ვმუშაობთ დამატებით ნაბიჯებზე, რაც დახმარების პროგრამების შეჩერებასაც მოიცავს – ჯოშუა ჰაკი

ამერიკის შეერთებული შტატების სახელმწიფო მდივნის თანაშემწის მოადგილე ევროპისა და ევრაზიის საკითხებში ჯოშუა ჰაკი ამბობს, რომ აშშ საქართველოში დემოკრატიული უკუსვლის პასუხად მუშაობს დამატებით ნაბიჯებზე, რომელიც მოიცავს “დახმარების პროგრამების პოტენციურ გადამისამართებას ან შეჩერებას, პოლიტიკური ჩართულობის გაუქმებას”.

ეს განცხადება მან აშშ-ის კონგრესში გააკეთა, სადაც საქართველოსა და მოლდოვაში მოახლოებული არჩევნების კონტექსტში აშშ-ის პოლიტიკაზე მოსმენა მიმდინარეობს. მოსმენა კონგრესის ევროპის საგარეო საქმეთა ქვეკომიტეტმა მოიწვია.

“6 ივნისს, ჩვენ დავუწესეთ სავიზო შეზღუდვები მმართველი პარტიის ათობით წარმომადგენელს, პარლამენტარებსა და სამართალდამცავი ორგანოების წარმომადგენლებს, რომლებიც პასუხისმგებლები არიან და მონაწილეობდნენ საქართველოში დემოკრატიისთვის ძირის გამოთხრაში. ეს ნაბიჯები ემყარება ჩვენს წინა ქმედებებს, ისეთებს, როგორებიც იყო კორუმპირებული მოსამართლეებისთვის სავიზო შეზღუდვების დაწესება და ქართველი-რუსი ოლიგარქისთვის, FSB-სთან კავშირში მყოფი ოთარ ფარცხალაძისთვის ფინანსური სანქციების დაწესება. ჩვენ მჭიდროდ ვთანამშრომლობთ უწყებათაშორის კოლეგებთან დამატებით ნაბიჯებზე, ეს მათ შორის მოიცავს დახმარების პროგრამების პოტენციურ გადამისამართებას ან შეჩერებას და პოლიტიკური ჩართულობის გაუქმებას“, – თქვა მან.

ჯოშუა ჰაკმა სიტყვით გამოსვლისას ქართული ოცნების ანტიდემოკრატიულ ნაბიჯებზე, რუსულ კანონზე, მოახლოებულ არჩევნებსა და მმართველი გუნდის დეზინფორმაციულ კამპანიაზე ისაუბრა.

გააზიარეთ და მოიწონეთ სტატია:

მსგავსი სტატიები:

კარლ ჰარცელი – პარტიის ლიდერებს მოვუწოდებდი, დარწმუნდნენ, რომ არჩევნების კარგად ჩატარებისთვის მათი აქტივისტები უმაღლეს ეთიკურ სტანდარტებს იცავენ “თუ ბუხართან წამოვსკუპდებით, „ოცნება“ გააგრძელებს ბოგინს“ – გურამ ჩალაგაშვილი ოცნება-“ხაზარაძე-ჯაფარიძემ პოლიტიკურ სტატუსს “შეაფარეს თავი”,ნიკა გვარამიამ კი ჟურნალისტურ საქმიანობას” “ძაღლები წამებით იხოცებიან! მომაკვდავები სიკვდილს ნატრულობენ” – უმძიმესი კადრები ბათუმის ნაგავსაყრელიდან “მთავარი არხის” ექსკლუზიური ინტერვიუ უკრაინის სახალხო დამცველთან [VIDEO] “ბორჯომის“ ქარხანაში დასაქმებულები უვადო, სრულმასშტაბიან გაფიცვას აანონსებენ პუტინის სიგიჟე და ოკუპანტების გვამებით მოფენილი უკრაინის მიწა – რა განცხადებას აკეთებს ზელენსკი რუსმა წამართვა აფხაზეთი, სამაჩაბლო და ბედავს ვიღაც და რუსეთისკენ იხედება? იმის დედას არ ვატირებ მე, აბა, რას ვიზამ – ელიზბარაშვილი