ეს ქვეყანა არასოდეს იყო და არასოდეს იქნება პრორუსული! – ზურაბიშვილი

საქართველოს პრეზიდენტმა ამერიკის შეერთებული შტატების სახელმწიფო მდივნის მოადგილესთან, უზრა ზეიასთან ქართულ-ამერიკული ურთიერთობები და საქართველოს ევროატლანტიკური ინტეგრაციის საკითხები განიხილა.

შეხვედრაზე, რომელიც ორბელიანების სასახლეში გაიმართა, საქართველოს პრეზიდენტმა ქვეყნის ევროპულ მომავალზე საუბრისას ხაზგასმით აღნიშნა, რომ საქართველო არასოდეს იყო არასოდეს იქნება პრორუსული, ქართველი ხალხის აბსოლუტური უმრავლესობის უალტერნატივო არჩევანი ქვეყნის ევროპული გზაა.

საქართველოს პრეზიდენტმა ამერიკის შეერთებული შტატების სახელმწიფო მდივნის მოადგილეს მადლობა გადაუხადა საქართველოს დამოუკიდებლობის დღიდან, ათეული წლების განმავლობაში სხვადასხვა სფეროში ქვეყნის განვითარების მტკიცე მხარდაჭერისათვის.

პრეზიდენტის ადმინისტრაციის ინფორმაციით, საუბარი შეეხო მომავალ საპარლამენტო არჩევნებს და როგორც ზურაბიშვილმა აღნიშნა, არჩევნებზე იქნება საზოგადოების სრული მობილიზაცია, არასამთავრობო სექტორის და ახალგაზრდებისა და ქართველი ხალხი კიდევ ერთხელ დაადასტურებს საკუთარ ევროპულ არჩევანს.

შეხვედრაზე ქართულ-ამერიკული ურთიერთობების განხილვისას საუბარი შეეხო სამხედრო წვრთნების გადადებას და მის შესაძლო შედეგებს.

“განხილულ იქნა „ქართული ქარტიის“ მნიშვნელობა, რომელიც წარმოადგენს პრეზიდენტის მიერ შედგენილ სამოქმედო გეგმაა, რათა უმოკლეს ვადაში შესრულდეს ევროკავშირის რეკომენდაციები. ქარტიაზე ხელმომწერმა პარტიებმა აიღეს პასუხისმგებლობა, რათა შეასრულონ ნაკისრი ვალდებულებები, საქართველო დაუბრუნდეს ევროპულ გზას.

ამერიკის შეერთებული შტატების სახელმწიფო მდივნის მოადგილემ მადლობა გადაუხადა საქართველოს პრეზიდენტს ქვეყნის ევროპული გზის ლიდერობისათვის და კიდევ ერთხელ აღნიშნა, რომ მისი ვიზიტი იმის დადასტურებაა, რომ ამერიკისათვის მნიშვნელოვანია ქართველ ხალხთან სიღრმისეული პარტნიორობა და აშშ კვლავაც გააგრძელებს საქართველოს სუვერენიტეტის მხარდაჭერას.

მისი განცხადებით, საქართველოს ხელისუფლების საკმაო გამოწვევებით აღსავსე ანტიდემოკრატიულმა ცვლილებებმა საფრთხის ქვეშ ჩააგდო ქვეყნის ევროატლანტიკური გზა, რომელიც ქართველის ხალხის ნებას გამოხატავს”, – აღნიშნულია ადმინისტრაციის განცხადებაში.

გააზიარეთ და მოიწონეთ სტატია:

მსგავსი სტატიები:

უფასო საცხოვრებელი და 10 000 აშშ დოლარი თვეში – ეს ვაკანსია ბევრს დაააინტერესებს მიხეილ სარჯველაძე: დღეს ოპოზიცია არნახულად სუსტია “პატიმრით ევაჭრნენ და ოჯახის წევრები ხმებზე არბენინეს..ზონდერებს და ,,კაი ბიჭებს” დამკვირვებლის ბეიჯები დაკიდეს !” – ირაკლი ღლონტი “გესმით ბაჟეში ამოვლებულებო? ყაზახებმა შიმშილობა კი არა, რევოლუციაო! “ “თუ საქართველო მხარს არ დაუჭერს ანტირუსულ სანქციებს, პირდაპირი რეისების აღდგენა შესაძლებელი გახდება” “ჩვენ ვმოქმედებთ მიხეილ სააკაშვილის ინტერესებიდან გამომდინარე” გურიის სამოურავოები 1835 წლის მდგომარეობით ვიდეო: ბახმაროში სახლს მეხი დაეცა