ამერიკულმა ღვინის კომპანიამ Murphy-Goode Winery დააანონსა, რომ კალიფორნიის ქალაქ სონომაში ერთწლიანი ვაკანსია აქვს.
ვაკანსიის უნიკალურობა ისაა, რომ ახალი თანამშრომლის პოზიცია თავიდანვე განსაზღვრული არ არის. პირველი თვეების განმავლობაში იგი ჯერ კომპანიის საქმიანობას ეცნობა საფუძვლიანად და ზუსტად ადგენს, თუ მეღვინეობის რომელი ასპექტით არის დაინტერესებული. შემდეგ კი შესაბამის საკითხზე იწყებს მუშაობას. ახალწვეულს კომპანიის დამფუძნებლების შვილი, გამოცდილი მეღვინე დეივ რეიდი ჯუნიორი უწევს მენტორობას.
იღბლიანი ადამიანი, რომელსაც კომპანია აარჩევს, არა მხოლოდ მზიან კალიფორნიაში გადავა საცხოვრებლად, არამედ სრულიად უფასოდ იცხოვრებს კომპანიის მიერ დაქირავებულ სახლში, ყოველთვიური ხელფასის სახით კი 10 000 აშშ დოლარს მიიღებს.
ერთწლიანი მუშაობის პერიოდში ახალბედა მეღვინე მიიღებს ცოდნას როგორც ვაზის მოვლის, ასევე ღვინის შექმნის პროცესისა და გაყიდვების შესახებ.
კომპანიის განცხადებაში ნათქვამია, რომ ისინი ღვინის წარმოებით დაინტერესებულ კრეატიულ პიროვნებას ეძებენ, რომელსაც უკვე აქვს ამ მიმართულებით გარკვეული გამოცდილება.
კანდიდატი, რომელიც ვაკანსიაზე VC-ის გააგზავნის, მეღვინეობით დაინტერესებული, 21 წელზე უფროსი ასაკის პირი უნდა იყოს, რომელსაც აშშ-ში მუშაობის უფლება აქვს. დაინტერესებულ პირებს კომპანიისათვის რეზიუმეს გაგზავნა 30 ივნისის ჩათვლით შეეძლებათ.
მსგავსი სტატიები:
გურიაში კოვიდით რეინფიცირების შემთხვევა დადასტურდა _ “2 თვის წინ მოვიხადე და ისევ დამემართა”
“ივანიშვილს რუსი ოკუპანტი,რომელიც პარლამენტის თავმჯდომარის სკამში ჩაასკუპა,სწორედ ის იმსხვერპლებს!”
აუცრელი მასწავლებლები სექტემბრიდან გაკვეთილებს ვეღარ ჩაატარებენ? – ხელშეკრულების პირობების შეცვლა კერძო სკოლას შეუძლია
გერმანიის მთავრობამ საქართველოს 24 მლნ ევრომდე გრანტი გამოუყო
ქვეყნები, საიდანაც საქართველოში სუნამოები შემოდის
ლანჩხუთელი გოგონების კიდევ ერთი დიდი წარმატება
რა მოხდება თუ ბალიშის გარეშე დავიძინებთ?
გენიოსები, რომლებიც კლასში ჩარჩენილან, სკოლიდან გაურიცხავთ ან გონებასუსტებად მიიჩნევდნენ