”მე არ მჯერა, რომ რუსეთს შეუძლია ოკუპირებული აფხაზეთის დამოუკიდებლობის უკან გაწვევა”- ამის შესახებ ოკუპირებული აფხაზეთის ე.წ. საგარეო საქმეთა მინისტრმა სერგეი შამბაბ ჟურნალისტებს განუცხადა, როდესაც რუსეთ-საქართველოს ურთიერთობებზე კომენტარის გაკეთება სთხოვეს.
„მე მჯერა, რომ ჩვენი ინტერესებიდან გამომდინარეობს, რომ ისინი ნორმალურად განვითარდნენ. მე არ მჯერა, რომ რუსეთს შეუძლია აფხაზეთის დამოუკიდებლობის აღიარების უკან დაბრუნება“ – აღნიშნა „მინისტრმა“.
ის მიიჩნევს, რომ უნდა ეშინოდეთ, რომ აფხაზეთში ისეთი ვითარება არ შეიქმნას, როდესაც ადამიანებს გაუჭირდებათ საკუთარი თავის გადარჩენა – იუწყება Apsnypress.
”ეს არის ის, რისიც პირველ რიგში უნდა გეშინოდეს. და ის, რომ რუსეთი და საქართველო ერთ დღეს ნორმალურ ურთიერთობას დაამყარებენ, ვფიქრობ, არ უნდა შეგვაშინოს, რადგან მეზობლებთან მშვიდობიანი ურთიერთობა ყოველთვის ნებისმიერი სახელმწიფოს პრიორიტეტი უნდა იყოს. თუ საქართველოში კონფრონტაციულად განწყობილი ოპოზიცია გაიმარჯვებს, არ ვფიქრობ, რომ ეს ჩვენს ინტერესებში შედიოდეს“, – განაცხადა შამბამ.
ჟურნალისტებმა შამბას ჰკითხეს, რატომ არ შედგა რუსეთ-აფხაზური სამთავრობათაშორისო კომისიის მორიგი სხდომა 26 აგვისტოს სოხუმში.
„რუსეთის ხელისუფლების ბევრი წარმომადგენელი უნდა მოსულიყო, მაგრამ შეხვედრა ჩაიშალა. როგორც მივხვდი, მათ არ სურდათ გამოეცხადებინათ აფხაზეთის დამოუკიდებლობის საერთაშორისო აღიარების დღეს, რომ დაფინანსება შეჩერებულია“, – განაცხადა შამბამ.
მანვე კომენტარი გააკეთა ოპოზიციური ძალების განზრახვაზე, გამართონ შეკრება ლიხნაშტაზე.
”თუ თქვენ ატარებთ შეხვედრას, მაშინ ეს უნდა გააკეთოთ არა იმიტომ, რომ ვინმეს შეიძლება ჩამოერთვას მოქალაქეობა, მით უმეტეს, რომ ჯერ არ არის ცნობილი ეს მოხდება თუ არა, არამედ იმაზე, თუ როგორ შეგვიძლია გავაგრძელოთ ცხოვრება ისეთ სიტუაციაში, როცა რუსეთთან ურთიერთობა ფუჭდება. ჩვენ უკვე ვხედავთ პირველ ნაბიჯებს, რომ სიტუაცია საგრძნობლად შეიცვალა იმასთან შედარებით, რაც იყო და შეიძლება კიდევ უფრო გაუარესდეს. ამიტომ, შეიძლება ადამიანებს ჰკითხოთ, რისთვის არიან ისინი მზად. მზად ხარ ქამრები მოიჭიროთ და ისე იცხოვროთ, როგორც მაშინ, როცა აფხაზეთი ბლოკადაში იყო, თუ არა?“ – თქვა შამბამ.
შამბას თქმით, რუსეთს, როგორც მოკავშირეს, დაუგროვდა უკმაყოფილება აფხაზეთის მიმართ.
”ეს არ არის ის, რაც თავიდან იყო. მახსოვს, როგორი დამოკიდებულება ჰქონდა ჩვენს მიმართ რუსეთის საზოგადოებას, როცა აფხაზეთის დამოუკიდებლობა აღიარეს. დღეს ეს ასე არ არის. ჩვენ ყველა ვცდილობდით, რომ ეს მომხდარიყო. ყველამ ერთად ვეცადოთ როგორმე გამოვასწოროთ სიტუაცია. სოციალურ ქსელებში იმდენი ნეგატივია რუსეთისა და აფხაზეთის ურთიერთობაზე. ამიტომ, მოდით, ერთად ვიმუშაოთ იმისათვის, რომ ჩვენს სტრატეგიულ მოკავშირესთან ურთიერთობა გაუმჯობესდეს. ეს ჩვენს საერთო ინტერესებში შედის. ჩვენ ვცხოვრობთ რთულ, ცვალებად სამყაროში. დღეს არამარტო აფხაზეთს, არამედ მთელ კაცობრიობას ემუქრება მრავალი საფრთხე. მსოფლიო სისტემის რესტრუქტურიზაცია ყოველთვის ასოცირდება გლობალურ რყევებთან და დღეს ჩვენც ზღვარზე ვართ“, – აღნიშნა მან.
https://spnews.io
მსგავსი სტატიები:
“უსაფრთხო ვაქცინა არ არსებობს, ისევე როგორც არ არსებობს უსაფრთხო თვითმფრინავი”
ოპოზიცია გვიწვევს, რომ რუსთაველიდან ის სუნიანი კარვები ავყაროთ- გაჩეჩილაძე
შემოსავლების სამსახური: 1952 კგ პომიდორსა და 82 500 კგ ქათამში მავნე ორგანიზმები აღმოჩნდა
კორონავირუსის 14 სექტემბრის სტატისტიკა
ოზურგეთის საკრებულოში საფინანსო-საბიუჯეტო კომისიის სხდომა გაიმართა
საპატიო სტუმრის ცარიელი სავარძელი – მიხეილ სააკაშვილის გზავნილი და ნიკა მელიას მიმართვა ევროპას
მივესალმები ხერსონში უკრაინის დაბრუნებას, ქართველი ხალხი თქვენთან ერთად ხარობს – ზურაბიშვილი
შეიძლება ვივარაუდოთ, რომ იმპიჩმენტის შემდეგ ბიძინა ივანიშვილი პრეზიდენტად მოგვევლინება – გია ხუხაშვილი