ოკუპირებულ აფხაზეთში ნოემბრის დასაწყისიდან მოსახლეობისთვის ელექტროენერგიის მიწოდება ყოველდღიურად 4-4 საათით შეეზღუდება. ინფორმაციას რუსული სამთავრობო პროპაგანდისტული გამოცემა TACC-ი ოკუპირებული აფხაზეთის დე ფაქტო ხელისუფლების მიერ კონტროლირებად კომპანია Черноморэнерго-ს აღმასრულებელ დირექტორზე, თემურ ჯინჯოლიაზე დაყრდნობით ავრცელებს.
“ამჟამად აფხაზეთს 260 კვტ/სთ ელექტროენერგიის დეფიციტი აქვს. ამასთან დაკავშირებით კომპანია Интер РАО-სთან ხელშეკრულება უკვე დაიდო, რომ 1-ელი ნოემბრიდან რუსეთიდან 180 მილიონი კვტ/სთ ელექტროენერგია მივიღოთ (60 მლნ. ნოემბერში და 120 მლნ. დეკემბერში). იმისათვის, რომ როგორმე არსებული დეფიციტი დაიფაროს, ნოემბრის დასაწყისიდან რესპუბლიკის მასშტაბით ელექტროენერგიის 4-საათიანი შეზღუდვები დაწესდება”, – ეუბნება TACC-ს ჯინჯოლია.
ჯინჯოლიას თქმით, ელექტროენერგიისთვის მოსახლეობა კომერციულ ფასს გადაიხდის, ვინაიდან ეს “საჯარო სახის მომსახურება არ არის”.
ჯინჯოლიას ცნობითვე, მოვლენების განვითარება ენგურჰესში წყლის დონეზე და სადგურის შესაძლებლობებზეცაა დამოკიდებული.
ამჟამად, ენგურჰესი ერთადერთი ჰიდროელექტროსადგურია, რომელიც აფხაზეთს ელექტროენერგიით ამარაგებს.
მსგავსი სტატიები:
ლანჩხუთის საფეფეხბურთო გოგონათა გუნდი ჩემპიონთა ლიგის შემდეგ ეტაპზე გადავიდა
“რა გააკეთეთ ბოლო წლების განმავლობაში, რომ ქვეყნის PR-ზე გემუშავათ?”
ქორწილების, ქელეხების, ბანკეტებისა და სხვა სახის სოციალურ ღონისძიებებზე შეზღუდვა ძალაში რჩება
ბახვი 1 ჰესის პროექტის ფარგლებში გარემოს დაცვისა და სოციალურ საკითხებზე მომუშავე მრჩეველთა საბჭო შეიქმნა
კობახიძე საქართველოდან უკრაინის ელჩის გაწვევას “ენმ”-ს და დავით არახამიას აბრალებს
“უსინდისობა და უტიფარი ტყუილია… სტრასბურგს არ დაუდგენია, რომ მიხეილ სააკაშვილი სათანადო პირობებშია” – თუთბერიძე პაპუაშვილზე
როგორ ებრძოდა ქალაქ ოზურგეთის მოსახლეობა სააფთიაქო მონოპოლიას მეოცე საუკუნის დასაწყისში
პუტინის კრიტიკისა და უკრაინის ომის წინააღმდეგობის გამო, ნობელიანტ რუს უფლებადამცველს 2,5 წლიანი პატიმრობა მიუსაჯეს