”მე, რისთვის მივდივარ (არჩევნებზე) იმისთვის, რომ, 27 ოქტომბერს, გავიღვიძო ევროპულ სახელმწიფოში. მივდივარ იმიტომ, რომ, ვფიქრობ, არჩევანი ძალიან მარტივია – ვირჩევთ ან რუსეთს ან, ამ შემთხვევაში, ევროპას” – ამის შესახებ გადაცემა “რეაქციაში“ ექიმმა- ენდოკრინოლოგმა, ლაშა უჩავამ განაცხადა.
უჩავამ გამჭვირვალობის კანონის მიღების შემდეგ დაწყებულ აქციებზეც ისაუბრა და აღნიშნა, რომ სწორედ მაშინ გამოფხიზლდა სამედიცინო საზოგადოება, რადგან მათ ყველაზე მეტად იგრძნეს, რა მოხდებოდა, თუ ქვეყანა ამ გზით სიარულს გააგრძელებდა.
”მაშინ, როდესაც რუსულ კანონზე საქართველოში აქციები დაიწყო, აქტიურად ვიყავით ჩართული და სამედიცინო საზოგადოება მეტად გამოფხიზლდა, მეტად შეიძლება ითქვას, იქიდან გამომდინარე, რომ ჩვენ, ზუსტად ვიცით, ვიგრძენით და ვგრძნობთ, რა მოხდება თუ ასე გაგრძელდა საქართველოში, კონკრეტულად, ჩვენ სფეროში, ჯანდაცვაში, იმიტომ, რომ შეიცვლება ყველაფერი, ხელმისაწვდომობა არ გვექნება დასავლურ მედიცინაზე, რომელიც ჩვენთვის მნიშვნელოვანია. ისინი, ვინც “ზევით” არიან, აუცილებად, წავლენ, იყიდიან შესაბამის პრეპარატებს, ექნებათ წვდომა ამასთან, ჩვენ არ გვექნება ამის საშუალება, არ ექნება იმის საშუალება, უბრალო ადამიანს, რომ მივიდეს ექიმთან, მიიღოს ის მომსახურება ექიმისგან, ჯანდაცაში, რა მომსახურებაც აუცილებელია. არ გვექნება სიახლეები გაწყვეტს უამრავი საერთაშორისო ორგანიზაცია ჩვენთან ურთიერთობას.
ჩვენ, ძალიან კარგად ვიცით, 90-დან მოყოლებული, სამედიცინო სფეროში, სხვადასხვა საერთაშორისო ორგანიზაციებმა, მათს შორის, ევროკავშირმა, ძალიან, დიდი წვლილი შეიტანა ჯანდაცვის განვითარებაში. დღესდღეობით, ჯანდაცვის ტურიზმიც კი განვითარებულია, საქართველოში. სწორედ, ეს წვდომა მთლიანად იქნება შეფერხებული.
ძალიან მიხაროდა, როდესაც მარტის აქციებზე ახალგაზრდებს ვხედავდი, მათ აქვთ მტკიცე ხასიათი და გადაწყვეტილება, რომ უნდათ მეტი თავისუფლება, თავისუფალ საქართველოში ცხოვრება. გრძნობენ იმ საფრთხეს – თუ ამ ლიანდაგზე წავალთ, ეს ყველაფერი შეიცვლება. მათ მივყავართ იმ გეზით, რომ არ ვიცოდეთ, რა ხდება და დავბრუნდეთ იმ საბჭოთა ეპოქაში, რომელშიც სიბნელეა” – განაცხადა უჩავამ.
მსგავსი სტატიები:
ოზურგეთის საბავშვო ბაღებში ბავშვების საკვები პროდუქტებით მოწამვლა გამოირიცხა
კახეთში 11 წლის ბავშვი სავარაუდოდ გააუპატიურეს – 34 წლის მამაკაცი პოლიციამ უკვე დააკავა
ქორწილების, ქელეხების, ბანკეტებისა და სხვა სახის სოციალურ ღონისძიებებზე შეზღუდვა ძალაში რჩება
ბახვი 1 ჰესის პროექტის ფარგლებში გარემოს დაცვისა და სოციალურ საკითხებზე მომუშავე მრჩეველთა საბჭო შეიქმნა
კობახიძე საქართველოდან უკრაინის ელჩის გაწვევას “ენმ”-ს და დავით არახამიას აბრალებს
“უსინდისობა და უტიფარი ტყუილია… სტრასბურგს არ დაუდგენია, რომ მიხეილ სააკაშვილი სათანადო პირობებშია” – თუთბერიძე პაპუაშვილზე
როგორ ებრძოდა ქალაქ ოზურგეთის მოსახლეობა სააფთიაქო მონოპოლიას მეოცე საუკუნის დასაწყისში
პუტინის კრიტიკისა და უკრაინის ომის წინააღმდეგობის გამო, ნობელიანტ რუს უფლებადამცველს 2,5 წლიანი პატიმრობა მიუსაჯეს