აშშ-ს სახელმწიფო მდივანმა, ენტონი ბლინკენმა კიევში გამართული ვიზიტისას უკრაინისადმი მხარდაჭერა კიდევ ერთხელ გამოხატა და განაცხადა, რომ მოკავშირეები უკრაინის გამარჯვების მიმართ სრულად ერთგულნი რჩებიან.
ბლინკენის თქმით, აშშ-ს სურს, რომ უკრაინამ გაიმარჯვოს.
“ჩვენ სრულად ერთგული ვრჩებით უკრაინის გამარჯვების მიმართ – უზრუნველვყოთ არა მხოლოდ ის, რომ უკრაინამ დღეს თავის დაცვა შეძლოს, არამედ ისიც, რომ მან დამოუკიდებლად, მტკიცედ, სამხედრო თვალსაზრისით, ეკონომიკურად, დემოკრატიულად, მრავალი დღის მანძილზე ფეხზე დგომა შეძლოს, რათა უკრაინელი ხალხის მიერ არჩეულ გზას მიაღწიოს ევროატლანტიკურ ოჯახში ინტეგრაციის მხრივ, მათ შორის ევროკავშირსა და NATO-ში”. – განაცხადა ბლინკენმა.
მისი თქმით, მოკავშირეების მხარდაჭერა უკრაინის მიმართ არ გამოილევა და ერთიანობა არ გატყდება, ხოლო პუტინი ვერ შეძლებს უკრაინის მხარდამჭერი ქვეყნების კოალიციაზე მეტხანს გაძლოს.
ენტონი ბლინკენი და გაერთიანებული სამეფოს საგარეო საქმეთა მინისტრი, დევიდ ლემი კიევში უკრაინის პრეზიდენტს, ვოლოდიმირ ზელენსკის შეხვდნენ. ბოლო პერიოდში ზელენსკი აშშ-ს ATACMS-ის რაკეტებზე შეზღუდვის მოხსნას სთხოვდა, რათა უკრაინამ რუსეთში შეიარაღების საწყობებსა და სხვა სახის სამიზნეებზე იერიშის მიტანა შეძლოს. აქამდე თეთრ სახლს აღნიშნული რაკეტების გამოყენების მხრივ პოლიტიკა არ შეუცვლია, თუმცა 10 სექტემბერს ბლინკენმა განაცხადა, რომ ირანი რუსეთს ბალისტიკური რაკეტებით ამარაგებს, რასაც ლემიმ “მნიშვნელოვანი ესკალაცია” უწოდა.
ბლინკენის თქმით, იგი ზელენსკისთან შეხვედრაზე განხილულ საკითხებს ჯო ბაიდენს გააცნობს, რომელიც ორ დღეში უკრაინის პრეზიდენტსა და გაერთიანებული სამეფოს პრემიერმინისტრს, კირ სტარმერს შეხვდება.
მსგავსი სტატიები:
ექსკლუზიური კადრები ზუგდიდში გუშინ განვითარებული მოვლენების ეპიცენტრიდან
ვერ ვიშორებთ ხელისუფალს, რომელმაც ჩამოაქცია ქვეყანა- ბოკუჩავა
“თუ ყველა ამას არ აღვუდექით, შეგვრჩება ბიძინას, ანუ” ბეზპრიდელის” საქართველო”
ნათია თურნავა სააკაშვილის განცხადებაზე – დაიღალა ქართული საზოგადოება იმის მოსმენით: „ჩამოვდივარ, ჩამოვდივარ”
ბრაზილიის მოქალაქეს საქართველოში 1 კილოგრამამდე “კოკაინი” სხეულით შემოჰქონდა
7 წლის ბავშვს ტრაილერი დაეჯახა
მიხეილ სააკაშვილის მდგომარეობა უმძიმესია – “ოცნების” ხელისუფლება მის საზღვარგარეთ გადაყვანას არც ახლა აპირებს
ქსკ “ლანჩხუთი” საქართველოს ჩემპიონია