პოლიტიკური პარტიების აკრძალვა დემოკრატიული პროცესია – ირაკლი კობახიძე

საქართველოს პრემიერ-მინისტრის, ირაკლი კობახიძის მტკიცებით, პოლიტიკური პარტიების აკრძალვა დემოკრატიული პროცესია და როდესაც არსებობს სამართლებრივი საფუძველი, დემოკრატიულ სახელმწიფოში სწორედ ასე უნდა ხდებოდეს.

კობახიძე აცხადებს, რომ ერთმანეთის მიყოლებით იკრძალება პოლიტიკური პარტიები უკრაინაში, მოლდოვაში და ამასთან დაკავშირებით ძალიან პოზიტიური შეფასებები ისმის იგივე ევროკავშირის მხრიდან

”სააკაშვილის რეჟიმი არ არის ქართული სახელმწიფო. აქედან გამომდინარე, ჩვენ ვსაუბრობთ სააკაშვილის რეჟიმის გასამართლებაზე და რა თქმა უნდა, ეს პროცესი ვერავითარ საფრთხეს ვერ შეუქმნის ჩვენს ეროვნულ ინტერესებს, რაც ყველას თავიდან ბოლომდე უნდა ჰქონდეს გააზრებული. რაც შეეხება არალეგიტიმური, არაკონსტიტუციური პოლიტიკური პარტიის აკრძალვას, ეს არის ჩვეულებრივი დემოკრატიული პროცედურა, როდესაც არსებობს ყველა სამართლებრივი საფუძველი, დემოკრატიულ სახელმწიფოში სწორედ ასე უნდა ხდებოდეს. ერთმანეთის მიყოლებით იკრძალება პოლიტიკური პარტიები უკრაინაში, მოლდოვაში და ამასთან დაკავშირებით ძალიან პოზიტიური შეფასებები ისმის იგივე ევროკავშირის მხრიდან. ეს არის დემოკრატიული პროცესი, როდესაც პოლიტიკური პარტია პრობლემებს უქმნის სახელმწიფოს ეროვნულ ინტერესებს, როდესაც პოლიტიკური პარტია თავისი შინაარსით არის ანტიკონსტიტუციური, ანტიდემოკრატიული, რა თქმა უნდა, მისი აკრძალვა არის სახელმწიფოს პასუხისმგებლობა საკუთარი ქვეყნისა და დემოკრატიული სისტემის წინაშე“, – განაცხადა პრემიერმა.

ცნობისთვის, “ქართული ოცნების” პოლიტსაბჭომ განცხადება 20 აგვისტოს გაავრცელა. არჩევნების შემდეგ “ოცნება” სამართლებრივ რეპრესიებს აანონსებს. მმართველი გუნდი წერს, რომ “საკონსტიტუციო უმრავლესობის მოპოვებისთანავე, დააინიცირებენ სამართლებრივ პროცესს, რომლის შედეგადაც “ერთიანი ნაციონალური მოძრაობა” და ყველა მისი სატელიტი თუ მემკვიდრე პარტია არაკონსტიტუციურად გამოცხადდება“.

გააზიარეთ და მოიწონეთ სტატია:

მსგავსი სტატიები:

საარსებო შემწეობის მიმღებთა რიცხვი 87 000-ით გაიზარდა და პირველად გადააჭარბა 500 000-ს “მთელი რიგი კულტურის დარგები ბიძინა ივანიშვილის მიერ დაუყვედრებლად იქნა აღორძინებული” ფრანს პრესის ჟურნალისტს საქართველოში სააკაშვილის ნეკროლოგი დაუკვეთეს “დიდებული სელჩუკი” (“ალფარსლანი”) – ახალი თურქული სერიალი საქართველოსთვის შეურაცხმყოფელი აღმოჩნდა ბათუმის ნავსადგურში რუსული დროშის ქვეშ მცურავი გემი შევიდა პლედი მუხლებზე და სიარულის უჩვეულო მანერა – რას წერს მედია პუტინის ჯანმრთელობის მდგომარეობაზე 9 მაისს მისი საჯარო სივრცეში გამოჩენის შემდეგ ნიკა მელია: ხრწნისა და თვითგანადურების სტადიაში მყოფი ხელისუფლება ცეცხლს უკიდებს საკუთარ თავს! ნიკა გვარამია ევროპარლამენტის მიწვევით სტრასბურგში იმყოფება