რუსეთის საგარეო საქმეთა მინისტრის, სერგეი ლავროვის თქმით, რუსეთი მზად არის, მხარეების დაინტერესების შემთხვევაში საქართველოს “მეზობლების”, “აფხაზეთისა და სამხრეთ ოსეთის ქვეყნებთან” შერიგებაში დაეხმაროს.
“საქართველოს ამჟამინდელი ხელისუფლება წარსულს უბრალოდ სამართლიანად აფასებს. მათ ასეც თქვეს, რომ ისტორიული შერიგება გვსურსო. ხოლო რა სახით, რა ფორმით მოხდება ეს შერიგება, ეს თავად ქვეყნების, აფხაზეთისა და სამხრეთ ოსეთის გადასაწყვეტია. ისინი საქართველოს მეზობლები არიან, რაღაც სახის კონტაქტი გარდაუვალია. თუ ყველა მხრიდან იქნება ინტერესი ამ ურთიერთობების ნორმალიზების, თავდაუსხმელობის შეთანხმების უზრუნველყოფის… ჩვენ მხარეთა დაინტერესების შემთხვევაში მზად ვიქნებით დასახმარებლად”. – თქვა ლავროვმა.
მანამდე, 14 სექტემბერს ქართული ოცნების საპატიო თავმჯდომარემ, ბიძინა ივანიშვილმა გორში წინასაარჩევნოდ გამართულ ღონისძიებაზე განაცხადა, რომ “უნდა გამოვძებნოთ საკუთარ თავში ძალა ბოდიშის მოსახდელად”, რადგან “მოღალატე ნაციონალურმა მოძრაობამ 2008 წელს ცეცხლის ალში გახვია ჩვენი ოსი დები და ძმები.”
მოგვიანებით, ეს განცხადება კრემლის პროპაგანდისტმა, RT-ის მთავარმა რედაქტორმა მარგარიტა სიმონიანმა შეაქო.
“საქართველო განსაცვიფრებლად ადეკვატურად იქცევა, თითქოს მრავალწლიანი გადაბმული სმიდან (ორიგინალში – запой) ან ფსიქოზიდან გამოვიდა. თბილად მივესალმებით, ზოგადად!”. – წერს სიმონიანი.
მსგავსი სტატიები:
ბოლო 24 საათში კორონავირუსით 18 ადამიანი გარდაიცვალა
ადამიანის ინტერესებზე ორიენტირებული პოლიტიკური გუნდი ვართ – წილოსანი
როგორია გურიაში კოვიდინფიცირების მაჩვენებელი
პარლამენტმა ონლაინკაზინოების აკრძალვის კანონი პირველი მოსმენით მიიღო
”პუტინის ტყვეობიდან პრეზიდენტის გამოხსნა ღირსების საქმეა”
ბახვი ჰესის ტრენინგ მოდული უფროსკლასელთათვის მთისპირსა და ჩხაკაურაში დაიწყო
ოზურგეთელმა მკლავჭიდელებმა ევროპაზე საგზური მოიპოვეს
კურსკის ოლქის სასაზღვრო რაიონებიდან 76 ათასზე მეტი ადამიანის ევაკუაცია მოხდა