მიხეილ სააკაშვილი – დრო იკარგება ქვეყნის შიგნით და ასევე თანდათან ჩაქრება ინტერესი ქვეყნის გარეთ, არაფერი ხდება გარდა, გაუთავებელი შეხვედრებისა – იმედია, სწრაფად განახლდება ფართო სახალხო საპროტესტო მოძრაობა

დრო იკარგება ქვეყნის შიგნით და ასევე თანდათან ჩაქრება ინტერესი ქვეყნის გარეთ – არაფერი ხდება გარდა, გაუთავებელი შეხვედრებისა – იმედია, სწრაფად განახლდება ფართო სახალხო საპროტესტო მოძრაობა,- ამის შესახებ საქართველოს მესამე პრეზიდენტი, მიხეილ სააკაშვილი სოციალურ ქსელში წერს.

როგორც სააკაშვილი აცხადებს, „ქვეყანაში დამყარებული დიქტატურის წინააღმდეგ უცხოეთი ვერაფერს გააწყობს თუ მას თან მასობრივი და განგრძობითი პროტესტი არ ახლდა“.

„მე ვსვამ კითხვას, რომელიც ალბათ ბევრს უჩნდება. რუსული კანონის მიღების შემდეგ პროტესტი შეჩერდა ვინაიდან არჩევნებს ველოდებოდით. ახლა არჩევნები მოიპარეს და პირველი და ერთადერთი მიტინგი ორ საათში დაშალეს. შემდეგ არაფერი ხდება გარდა, გაუთავებელი შეხვედრებისა.

შეხვედრები საჭიროა და არჩევნების მოპარვის სქემის გახსნა მნიშვნელოვანია, მაგრამ საქართველოში დამყარდა დიქტატურა და ამის წინააღმდეგ ვერც უცხოეთი გააწყობს ვერაფერს და ვერც ჩვენ მიერ დაწერილი დეტალური დოკუმენტები, თუ ყველაფერს თან არ ახლდა მასობრივი და განგრძობითი პროტესტი.

დრო იკარგება ქვეყნის შიგნით და ასევე თანდათან ჩაქრება ინტერესი ქვეყნის გარეთ. ინიციატივა გადავა რეჟიმის ხელში თუ ჩვენ არ ავიღეთ ის ჩვენს ხელში.

აქამდე ვიძახდით, რომ ჩვენ არ ვართ ბელარუსები და ვენესუელელები და უფრო მეტად ვიაქტიურებდით, სინამდვილეში უნდა ვაღიაროთ, რომ იგივე ბელარუსებმა დღეის მდგომარეობით ჩვენზე ბევრად აქტიურად იბრძოლეს.

ვამბობ ამას შეშფოთებით და გულისტკივილით და იმედია სწრაფად განახლდება ფართო სახალხო საპროტესტო მოძრაობა.

ჩემი მხრივ, მხოლოდ მიხარია, რომ პარტიები და სამოქალაქო მოძრაობა ერთობლივად მოქმედებენ. ყველანაირად მოვუწოდებ “ნაციონალურ მოძრაობას” და ყველა ჩემს მომხრეს, უკან მოიტოვონ ყველა ჩვენი წინასაარჩევნო განსხვავებები, ვინაიდან ახლა ჩვენი ქვეყანა გვაქვს გადასარჩენი!“- წერს სააკაშვილი.

გააზიარეთ და მოიწონეთ სტატია:

მსგავსი სტატიები:

კორონავირუსის ვაქცინაცია საქართველოს მოქალაქეებისთვის უფასო იქნება – ტიკარაძე “ყველაფერს გავაკეთებ, რომ მაქედან კი არ ​გვიყურებდე, ერთ-ერთი ჩვენგანი იყო, თავისუფალი” – ნიკა მელიას მიმართვა მიხეილ სააკაშვილს ვაშნარი – უზარმაზარი წიფლების ფესვთა ქვეშ არსებული მიწა ალა პუ­გა­ჩო­ვამ რუ­სე­თი დატოვა – თან ოჯახიც გაიყოლა ბერლინში, 8-9 მაისს უკრაინისა და რუსეთის დროშების გამოყენება აიკრძალა „ეჰ, ჩემო ღრმად პატივცემულო, მოხუცებულო ევროპავ!” – რას წერს გოგა ხაინდრავა სააკაშვილი თავად იწამებს თავს, თუ ვინმე აწამებს, ეს მისი პოლიტიკური გარემოცვაა – ბრეგაძე “ჩვენ ვერანაირი მუქარა ვერ შეგვაშინებს იმიტომ, რომ სწორ საქმეს ვაკეთებთ!”-კახა კალაძე ბაიდენთან მიღებაზე კობახიძის მიწვევის გაუქმებაზე