციის დაკავებით და ქვეყნის ინტერესების პირველ ადგილზე დაყენებით, ყველას მიმართ იყოს მოწოდება დეპოლარიზაციის შესახებ. მიუხედავად იმისა, რომ არასდროს შეგვშლია პარტნიორებთან ურთიერთობა, არც მათი პატივისცემა და არც ქვეყნის წინაშე მათი დამსახურება გამოგვრჩენია, უნდა ითქვას, რომ პარტნიორებისგან წნეხი მართლა არსებობს და ამაზე სხვა ქვეყნებიც ალაპარაკდნენ.

მიუხედავად იმისა, რომ ქალბატონმა დეგნანმა ერთიანობისკენ მოგვიწოდა, ფაქტია, რომ აშშ-ის საელჩო იმ ორგანიზაციებს, მათ შორის მდიდარ არასამთავრობო ორგანიზაციებს აფინანსებს, რომლებიც მარტის აქციებში იღებდნენ მონაწილეობას.

დროა, ყველამ გაიგოს, რომ ეს ქვეყანა ჩვენ გვეკუთვნის. რაც არ უნდა მოინდომონ, რაც არ უნდა მოიარონ საქართველოს სიწმინდეები, ეკლესიები თუ რეგიონები, ხომ წარმოუდგენელია, რომ ვინმეს ჩვენზე მეტად უნდოდეს ამ ქვეყნის კეთილდღეობა? პატივისცემა გამოვხატოთ უცხოელების მიმართ, მაგრამ ჩვენი ქვეყნის ინტერესებიდან გამომდინარე ვიმოქმედოთ. ეს უნდა იყოს უმთავრესი და აქედან გამომდინარე არანაირი კითხვის დასმა არ უნდა მოგვერიდოს, ვინც არ უნდა იყოს“, – განაცხადა მიხეილ ყაველაშვილმა.

გააზიარეთ და მოიწონეთ სტატია:

მსგავსი სტატიები:

ცნობილი ოზურგეთელი ტენორი ალექსანდრე ხომერიკი გარდაიცვალა მათთან ვაჭრობას არ ვაპირებთ უნდათ- უნდათ არ უნდათ, კარგად იყვნენ – კობახიძე ოპოზიციაზე “კომპრომისის დროა” – დანიელსონი საქართველოში 3 დღით დარჩება რა უთხრა ევროკავშირის ელჩმა ოზურგეთელ სამოქალაქო აქტივისტს? პროდუქტი ხმების სანაცვლოდ- “ოცნებამ” ხახვს და კარტოფილს მაკარონი, ზეთი და კვერცხი დაამატა “მდგომარეობა საკმაოდ სახიფათოა” – მიხეილ სააკაშვილი პირადმა ექიმმა მოინახულა ოზურგეთის საკრებულომ მაღალჩინოსანთა ხელფასების მატებას მხარი დაუჭირა “მოწინააღმდეგე დგება თავდაცვაში” – არესტოვიჩის თქმით, რუსეთის სამხედრო ძალების მთავარი სამიზნე დონბასი, მარიუპოლი და ნიკოლაევია