“თბილისში ძალიან დაძაბული კლიმატია….ყველას მოვუწოდებ ტემპერატურის დაწევისკენ”-ევროკომისიის გენერალური დირექტორი

თბილისში ძალიან დაძაბული კლიმატია. ადგილი აქვს ესკალაციას და პოლარიზაციას. ყველას მოვუწოდებ ტემპერატურის დაწევისკენ. ძალიან არაჯანსაღი სიტუაციაა, – ამის შესახებ ევროკომისიის გენერალურმა დირექტორმა, ხერტ იან კოოპმანმა თბილისში, ჟურნალისტებთან საუბარში განაცხადა, როდესაც მან „უცხოური გამჭვირვალობის შესახებ“ კანონპროექტთან დაკავშირებით დასმულ შეკითხვას უპასუხა.

მისი თქმით, კანონპროექტი პრობლემებს ქმნის საქართველოს ევროინტეგრაციის გზაზე და საბოლოოდ დამტკიცებამდე, საჭიროა მის შინაარსზე მსჯელობა.

„გარკვევით განვაცხადე, რომ ეს კანონი ძალიან პრობლემატურია გაწევრიანების გზაზე. კანონპროექტი ჯერჯერობით მეორე მოსმენით მიიღეს და წინ კიდევ არის მესამე მოსმენა, ასევე შეიძლება მას მოჰყვეს პრეზიდენტის ვეტო. ვფიქრობ, დრო, რომელიც წინ გვაქვს, უნდა იქნას გამოყენებული კანონის შინაარსზე მსჯელობისთვის, ჩვენთვის იმ სახით, როგორც არის, კანონპროექტი მიუღებელია. შეუთავსებელია ევროკავშირის ღირებულებებთან. გამჭვირვალობა, როგორც ფასეულობა, კარგია, ჩვენ ევროპაში ვაფასებთ გამჭვირვალობას, იმედი მაქვს, ამ კანონის ამ სახით მიღება არ მოხდება და ჯერ კიდევ არის შესაძლებელი მისი შეცვლა”, – აღნიშნა ევროკომისიის გენერალურმა დირექტორმა.

გააზიარეთ და მოიწონეთ სტატია:

მსგავსი სტატიები:

ექიმი პოლიციელებს: სველი ადამიანების ნაწილი შეიძლება ინფიცირებულია, ნუ მოკლავთ ადამიანებს “მელია იდეალისტია და მან მუხლზე უნდა გადაიმტვრიოს “ქოცური” სამართალი” კომენდანტის საათი 23:00 საათამდე გადასწიეს “თქვენგან რამდენიმე კილომეტრში საქართველოს მესამე პრეზიდენტი შიმშილობს უკვე 35-ე დღეა…დროა იმოქმედოთ, როგორც ჭეშმარიტმა ქრისტიანებმა”-ნანუკა ჟორჟლიანი საპატრიარქოს მიმართავს საახალწლო თბილისი კერძო პირებისაგან – ფოტოები “ვცდილობ, ჩემი შვილი გადავარჩინო… ამ ადამიანებმა კარგად იციან, რაც ხდება” | გიული ალასანია კარლ ჰარცელის მოადგილეს შეხვდა ოზურგეთის ტექნოპარკში კონკურსი – ,,ბიობლიცი“ გაიმართა “იმპიჩმენტის პროცედურას იწყებს ის ძალა, რომელმაც პრეზიდენტად დასვა” – ვახო სანაია