ეროვნული ბანკის ყოფილი პრეზიდენტი, გიორგი ქადაგიძე “ქართულ ოცნებას” სიცრუის ტირაჟირებაში ადანაშაულებს და “პირველი ხაზის” ეთერში მმართველ პარტიას ბრალს მშვიდობის თემით მანიპულირებაში სდებს.
გიორგი ქადაგიძე ივანიშვილის ხელისუფლების ბოლოდროინდელ განცხადებებს “უტიფრობას” უწოდებს და ღიად აცხადებს, რომ “ქართული ოცნების” “სიცრუის კორიანტელი” ერთადერთ მიზანს, მძიმე რეალობის გადაფარვას ემსახურება.
“ვცხოვრობთ სიურეალისტურ, გამოგონილ სამყაროში” – ამბობს გიორგი ქადაგიძე.
ამასთან, ეროვნული ბანკის ყოფილი პრეზიდენტი ხაზს უსვამს, რომ საქართველოში ყველა სახელმწიფო ინსტიტუტი მოშლილია და ერთადერთ ადამიანს ემსახურება.
”თბილისი გახდა ერთ-ერთი ყველაზე ძვირი ქალაქი ევროპაში, სადაც, პრაქტიკულად, მოშლილია ყველა სახელმწიფო ინსტიტუტი და, სადაც ყველაფერი და ყველა ინსტიტუტი ემსახურება ერთ ადამიანს და მის გარემოცვას. დავანებოთ თავი ყოველდღიურობას, საქართველოს მმართავს ადამიანი, რომლის სიმდიდრე არის ეკონომიკის მესამედი თითქმის, რომელიც თავის მოურავებს ნიშნავს პრემიერ-მინისტრად, თავის დაცვის უფროს შინაგან საქმეთა მინისტრად, თავის ადვოკატს ნიშნავს მთავარ პროკურორად.
გამოგონილ სამყაროში ვცხოვრობთ და ამას ემატება უკიდურესი უტიფრობა და სიცრუე, როდესაც ტირაჟირებენ, გვაშინებენ, მანიპულირებენ ომის ტრავმებით. გარეჯის საქართველოს კაპანია რად ღირდა, ხომ მთელ საქართველოს გვახსოვს. მოგვარდა ეს თემა?. ეს სიცრუის კორიანტელი, რომელიც ემსახურება მხოლოდ ერთადერთ მიზანს, რამენაირად ყურადღება გადაიტანონ ჩვენი მოსახლეობის უკიდურესი კორუფციისგან, გაჭირვებისგან, შეუსრულებელი დაპირებებისგან, გაძვირებული ფასებისგან”, – ამბობს გიორგი ქადაგიძე.
მსგავსი სტატიები:
გურიაში „ქართული ოცნების” წევრებმა პარტია დატოვეს და „სოლიდარობის ალიანსს” შეუერთდნენ
დიდი კორუფციული გარიგებები და უკანონო მშენებლობების ბუმი ბახმაროში
ესპანეთის ქალაქი, რომელიც კლდის თავზეა გაშენებული და სულ ერთი ქუჩა აქვს
მართლმადიდებელი ეკლესია დღეს წმინდა დიდმოწამე გიორგის ხსენების დღეს აღნიშნავს
“ვაფრთხილებ პუტინს, ერთი დიუმით არ გადაადგილდეს ნატო-ს ტერიტორიაზე!”
“თქვენ ხართ სახელმწიფო დამნაშავეები, ხოლო მე ვარ….თქვენი სიბინძურის მამხილებელი თავის ტკივილი”-სოსო გოგაშვილი
გიორგი კეკელიძისნაირ კაცს არავის შეფასება არ უნდა სჭირდებოდეს, მას თავისი საქმეები უმაგრებს ზურგს – ტარიელ ხარხელაური
ვეტო ივანიშვილის კანონს – “ოცნება” პრეზიდენტის კიდევ ერთი ვეტოს დასაძლევად ემზადება