საარჩევნო პერიოდში “ოცნების” პროპაგანდისტული მრჩევლები ისევ მოშე კლუგჰაფტი და მირი მიქაელი იქნებიან – პარტიამ კონტრაქტი გააფორმა

საარჩევნო პერიოდში “ქართული ოცნების” პროპაგანდისტული მრჩევლები ისევ მოშე კლუგჰაფტი და მირი მიქაელი იქნებიან – პარტიამ კონტრაქტი უკვე გააფორმა და ინფორმაციაც თავად გაავრცელა.

“ოცნების” განცხადება სრულად:

“კლუგაფტი და მიქაელი ACT NEWS-ის დამფუძნებლები არიან. მოშე კლუგჰაფტი არის საერთაშორისო სტრატეგიული მრჩეველი და კამპანიის მენეჯერი პოლიტიკური ლიდერებისა და პოლიტიკური პარტიებისთვის მთელს მსოფლიოში. ის მუშაობდა პრემიერ-მინისტრ ნეთანიაჰუსთან და პრემიერ-მინისტრ ბენეტთან ისრაელში, ასევე ავსტრიის კანცლერთან, საბერძნეთის პრემიერ-მინისტრთან, სლოვაკეთის პრემიერ-მინისტრთან და სხვებთან. კლუგჰაფტი მართავდა სალომე ზურაბიშვილის მეორე ტურის წინასაარჩევნო კამპანიას 2018 წელს, რომელშიც სალომე ზურაბიშვილმა მოიგო საპრეზიდენტო არჩევნები და ასევე მართავდა PSD-ის (სოციალ-დემოკრატიული პარტია) წარმატებულ კამპანიას რუმინეთში 2016 წლის არჩევნებისთვის. ის „ფორბსმა“ აირჩია ისრაელის ერთ-ერთ ყველაზე გავლენიან ადამიანად 40 წლამდე, ხოლო „იერუსალიმ პოსტმა“ აირჩია 2020 წლის მსოფლიოს 50 ყველაზე გავლენიან ებრაელს შორის.

მირი მიქაელი ბოლო 17 წლის განმავლობაში მუშაობდა როგორც ისრაელის ჟურნალისტი ისრაელის წამყვან ტელეარხებზე. ბოლო წლებში მიქაელს მიყავდა უამრავ გადაცემა მიმდინარე მოვლენების შესახებ, სპეციალური საინფორმაციო გადაცემები და აშუქებდა არჩევნებს მე-13 და მე-12 არხებზე. მან ასევე გამოაქვეყნა საგამოძიებო სტატიები და მხატვრული სიუჟეტები მთავარ საინფორმაციო გამოცემებში. მიქაელი ასევე იყო ევროპული კორესპონდენტი ტერორისტული თავდასხმებისა და ISIS-ის აღზევების პერიოდში და ამ პერიოდის განმავლობაში მან ინტერვიუ ჩამოართვა მსოფლიოს ბევრ ლიდერს, მათ შორის ბორის ჯონსონს და ანგელა მერკელს”, –  წერია “ოცნების” განცხადებაში.

“ქართული ოცნება” მოშე კლუგჰაფტის კომენტარსაც ავრცელებს: “მოხარული ვარ, რომ დავბრუნდი საქართველოში და ვხედავ მის მნიშვნელოვან განვითარებას როგორც ეკონომიკაში, ასევე ევროკავშირისადმი მიდგომაში და განსაკუთრებით მის უნარში, შეინარჩუნოს მშვიდობა იმ დღეებში, როდესაც მსოფლიო ომის პირობებშია. მაგრამ საკმარისი არ არის, რომ უბრალოდ ბევრი აკეთო – ასევე აუცილებელია იმის უზრუნველყოფა, რომ საზოგადოებამ იცოდეს ამის შესახებ და ჩვენ ამაში დავეხმარებით მომავალ წელს”.

გააზიარეთ და მოიწონეთ სტატია:

მსგავსი სტატიები:

ევროპარლამენტი-საქართველომ ევროპის გაწვდენილი ხელი არ მიიღო “Жизнь ворам” – ამ წარწერით დახვდნენ 51-ე საჯარო სკოლაში მოსწავლეები მანდატურის სამსახურის ხელმძღვანელს სააკაშვილის ძმა: პირველი ღამე იქნება, როდესაც დავიძინებ – მიშა შიმშილობას წყვეტს ღია წერილი: სამხატვრო ხელმძღვანელების შესარჩევი პროცესი სფეროსთვის მავნებლურ შედეგს იწვევს დაღუპული გმირების ოჯახებს თავდაცვამ არ უპასუხა – დავით რატიანსა და გია ბერიაშვილს კერძო სასაფლაოზე დაკრძალავენ ეს არის გაუმართლებელი კონფლიქტი, რომლის შეჩერებაც მხოლოდ თქვენ შეგიძლიათ – პელე პუტინს სამი ყველაზე წარუმატებელი ბრძოლა საქართველოს ისტორიაში „მახინჯარა“ – გურულების “ორთაბრძოლა ღირსებისათვის”