NATO-ს გენერალურმა მდივანმა, იენს სტოლტენბერგმა რადიო თავისუფლების კორესპონდენტ, რიკარდ იოზვიაკთან საუბრისას განაცხადა, რომ გამჭვირვალობის კანონს “საქართველო არასწორი მიმართულებით მიჰყავს.”
მისი თქმით, მნიშვნელოვანია უზრუნველყოფილი იყოს ქართველი ხალხის მიზნები და მისწრაფებები, რაც ევროინტეგრაციასა და დემოკრატიულ საზოგადოებაში ცხოვრებას გულისხმობს.
“საქართველო ჩვენი პარტნიორია. ახლახან ვიმყოფებოდი საქართველოში. და მნიშვნელოვანია, რომ ვითანამშრომლოთ ისეთ პარტნიორ ქვეყნებთან, როგორიცაა საქართველო. ამავე დროს, ახალ კანონს “უცხოელი აგენტების შესახებ” საქართველოს არასწორი მიმართულებით მიჰყავს და შესაბამისად, ნატო-ს მოკავშირეებმა და ბევრმა სხვა ქვეყანამ გამოთქვეს შეშფოთება. და ჩვენ უნდა უზრუნველვყოთ ქართველი ხალხის მისწრაფება, იცხოვროს დემოკრატიულ საზოგადოებაში”, – თქვა მან.
სტოლტენბერგმა ასევე თქვა, რომ NATO-ს საგარეო საქმეთა მინისტრების არაფორმალურ შეხვედრაზე არ უსაუბრიათ იმაზე, მოჰყვება თუ არა კონკრეტული შედეგები რუსული კანონის მიღებას საქართველო-ჩრდილოატლანტიკური ალიანსის ურთიერთობაზე, თუმცა დასძინა, რომ პოლიტიკური დიალოგი ამ პარტნიორობის მნიშვნელოვანი ნაწილია.
კითხვაზე, დარჩება, თუ არა საქართველო ალიანსის ასპირანტ ქვეყნად, ალიანსის გენერალურმა მდივანმა განაცხადა:
“დიახ, საქართველომ წევრობისთვის მოგვმართა. ჩვენ მისთვის ჯერ არ მიგვიცია გაწევრიანების სამოქმედო გეგმა, მაგრამ ჩვენ საქართველოსთან პარტნიორული ურთიერთობა გვაქვს”, – თქვა მან.
მსგავსი სტატიები:
დედის 8 “ტყუილი”-უცნობის ისტორია!
ლანჩხუთში “ეტალონის” გამარჯვებული მოსწავლე გამოვლინდა
“მიშამ ბულვარში იარა, პატრულმაც დააჯარიმა და ვერ იცნეს…” – ეკა ხერხეულიძე
“ახლა თქვენ მითხარით, ვინ უფრო დააზარალა ქვეყანა, სააკაშვილმა თუ ივანიშვილმა”?-ფადი ასლი
წინ ბათუმი და სენაკია – ყველა ერთის წინააღმდეგ, მხოლოდ ასე დავამარცხებთ ივანიშვილს-სააკაშვილი ზუგდიდზე
ლარსის საბაჟოზე სამხედრო დანიშნულების სხვადასხვა ტიპის მანქანა გადაადგილდება
აგრო-ტურისტული ფესტივალი ,,ჩაის გზა“
„აი, რაია?” – მამუკა მდინარაძე IRI-ის კვლევაზე