“ნაძირლების ძალიან ნაძირლური დარტყმა” – ზელენსკი ოდესაზე მიტანილ იერიშზე

“ნაძირლების ძალიან ნაძირლური დარტყმა”, – ასე ეხმაურება უკრაინის პრეზიდენტი რუსეთის საოკუპაციო ძალების მიერ ოდესაზე მიტანილ იერიშს.

ზელენსკიმ ვიდეომიმართვაში დაღუპულ ადამიანებს ხსოვნა მიაგო და განმარტა, რომ უკანასკნელი ცნობებით, ოკუპანტების თავდასხმამ 20 მშვიდობიანი მოქალაქის სიცოცხლე იმსხვერპლა.

”ახლა ოდესაში ჯერ კიდევ გრძელდება სამაშველო სამუშაოები და დახმარების უზრუნველყოფა რუსული სარაკეტო დარტყმის შემდეგ. ამ ნაძირლების ძალიან ნაძირლური დარტყმის შემდეგ: ორი რაკეტიდან მეორე მაშინ მოხვდა, როდესაც ადგილზე მაშველები და ექიმები მივიდნენ. დაღუპულთა და დაშავებულთა შორის არიან სასწრაფო დახმარების მედიკოსები, საგანგებო სიტუაციების სამსახურის მაშველები. ვუსამძიმრებ ყველა ნათესავსა და ახლობელს.

ათობით დაჭრილია. ნანგრევების ქვეშ გრძელდება ადამიანების ძებნა. ჩართულია ყველა აუცილებელი სამსახური. საოლქო ხელმძღვანელობას ყველა დაშავებულის ბოლომდე დახმარება დავავალე. ჩვენი თავდაცვის ძალები აუცილებლად გააკეთებენ ყველაფერს, რათა რუსმა მკვლელებმა ჩვენი სამართლიანი რეაქცია იგრძნონ,” – განაცხადა ზელენსკიმ.

გააზიარეთ და მოიწონეთ სტატია:

მსგავსი სტატიები:

ექსკლუზივი: ოზურგეთში სკოლის დირექტორმა რომელიც “ოცნების” შტაბის ხელმძღვანელიცაა, მოსწავლე სცემა 6 თებერვლის შემდგომ გაერთიანებულ სამეფოში კორონავირუსის რეკორდული დღიური მაჩვენებელი გამოვლინდა ნატანების გამგებელი არჩილ თალაკვაძეს: “მოგიძველდათ მეთოდები-ტყუილს მოკლე ფეხები აქვს” ვიდეო: “ოლიგარქი კლავს” – აქცია პერფორმანსი შეკვეთილში ბაკურიანის და საბადურის ტყეები – პომპეზური საჩუქარი “ოცნების” მაღალჩინოსნების ცოლებს შვეიცარიამ რუსი ოლიგარქს ძვირადღირებული ქონება ჩამოართვა ასოციაცია ჩაის გზა იმერეთს ესტუმრა “მოდით, დაგვამხეთ!”… მოვიდნენ – გიორგი თარგამაძის ედიტორიალი