ზემო სურების მოსახლეობამ შეხვედრაზე კომპანიას სს “სუფსა ენერჯის”  კიდევ ერთხელ უთხრა უარი  49 წლით ტყის გაყიდვასა და ჰესის მშენებლობაზე.

შეხვედრა, რომელიც რამდენიმე დღის წინ ზემო სურების ცენტრში გაიმართა, ჰესების მშენებლობის მსურველი კომპანიის მფლობელმა, ლაშა იორდანაშვილმა ისე დატოვა, მის დასრულებასაც არ დაელოდა.

როგორც ადგილობრივებმა გვითხრეს, ბიზნესმენს რამდენიმე ისეთი ადამიანი ახლდა შეხვედრაზე, რომლებსაც არც სურებთან და არც მის კომპანიასთან არაფერი არ აკავშირებდათ.

იორდანაშვილი სურების მიდამოებში, მდინარე სუფსაზე – რამდენიმე წელია ჰესების კასკადის მშენებლობას ამაოდ ცდილობს, რადგან მისი ყოველი ამოსვლა, გურიის მთიანეთში, მოსახლეობის დიდ წინააღმდეგობას აწყდება.

გარდა ზემოთ დასახელებული კომპანიისა, ბიზნესმენი ლაშა იორდანაშვილი (რომელიც სხვათაშორის მმართველი პარტიის – “ქართული ოცნების” შემომწირველია), კიდევ ათეულობით ბიზნესს ფლობს, მათ შორის:

სურები 2 ჰიდროელექტროსადგური – ოფიციალური ინფორმაცია

„სურები 2 ჰესის“ პროექტი ხელს შეუწყობს ქვეყნის ენერგოდამოუკიდებლობისა და ენერგოუსაფრთხოების დონის გაუმჯობესებას. პროექტის მიხედვით, ელექტროსადგურის დადგმული სიმძლავრეა 8.6 მგვტ., რაც გულისხმობს წელიწადში დაახლოებით 47.1
მლნ.კვტ.სთ ელ.ენერგიის დამატებით წარმოებას. 2020 წლის მონაცემებზე დაყრდნობით (იმპორტი 1.6 მლრდ. კვტ. სთ), აღნიშნული პროექტის მიერ გენერირებული ელ.ენერგია ეკვივალენტური იქნება ქვეყნის საშუალო წლიური იმპორტის ~ 3.2 %-ის.

ზოგადად, ქვეყანაში არსებული განახლებადი ენერგეტიკული წყაროების ათვისება, რომლის პოტენციალიც საქართველოში საკმაოდ დიდია, კრიტიკულად მნიშვნელოვანია მდგრადი ეკონომიკური განვითარებისთვის და, შესაბამისად, მოსახლეობის კეთილდღეობისთვის.

პროექტის განხორციელება ხელს შეუწყობს ქვეყანაში პირდაპირი უცხოური ინვესტიციების სწრაფ მოზიდვას, ახალი სამუშაო ადგილების შექმნას და დამატებითი სახსრების მობილიზებას სახელმწიფო ბიუჯეტში. აღნიშნული პროექტის მეშვეობით დაგეგმილია დაახლოებით 12 მლნ აშშ დოლარის ინვესტიციის განხორციელება განახლებადი ენერგიის სექტორში. კომპანიის ინფორმაციით, პროექტის მშენებლობის ეტაპზე და ოპერირების პერიოდში მოხდება სამუშაოებში ადგილობრივი მოსახლეობის ჩართვა. ამის გარდა, გასათვალისწინებელია არაპირდაპირი პოზიტიური გავლენა, ეკონომიკური ზრდის ხელშეწყობისა და გარემოზე დადებითი გავლენის სახით. პროექტის ოპერირების პერიოდში, ქონების გადასახადის სახით, ადგილობრივ ბიუჯეტში ყოველწლიურად შევა დაახლოებით 0.12 მილიონი დოლარი.

საქართველოში არსებული ჰიდრორესურსების ჯანსაღი და სწორი ათვისება მნიშვნელოვანია როგორც ქვეყნის ეკონომიკური განვითარებისთვის (ენერგეტიკული სექტორი, რომელიც მადნეულზეა დამოკიდებული და ეს უკანასკნელი ქვეყანაში არ არსებობს, მნიშვნელოვანი ზეწოლაა ეკონომიკის განვითარებისათვის), ისე საზოგადოების კეთილდღეობისთვის.

პროექტი ხელს შეუწყობს გაეროს მდგრადი განვითარების რამდენიმე მიზნის მიღწევას, მათ შორის: სიღარიბის დაძლევა, სუფთა ენერგია, ღირსეული სამუშაო ადგილები და ეკონომიკური ზრდა, მრეწველობა, ინოვაცია და ინფრასტრუქტურა, პასუხისმგებლიანი (გონივრული) მოხმარება და წარმოება, კლიმატის ცვლილების შედეგების დაძლევა, პარტნიორობა მიზნების მისაღწევად.

გააზიარეთ და მოიწონეთ სტატია:

მსგავსი სტატიები:

“2 თებერვლის ღამე განსაკუთრებული ღამეა გურიაში” ვინ არის მამაკაცი რომელიც წუხელ ლანჩხუთში ავტოსაგზაო შემთხვევას ემსხვერპლა ოზურგეთის #2 საბავშვო ბაღის მენეჯერსა და მის თანაშემწეს კორონავირუსი დაუდგინდათ მე სამშობლოსთვის უეჭველ სიკვდილზე გეპატიჟებით-ვალოდია გოგუაძის გმირობა 4 გარდაცვალება 15 დღეში და გამშვები პუნქტები სოფლებში- რა ვითარებაა ლანჩხუთში “ზურიკო, გიგზავნი ერთ ვედრო ბალს”, წელს დაიგვიანა, ძალიან ველოდებოდი.. აღარ მოვიდა-რას იხსენებს ზურა შევარდნაძე “გურულები დანარჩენ ქვეყანას არაერთი წლით უსწრებდნენ…” ოზურგეთის მუნიციპალიტეტის ადმინისტრაციული შენობაზე ნაც.მოძრაობის დეპუტატებმა უკრაინის სახელმწიფო დროშა გადმოფინეს