ვხედავ ენერგიას ქვეყანაში, რათა გავიდეთ ევროპულ ასპარეზზე, ვიაროთ დასავლური ცივილიზაციისკენ – ბაქრაძე

“მე ვხედავ ენერგიას და მზადყოფნას ამ ქვეყანაში იმისათვის, რომ მოხდეს დიდი გარდატეხა და რომ ჩვენ გავიდეთ ევროპულ ასპარეზზე, ვიაროთ დასავლური ცივილიზაციისკენ; არჩევნებამდე დარჩენილ დღეებში ჩვენ გვჭირდება ეს ენერგია, რომ გავიმარჯვოთ“, – ამის შესახებ “ერთიანობა – ნაციონალური მოძრაობის” ლიდერმა ლაშა ბაქრაძემ თბილისის კამპანიის გახსნაზე განაცხადა.

“ერთიანობა – ნაციონალური მოძრაობის” თბილისის კამპანიის ღონისძიების – “კი ევროპას” გახსნის დროს სიტყვით გამოსვლისას ლაშა ბაქრაძემ განაცხადა, რომ საქართველოს გამარჯვებები სჭირდება, რათა სწრაფი ნაბიჯებით იაროს ევროპისკენ და დასავლური ცივილიზაციისკენ:

”გილოცავთ გუშინდელ გამარჯვებას ფეხბურთში, რადგან საქართველოს ჭირდება გამარჯვებები და არა ის უძრაობა, რომელიც მოიტანა ბიძინა ივანიშვილის რეჟიმმა. საქართველოს სჭირდება დიდი ნაბიჯებით წინსვლა, ჩვენ კი ვდგავართ ერთ ადგილას და არაფერი თითქოსდა არ მიდის წინ. ძალიან ხშირად, ამ ბოლო დროს, მეკითხებიან ხოლმე, რომ ქვეყანაში არის ამდენი სოციალური პრობლემა და რატომ ვლაპარაკობთ ამდენს ევროპაზე. სწორედ იმიტომ, რომ ევროპა არის სოციალური სამართლიანობა, დემოკრატია, კეთილდღეობა ყველასათვის, სამართლიანი სასამართლო. სწორედ ამიტომ გვინდა ჩვენ ვიყოთ მსოფლიოს ამ ყველაზე პროგრესული ოჯახის ნაწილი.

დავით აღმაშენებლის ისტორიკოსთან არის ასეთი ფრაზა, რომ დავითი პატარა საქართველოდან რომ არ ყოფილიყო, ალექსანდრე მაკედონელზე ნაკლები არ იქნებოდაო. ჩვენ გვჭირდება სასიცოცხლო სივრცე იმისთვის, რომ ქართულ ნიჭს მიეცეს გასაქანი, და ეს იქნება დემოკრატიული სივრცე და არა ისეთი, როგორიც იყო რუსეთისა თუ ოსმალეთის, სპარსეთის იმპერიების სივრცეები, რათა ქართულმა ენერგიამ აჩვენოს ის, თუ რა შეუძლია მას – აი, ამისთვისაც გვინდა ჩვენ ევროპა. და მე ვხედავ ენერგიას და მზადყოფნას ამ ქვეყანაში იმისათვის, რომ მოხდეს დიდი გარდატეხა და რომ ჩვენ გავიდეთ ევროპულ ასპარეზზე, ვიაროთ დასავლური ცივილიზაციისკენ. აი, ეს ენერგია გვჭირდება დღეს ჩვენ, არჩევნებამდე დარჩენილ დღეებში, რომ გავიმარჯვოთ და გავიმარჯვოთ არა ისე, როგორც „ქართულ ოცნებას“ უნდა მხოლოდ თავისი შვილებისთვის და თავიანთი თავისთვის კეთილდღეობა, არამედ ისე, რომ ყველა მოქალაქეს თანასწორი უფლება ჰქონდეს და ჩვენ ვიბრძვით არამხოლოდ ჩვენი, არამედ მათი შვილებისთვისაც და ამ ერთიანობით ჩვენ შევძლებთ ძალიან ჩქარ და დიდ წინსვლას მეტი თავისუფლებისა და მეტი კეთილდღეობისაკენ. გაუმარჯოს საქართველოს, გაუმარჯოს თავისუფლებას, დამოუკიდებლობას და, რაც მთავარია, ერთიან, განუყოფელ საქართველოს“, – განაცხადა ლაშა ბაქრაძემ.

გააზიარეთ და მოიწონეთ სტატია:

მსგავსი სტატიები:

“დაუნახავი უნდა იყო კაცი ბიძინას სიკეთე არ დაინახო” ტიკარაძე: “ამ ეტაპისთვის საბჭოს არ უმსჯელია შეზღუდვებთან დაკავშირებით” რა წამახალისებელი ღონისძიებები განიხილება სრულად აცრილებისთვის? “დიალიზზე ვარ, ექიმებს ეშინოდათ, მაგრამ გართულების გარეშე ავიცერი“- ბუბა კიკაბიძე “მითხრა, მეგონა საზოგადოებამ ეს იცოდა და ძალიან მინდა გაიგონ ამის შესახებო“ – აქამდე უცნობი დეტალები სააკაშვილის რუსთავის ციხიდან გადაყვანის შესახებ “სანატორიუმ “ქართლში” მცხოვრებ დევნილებს აქვთ 2 გზა”- ღარიბაშვილის განცხადება დავითულიანის თქმით, რუსეთმა შეიძლება მწვანე შუქად აღიქვას EU-ს კანდიდატის სტატუსის არმონიჭება უფულო რუსები საშინლად ილანძღებიან ბათუმის “პარიზული” ფასების გამო – ვადაჭკორია